你唔會想像到呢間元祖級葡國餐廳 - 而家會開發埋拉麵同茶記呢個版塊，以Panda拉麵館呢個新身份見人，個情況就有少少似你由細跟隨到大嘅情歌王子，突然會擺低支木結他，轉會玩edm，人，有好奇心嘛，所以點都要洗耳恭聽下嘅。於是，我就嚟到位於官也街嘅熊貓餐廳原址探研下。
餐牌上、你係見到拉麵同好多具茶餐廳影子嘅選項，講返拉麵，除咗有慢煮咗座底十個鐘嘅日式叉燒同豬軟骨呢啲基本款之外，仲有啲聽落好離奇嘅選項，一齊嚟獵下奇先！
你唔會想像到呢期極渴市嘅酸菜魚、重慶麻辣湯同喺義式意粉中深入民心嘅卡邦尼口味，投入手工拉麵嘅懷抱度，係咁對味！邦尼手工拉麵用咗幾款芝士去拼配，濃稠嘅醬汁同拉麵糾纏不清。酸菜魚呢款就肉厚又冇衰骨嘅龍利入饌，湯底微酸清爽，好開胃。但講到我最心心眼嘅一款，反而係個重慶麻辣湯底，湯頭夠香，辣而不燥，同埋呢度竟然可以轉蒟蒻麵，戒緊澱粉或者減緊肥嘅娃娃們，可以盡情埋位喇！
另外呢位個配搭住茶冰嘅奶茶同韓式炸雞翼係必試，老老實實，因為影相嘅關係，個炸雞翼我都冷落咗佢不過半個鐘，本來都唔對佢有咩寄望，點知咬落去係脆到有響聲之餘，仲加送埋肉汁，熱辣辣食仲得了嘅？
呢度可訂位：https://booking.eatcrazy.app/pandaramen?utm_content=3hau8wai
Panda拉麵館
氹仔舊城區施督憲正街4-8號
電話：+853 28827338
#macau #macao #macaufoodie #macaofood #macaofoodie #macaufood #instafood #foodporn #澳門
