《乜代宗師》:搵食啫!犯法呀?
________________________________________
1. 又可以恃老賣老,阿叔我未去到《娛樂圈血肉史》《色情家庭》咁堅,但《跟住去邊度》我已經開始聽黃子華。聽?係呀,睇楝篤笑要夠18,阿叔我冇咁老,但會拎老母啲帶嚟聽。係卡式帶!甚至唔係CD(當然唔係VCD,如果係VCD就係睇啦)。我中學週記同文化作文已經寫黃子華,大學Homepage已經寫。到佢後來因為TVB入屋後,我就反而冇乜點再講了。當然呢啲亦係我扮晒嘢嘅性格,唔代表佢變咗(亦唔代表佢冇變)
2. 咁戲嚟講,年年賀歲片我都差不多睇晒,《賭城風雲》我都照睇晒咁多集,嗰時有個朋友仲話邊個睇就unfrd,我留言話好呀你unfrd我丫,佢照做,我照睇。咁當然《楝篤特工》我有睇,我覺得還好(證明我嘅容忍力幾咁高)。然後就到今年嘅《乜代宗師》。
3.由於事前已經拗一大輪黃定藍,所以我唔知其他人睇得有幾持平(唔講客觀,因為評論當然係主觀)。但我目測我嘅朋友圈子,多數睇之前都係聲援黃子華—但睇完後亦都多數鬧套戲好唔掂。
4.我大約都同意。我其實絶對接受到合拍片。親,《無雙》夠合拍片啦,《無間道》都好似係,《門徒》夠合拍片,《2046》都合拍片。我話你知有張靜初睇我話撚知一個香港人都唔用。我甚至接受到佢一堆大陸臨記,配音,同埋開頭嘅咩「早鳥優惠」「困難戶」。
5.睇套戲頭半,我覺得係唔完美,但可接受。黃子華好想去表達啲嘢,可能係講香港,或者係講大陸,任你對號入座。但講得都好白啦,馬家雷拳,食老本。得第一代係真,之後代代做假,一代傳一代,假到自己都信埋,以為自己好勁。實情根本冇同人打過,咪唔會輸。一日唔放棄呢種心態,只會越嚟越墮落。況且,就算最初係勁,都已經過晒時,當時有嘅環境(有隻馬)而家都冇,對手亦會進步。要虛心求教,上善若水,唔好執著於乜傳統,要向人地(日韓泰?)學習。可以話講大陸,但我更覺似講香港。呢堆嘅嘅寓意,我覺得還不錯。
6.仲有就係劉心悠見到黃子華「發現」個仔唔係佢,拎關刀,然後話畀劉心悠知,佢一早知個仔唔係佢呢,呢段戲都係唔錯的。
7.但,去到結尾,就失控了。我明白梗係大團圓結局啦,新年唔通冚家鏟咩。但最尾呢場擂台戲,搞乜撚嘢?就連笑都唔好笑嘛。好似廿分鐘?但感覺極長。我寧願你好似杜汶澤拍《空手道》咁,雖然感覺上似拍MV,九十分鐘都拖唔到,拍短片好過拍戲,結尾好似未高潮已散場,但都仲還好。
8.討論?都冇乜好討論。同意連登仔講,黃子華嘅歷史,就係搞揀篤笑,掂咗,試第啲嘢,仆街,再搞返楝篤笑。相信佢好快又會重出江湖,最多換個名目。票房?我未留意,我嗰場好多人睇,照計佢層樓都OK,況且,佢賣咗層樓?你咪玩啦。你賣咗層樓就好肉赤啫,人地係你?香港人真可愛,我建議你去睇葉念琛嘅《我的筍盤男友》(我梗係睇咗,下篇講)
9.我諗起農場嘅故事:雞同豬諗住報答農場主人,就話整碟火腿蛋畀佢。豬聽咗,同雞講,你都痴撚線。你就貢獻啲冇乜用嘅副產品下次又啤過,我要終身殘廢呀仆街。故事寓意?下次公司同你共渡時艱,老細同你一齊減人工,記住呢個故事。
10.咁,我都再講白啲,就返讀者程度。你賣層樓(如有)咪火腿,黃子華賣樓,雞蛋啫。信不信由你,呢個故事我睇本大陸書睇返嚟的。所以真係唔使執著於門派,上善若水,be water
