#小編去開房 之 美利酒店 x Jo Malone London初夏遊園之旅（下）
今次優惠除咗送Jo Malone限定禮品，仲有包下午茶同早餐兩餐，另外仲有兩杯迎賓雞尾酒！🤭 即刻睇下呢幾樣嘢咩料先！🤓
🎊優惠詳情🎊 https://flyagain.la/92003
🎊預訂網址🎊 https://flyagain.la/3kpi
📍入住日期📍即日起～6月30日
🧁下午茶及🍸迎賓雞尾酒
今次優惠就包咗「初夏遊園」全新主題下午茶﹐主要提供各種花果香氣嘅鹹甜點💁♂️一坐低就已經有口罩套送上，係特別主題的花開主題，可以留返之後就紀念～😍之後職員都會俾個menu你，問你想要咩飲品（每人可揀一款～）主要都係咖啡或茶，小編今次就揀茶（有成壺慢慢飲～😌）
冇幾耐就下午茶嚟到啦！🤗 係採用典型英式三層架模式，一層鹹一層甜一層scone，十分分明～🤭上枱冇耐仲有職員推車仔過嚟，為我哋即席舀果jam（for scone）。今次共有5款jam（及1種cream），都係以Jo Malone香水作靈感製作而成，包括有士多啤梨接骨木花、橙花無花果、薰衣草黑莓、香桃玫瑰，以及雲呢嗱大黃💁♂️
鹹點有紅菜頭芝士撻、煙三文魚慕絲、鮑魚撻、蟹肉blini同黑松露蛋沙律迷你漢堡～小編個人就最鍾意紅菜頭芝士撻！🤩佢一咬落去芝士味大爆發，個撻好鬆軟，加上紅菜頭又有點清新感，口感極好！🤤另外蟹肉blini都好好食，醬同蟹肉好match，餘韻好強～🥳
而甜點就有茉莉柚子泡芙、士多啤梨櫻花達克瓦茲蛋糕、紫羅蘭馬卡龍、雙桃忌廉撻同芒果熱情果奶凍。各甜點花香味都好強，感覺好清新～🤗小編私心覺得茉莉柚子泡芙最好食，cream唔膩仲有好fresh的感覺！🤩記得要成舊擺入口先得，因為泡芙本身冇咩味，要夾埋上面塊嘢先食到個感覺～🤓
最後到scone啦，佢有原味同橙味兩款，可以配5款jam及cream一齊食，scone正常發揮，尚算鬆軟，而jam方面小編就最鍾意士多啤梨接骨木花味，感覺最夾個scone🤔，而且5款jam都好fresh，隻味冇人工feel，值得每款都一試！😎
食完個tea休息一陣，就可以上頂樓Popinjays飲佢嘅迎賓雞尾酒（一人一杯）！頂樓view好好，完全感受到香港的大都會城市感，喺嗰度飲嘢好有成為金融精英才俊的感覺～😎（誤）兩杯雞尾酒有淡淡果香，而且酒精味都幾重，要慢慢飲唔係好易醉～😂
🥪早餐
今次早餐同平時唔同，係送大家一個早！餐！籃！🤯 早餐籃會由專人於預定時間送上房😍，相同之處就係都係要早起🥱（喂
早餐籃包括包點、水果、乳酪杯、橙汁等，仲有餐具、熱水壺等，另外仲有張野餐墊送俾你，重點係所有嘢都可以拎走！！！正呀喂！🤩 不過拎上手都幾重，夠精力可以拎上山頂公園／山頂食兼打卡～💁♂️（山頂纜車站就喺隔離！）冇咩精神都可以喺房食就算，個籃留返下次野餐用都得～😉
小編對住野餐籃內的食物都影咗好一段時間，啲嘢都凍哂，但意外地係包點（牛角包、丹麥酥、朱古力包）都仍然都好鬆脆，味道都好好，勁好食！🤭 而乳酪杯內有士多啤梨及藍莓，仲有一堆穀物咁，真係食到超飽！🤗 唔好睇少佢個份量呀！🤓
💬結論
今次優惠都幾破格，有Jo Malone限量禮品送不在話下，仲有特色主題下午茶、雞尾酒同早餐籃食，都有幾多打卡位可以俾大家影相～🥰重點係有幾多嘢可以拎走（野餐籃、野餐墊、拖鞋……🤔（喂喂喂🌝），抵呀！🥳
完
格麥蛋糕柚子酥 在 More content - Facebook 的推薦與評價
榮獲-衛福部全國健康烘焙大賽第一名 榮獲-新北市十大伴手禮【第一名】 #格麥支持在地農業 #為台灣農產努力 台灣特產的水果(西瓜、柚子、香蕉)為造型去製作，外皮 ... ... <看更多>