恒指公司永遠都會畀到驚喜大家，Surprise！
宣佈加入李寧(2331)、信義玻璃(0868)及招行(3968)入恒指成份股，亦竟然有成份股被剔除，是交行(3328)，青冰今次估的，全部落選，好在倉內都有一隻唔係博染藍但又意外中咗的李寧，希望一隻頂到其他幾隻落選啦。
李寧及信義玻璃的入選，算是意料之外，但都合理，之前無諗過係佢哋，主因係成份股內已有安踏(2020)，為咗行業分佈平均啲，應該無咁快加入吧，信義系上次先加入咗信義光能(0968)，咁快就將兩隻同系加入，真係少見，而招行呢，青冰在十年八載前已經估佢會入，論質素無可能比其他內銀差囉，但一直都因為金融股太多而被拒，因為金融股隻隻都唔郁得嘛，點知今次竟然郁交行加招行，真係完全估佢唔到。李寧應該會是當中最受惠的，因為比重將有1.65%，排第十六位，指數基金都要買唔少。
國指就加入李寧及京東物流(2618)，剔除世茂(0813)及海螺水泥(0914)，科技指數就加入攜程(9961)，剔除新東方在線(1797)。
綜合指數加入17隻股，比較令青冰失望的就是力勁(0558)及完美醫療(1830)都落選，而17隻股當中，半新股佔了11隻，似乎就有點那個，論行業代表性及業務，百融雲(6608)及聯易融科技(9959)這些比招股價跌了一半的半新股，真係比那些舊股有代表性咩？不過最開心都係香港科技探索(1137)終於入選綜合指數，遲咗起碼半年囉，但睇怕北水都未必對佢有太大興趣，以這個邏輯去諗，那些舊股可能要等多半年先有機會了。
最後補多一句，恒指永遠有出奇蛋，的確係幾好玩，所以永遠唔見有春江鴨子囉。
新東方在線 股價 在 新東方在線爆升之謎大揭秘(01797) | 直播帶貨 - YouTube 的推薦與評價
新東方在線 (01797) 近日 股價 連升八倍，單日成交過百億，成為市場一大焦點。爆升或多或少源於旗下直播間「東方甄選」突然走紅。去年受內地雙減政策影響 ... ... <看更多>