【想移民，一係有錢，一係有料。】
移民，再次成為香港人茶餘飯後話題。
你又話想移，佢又話想移，啱啱入職嘅fresh grad都話想移民。想追求更好生活環境屬人之常情，不過「想移民」同「移到民」係兩回事。移民唔係旅行，買張機票就成事，而係一項重要嘅人生規劃。如果有決心移民，就需要先做下功課，睇吓邊種形式最岩自己。
講個最簡單，有錢使得鬼推磨嘅方法——投資移民 (以下統一用港幣做單位)：
【台灣】投資155萬經營實體店三年，請兩位台籍員工，兼且自己住滿三年，一年內唔離開台灣超過30日。
【日本】投資36萬創業，申請為期一年嘅「經營管理簽證」，生意收入夠支持生活再續簽，連續住滿10年，就可成為日本永久居民。
【新加坡】至少有三年創業經驗，投資大概1400萬、投資期最少五年，去當地創業或者擴充業務，而營業額三年平均必須達到最少2.72億，咁先合乎永久移民資格。
【澳洲】商業創新移民簽證，有405萬淨資產，兩年內每年營業額平均最少253萬；或者商業投資移民簽證，投資州政府指定項目由760萬起，另外要有1139萬淨資產。
無父幹又無儲錢點算？唔緊要，只要你夠能力，世界咁大，總有容納到你嘅地方——技術移民：
【台灣】台灣專業移民容許三類人士，最普遍屬於具專業技術能力者一類，例如會計師、律師、建築師及醫務人員等，當擁有專業資格，再做夠兩年以上就可以申請。
【日本】根據日本推出嘅「高度人才計劃 」，分為「高度學術研究活動」、「高度專門、技術活動」及「高度經營、管理活動」三類別。喺日本居留3年內，從事符合簽證工作，即獲資格申請永居。而簽證嘅申請資格採用積分表方式，各領域中以學歷、工作經驗、收入、年齡等項目評分，總積分達70分以上，就可申請日本高度人才簽證。
【新加坡】必須喺新加坡搵到工作，獲得工作簽證後就可以申請入籍。而工作準證分為三類，以就業準證為例，申請人要擁有大學學位、專業證書或特殊技能，獲新加坡公司聘請，並且主要從事行政管理。
【澳洲】澳洲技術移民以EOI(express of interest)做評分，達60分先足夠合格。申請技術移民時，申請嘅職位必須喺澳洲緊缺職業列表內，當中職位包括會計師、管理顧問、經濟學家、中學教師及專科醫生等。
投資移民，睇你有無錢；技術移民，就睇你有無料。當然，申請者嘅年紀、相關語言能力、學歷、相關工作經驗，都同申請會唔會成功有好大關係。所以話，做人幾時都要增值，考取更高學歷同埋專業資格，除咗可以搵到多啲錢投資移民，仲增加技術移民成功機會。如果兩樣都無嘅話，睇怕都要疊埋心水，繼續努力返工算喇！
技術移民台灣 在 網路上關於台灣技術移民工程師-在PTT/MOBILE01/Dcard上的 ... 的推薦與評價
2022台灣技術移民工程師討論資訊，在PTT/MOBILE01/Dcard上的升學考試資訊整理，找台灣技術移民工程師在Instagram影片與照片(Facebook/Youtube)熱門討論內容就來大學國 ... ... <看更多>