［打響第一槍？］TLDR：嘩，匯控嘅客，禁止買MicroStrategy，冇貨唔畀買，有貨唔畀加，只能沽。玩乜？又，幾時禁埋Tesla，Square同美圖（1357）？
（經濟link：https://bityl.co/6LVO）（滙豐HSBC反加密貨幣？ 傳禁客戶買比特幣概念股MSTR）
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝
1. 咁都得？真係奇聞，雖然原來早兩日都有報。未知堅定流，我頭先問朋友（我冇匯豐戶口！）都話仲quote得到但唔知買唔買到（未開市）。
2. 但當住係堅先（流就唔使討論）。都幾奇怪。真係搵呀規佬筆記 Compliance Notes都評兩句。
3. 固然，唔同行做唔同生意，例如我公司唔做美股嘅，你咪冇得買，好正常。又或者，你開戶要某啲條件，買過美股都知要填FORM，而某啲人（美國公民呀，政治人物呀）基本上銀行都未必畀你做，會暗示叫你過主好啲。
4. 又或者，我可以商業決定，要你放十球美金先畀你買美股，亦得。（亦即係另類唔做生意嘅方法）
5. 咁當然仲有，如果係制裁咗嘅，誰大誰惡誰正確。例如之前俄鋁，你咪好多行都唔買得（想得罪美國？）。最Q正係連Bloomberg quote 價都quote唔到！話你知此股被查禁。好似以前啲龍虎豹封面咁。（但有時仲要係反而曲線宣傳，「封面被禁，內頁冇事」，聽聞嗰啲期數仲多人買，睇下有幾激嘛。）
6. 仲有，個別股票，銀行券商都可以因為商業理由唔畀你買賣。最明顯呢，我某舊東家，係買唔到Prada（1913）嘅。理由？因為要搞咩意大利稅。怕煩，咪索性唔畀你買。冇架，難聽講句，「唔滿意嘅去第間咯」，當然禮貌啲講就「唔好意思我地做唔到」。即係東寶都唔賣干炒牛河咁，「就少少串」。但你去九記問咪屌你老母咯。
7. 又或者，啲pink sheet嘢，我記得銀行都係買唔到，要幫襯IB之類
8. 咁所以，銀行因為whatever reason忽然唔畀你買某隻股票，我99%肯定係合法嘅。你開戶份嘢第2232頁 第33段 第4行 有條link 去咗個網頁在HTML碼有寫架啦，你冇睇啫，唔使諗住做銀行。You don’t have a case（當然，如果匯豐咁都冇查清楚嘅，堆規佬就拎去打啦）
9. 合法就合法，「合唔合理就睇你乜角度」，但成件事的確奇怪。
10. 奇怪在，匯控做乜走去反Bitcoin？怕人威脅到佢？況且，有錢唔賺？而亦都講真，買MSTR嘅，有幾多會經匯控買？
11. 更奇怪係，做乜係MSTR？例如過兩日嘅Coinbase，你間行唔想掂任何Bitcoin相關嘅嘢，唔做呢隻正常。或者你禁咗啲咩Purpose Bitcoin ETF呀，GrayScale呀我都理解。正如好多銀行你係買賣唔到大麻相關股（因為……個合法性有點複雜）。但，MSTR喎！MSTR都禁，咁咪大把嘢要禁？咪永無寧日？
12. 講咁耐都未講MSTR係乜，Bitcoin人會知係乜，但其他嘅可能陌生。間公司其實係…….好似有正常業務嘅。標普600成份股喎！做咩軟件雲端乜鬼，是但啦。
13. 但後來公司毅然走去拎一舊錢去投資Bitcoin，於是咪被為為曲線Bitcoin股，都好合理啫。
14. 之但係，如果一間公司買咗Bitcoin就要禁，就江湖從此多事。即係Tesla又買唔買得？Square又買唔買得？美圖（1357）呢？買幾多先禁？港交所388呀 歐霸跌如果上任手痕買返幾個Bitcoin，又係咪禁？
15. 固然啦，銀行一句「商業決定，關你撚事」就可以打發你走。（當然可以禮貌啲講嘅，its not what you say but how you say it，作為一間XXXX呀商業機構呢，我地不時都會XXXXX，確保我地客戶嘅XXXX呢，都係付合世界各地XXXX嘅XX嘅）。不過，呢個「商業決定」都係有啲奇怪。
16. 結論，兩個。第一，暫時我朋友都話仲見到有得quote，會唔會只係某啲地方禁？或者原本嗰條友畀人禁（原文應該係呢度（https://bityl.co/6LVk），加拿大）？
17. 又或者，如果真係之後都唔畀買嘅。咁可能匯控唔想捲入啲洗黑錢之類嘅嘢？又係咪預示監管當局就快有嘢做？
18. 至於你話「傳統金融機構驚畀人威脅」，我就唔多BUY，可能驚，但明顯你唔畀人在呢度買唔會阻止到呢個威脅吧，人地咪去第度買咯。你話你啲大班去政府度篤背脊要求立法都話丫。
19. 又睇下點發展。
＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折
＝＝＝＝＝＝＝＝＝＝＝＝＝＝