11.不過仲想講多點。其實執著於咩招式門派,不如練好基本功,甚至更好係有先天優勢。你估真係你練1000個鐘變美斯咩。你睇Once upon a time in Hollywood,be water Kato ,華而不實花拳繡腿口水多多。行家一出手便知有沒有,咪又係畀荷李活替身打到稀巴爛 (http://bit.ly/2usaNft) 。呢兩個故事放埋一齊睇先緊要呀。你睇葉門嗰時就恥撚笑阿伯邊夠美軍打,其實有冇諗過李小龍有幾重?打拳都跟重量分級啦下話。你啲友根本係唔掂係腦殘嘅,學咩日本韓國泰國都係嘥鳩氣。
12.仲有乜好講?哦,睇女咯。都話我係悲觀嘅樂觀者。只要套戲有女睇,其實好爛嘅戲我都容忍到。而我對女嘅接受程度係好高的。睇劉心悠?梗係睇周家怡含洋腸啦。(咁你鍾意睇蝦頭細細粒都得嘅)
13.信我,劉心悠真係爛片指標,同林德信一樣。喂大佬佢兩位有冇拍過邊套戲唔爛?其實劉心悠還好,早年咩《阿嫂》《出埃及記》《黑夜》嗰啲OK,之後拍葉念琛嗰啲都還好。林德信,就得套《死開啲啦》正常啲。
14.Bonus:佢兩位一齊拍過套戲,叫做《我老婆係明星》。仲有才子周栢豪。我當然有睇。
15.BTW,當年我在01有篇文,講賀歲片咁多年嘅轉變,然後反映返社會。嗰篇文都幾多人睇,雖則有啲長。可以畀你回下帶 (http://bit.ly/2RMqplL)
同時也有1部Youtube影片,追蹤數超過1萬的網紅Aaryn Cheung,也在其Youtube影片中提到,#上善若水 原唱:#農夫 #黃子華 Cover by 張明偉Instagram : aaryncheung 周嘉洛Instagram : kalok_ 阮政峰Instagram : yuenchingfung MV Director :Keith Chiu 攝影:爽爽爽、Keith Chiu...
李小龍上善若水 在 On8 Channel - 岸仔 頻道 Facebook 的最讚貼文
[ 學生戰畧撤退符合 Be Water 原則 ]
—覺醒來,中大學生已經棄守中大回家,有少許失落感。但見黑警還不敢進校搜查搜證捕人,怕中空城之計?還是對暴大學生的勇暴猶有餘悸,怕入校園重新引得中大人又回來?不只是學生,還有外來勇士加上社會各界好事者同校友,城空勢猶在,這座空城還是留待中大保安同清潔工慢慢處理吧,所謂犯罪證據也自然消失於歴史中。古有危城勿入,今有三萬黑警不敢入空城,黑警只餘-個廢字可堪形容。
流水社運是個謬誤形容,大家注意别再錯用字眼,留給光頭廟祝專用也罷。大江東去,一去不回,係散水。中大學生是若水不是散水。李小龍說的 Be water,借用當然係老子道德經中說的上善若水,若水不同流水,要譯回白話可如水。水的特性不單是流動,是可以停頓,結成堅冰,就係堅強不破,—如星期二晚中大勇士-樣。
水有剛柔並存的特性,現時若水散開,甚而化成蒸汽,要時再聚,再成堅冰,才是若水,不是流水式的散水。流水係可以回流,但要高低之勢對調之時,即勝利之後,形勢真係如坐在家廟的廟祝所言,現在什麽也不必做,美國人自然會介入,廟祝老友習近平會聽他說讓步,大家多D去沙龍同睇實他面書就可勝利嗎?
