氹仔泰北班底正宗泰菜·必試湯貴刁
唔使問都知大家對泰國擁有無窮無盡無限嘅思念，所以，尋找對味正宗啲嘅泰國餐廳成為我呢期嘅份內事，嚟到位於氹仔花城一帶嘅「暹邏泰國餐」，成個班底都係嚟自泰國北部嘅廚媽廚爸，可以放心喺度盡嗌手打炸蝦餅、醃海鮮沙律、泰式炒貴刁同燒豬頸肉等喺泰菜中不可或缺嘅items。
店中比較獨到嘅推介有👉🏻泰國臭草肉碎奄列，佢屬於水含羞草，未煮時唔敢寫包單，但個香草熟咗其實啲都唔臭，以佢入饌嘅奄列不知幾香口，係改壞名嘅典範。
另一店內必須對焦嘅湯粉環節；啲粉呀貴刁全部都係泰國直入，不過份量就同當地好有出入，因為呢度個版本真係霸氣好多，size直逼拉面。我自己就對👉🏻清邁雞腳排骨粉（$48蚊）同👉🏻冬陰海鮮貴刁（$65蚊）嘅印象特別深刻，前者嘅湯頭以泰國豆瓣醬熬煮，鮮香中帶甜，配咗豬紅、肉碎、排骨同雞腳，成個體驗好豐富。後者呢個冬陰公貴刁唔止海鮮儲備豐富，個湯頭先係重點所在，以豬、雞同蝦去熬煮，濃香得嚟酸辣度令人受落，忍唔住清晒佢，最後食埋個芒果糯米飯同用椰青水嚟整嘅布丁，要將一年將度嘅泰國之旅押後都冇咁心酸。
Siam暹邏泰國餐-德仔記
氹仔南京街57 號花城利盛大廈地下AZ舖
電話：+853 28860118
#macaufood #macaufoodie #macao #macaofood #澳門obxxob #foodporn #instafood #澳門美食 #thaifood