大家都係記住毛主席的持久戰三大戰略: 戰略進攻,戰略保守(退卻、防守),戰略反攻。你可以不喜歡老毛,但他建立的是個帝國;你可以崇拜根根,但(with respect)他連個小議員都選不上啊。
李小龍上善若水 在 黎特 Knight Lai Facebook 的最佳貼文
【流水革命】【Water Revolution】
早前《金融時報》為香港反送中抗爭運動命名為「流水革命(Water Revolution)」,全因為抗爭者始終奉行香港人的英雄李小龍「Be water」哲理作為抗爭戰略──堅毅如冰、行如流水、聚散如霧──足足頑強抵抗了強權三個月。
身為一個道佛信仰者,我同樣為這種「上善若水」的貫徹實踐而震撼不已。但願在接下來的艱難日子裡,大家能好好延續「流水革命」的精神,讓意志川流不息,讓行動乘風破浪,前後文武融會貫通,必定可以一同流向已經光復的未來。
#流水革命 #WaterRevolution
#光復香港時代革命
P.S. 畫作參考自我近期非常喜歡的動漫作品《鬼滅之刃》。繼續水之呼吸!努力打倒惡鬼!
李小龍上善若水 在 Aaryn Cheung Youtube 的最讚貼文
#上善若水
原唱:#農夫 #黃子華
Cover by
張明偉Instagram : aaryncheung
周嘉洛Instagram : kalok_
阮政峰Instagram : yuenchingfung
MV
Director :Keith Chiu
攝影:爽爽爽、Keith Chiu
------------------------------------------------------------
歌詞
如果 有高低有光輝有式微
有崎嶇有喜都有悲有乜嘢出奇
上善若水 攀山過嶺
乜水 都可以 係宗師
MY FRIEND
如水 結冰川去滄海去桑田
東邊到西邊到天邊再伸延
上善若水 覆舟載艇
乜水 都可以 係宗師
MY FRIEND
MY FRIEND 我離開咗個井
成為水 我可以穿州過城
前面有幾困難 有幾咁難行 幾咁閒
我拆散 自己過框 過幾個關 轉幾個灣
就算係順流 逆流
上流下遊 宇宙嘅盡頭
冇人可以左右 覆水難收
守 嘅時候可以細水長流
到我攻 有如洪水猛獸大浪衾過頭
流水淙淙 來去匆匆
無邊 無際 無偏見 無介蒂
有乜嘢問題都冇問題 我請你好好放低
最強嘅武功 上善若水嘅心胸
正面進攻 水泄不通 我就劍走偏鋒
冇最巔峰 一杯水斟一半 唔會自滿
不停去轉 不停去變
不停去鑽研 不停去轉變
成為一道清泉
山長水遠 連綿不斷
源遠流傳 海納百川
如果 有高低有光輝有式微
有崎嶇有喜都有悲有乜嘢出奇
上善若水 攀山過嶺
乜水 都可以 係宗師
MY FRIEND
如水 結冰川去滄海去桑田
東邊到西邊到天邊再伸延
上善若水 覆舟載艇
乜水 都可以 係宗師
MY FRIEND
舉頭 望望 茫茫 宇宙
水流 到最後又流返返去源頭
上善若水 各路英雄選手
上乘嘅武功 又駛乜嘢用拳頭
真正嘅五湖四海為一家
唔打 都分得出高下 要打 亦從來唔怕
可以巨浪淘沙 或者變流水送落花
不為執迷嘅世道服務逐步獨步天下
明鏡止水嘅清晰 古老江河嘅經歷
滴水穿石嘅努力 化做從容不迫嘅一招一式
從來無敵人 只因無敵
冇色 冇味 冇形式 無忌
變成冰 變成氣 變成兵器
變做甘露 嚐一口
拂一拂衣袖 留一手
哼一首 水調歌頭
一出手 化敵為友
以滋養萬物為首
以無法為有
如果 有高低有光輝有式微
有崎嶇有喜都有悲有乜嘢出奇
上善若水 攀山過嶺
乜水 都可以 係宗師
MY FRIEND
如水 結冰川去滄海去桑田
東邊到西邊到天邊再伸延
上善若水 覆舟載艇
乜水 都可以 係宗師
MY FRIEND
![post-title](https://i.ytimg.com/vi/3aRketBLHyU/hqdefault.jpg)