關於 澳門 十 六 浦 餐廳 ，我們在網路上蒐集到這些相關的討論、資訊與評價

🥂遇著過時過節、生日、紀念日 總會想食豪啲啲食好啲啲 不少人總會第一時間諗起扒房鋸扒 💕二人前浪漫又得 一班朋友開心Share都得 要吃得精明 可能就要捐窿捐罅 嚟到鮮為人知的後街扒房🥩

🍴「富薈餐廳」躲藏於十六浦對面的 IFU Hotel 怡富酒店 地下層 這裡的裝潢走工業風型格路線 🤓價錢也較親民 👨🏻‍🍳由台灣主廚主理 肉類菜式頗多 也有🍔漢堡包、🍕手工薄餅、🍝意粉等

像封面🇺🇸「美國M6-7級和牛板腱」盛惠MOP268 推薦的原因是這個部分的油花分佈比例適中 肉質鮮嫩多汁🤤 口感爽滑有勁 🐂一頭牛只可以取出少量大約2公斤的板腱 比較珍貴 價錢啱數 另外推薦菜之一的「威靈頓牛扒」二人用索價MOP398 需要提前預訂喔

「富薈 FOODFUL DATING」
電話：2892 2666/2892 0332
地址：澳門燕主教街8號
.
.
.
#beef #wine #seafood #steak #finedining #macaohotels #beef #dinner #finediningram #ritzcarlton #goodmemes #mpay #lobster #promotion #hotelfood #bar #澳門美食 #澳門酒店 #澳門西餐 #hotelbar # #macaufood #macaofoodie #macaofood #drinks #fresh #love #澳門美食 #新馬路美食 #macau

其實澳門都真喺算幾安全🙏🏻 陸陸續續都見唔少酒店餐飲已準備就緒 重新啟動🍴 新一期消費卡成功到手 覺得感恩💕 最近仲比我發現性價比極高既著數推介比大家 位於📍「十六八餐廳」 只需$88的魚翅套餐 包括雞絲翅一份、仿鮑片扒西蘭花、白飯仲有甜點 🈺️24小時供應無花無假 (記得係MacauReadyGo先download電子優惠券喎)✅ 當日登記成為十六浦會員仲有驚喜 馬上免費送你鮮蝦雲吞麵👍🏻

澳門十六浦度假村 Ponte 16 Resort Macau

「十六八餐廳」
換領免費鮮蝦雲吞麵地點：澳門十六浦地下、一樓會員服務櫃檯
電話： 8861 8888
.
.
.
#雞絲翅 #抵食之選 #酒店優惠 #澳門十六浦度假村 #instagramanet #food #foodporn #foodie #foodpics #foodstagram #foods #foodphotography #foodies #foodlover #foodforthought #foodisfuel #foodblogger #foodcoma #foodgram #fooddiary #foodblog #macaufood #macaufoodie #澳門美食 #localfood #hotelfood #雲吞麵 #macaofoodie #碗仔翅 #沙梨頭美食

［60萬電單車位］在台灣買層樓都得了！

1. 開頭見到呢單新聞，我就同埃汾太講，60萬在台灣買層樓都得了！當然唔係台北。你在台東花蓮甚麼就肯定得。

2. 後來諗下，都唔使咁極端。上次咪貼過咯（https://bit.ly/2B5Gqyw）。宜蘭，南方澳，80萬港紙，1200尺。我懷疑你再講價都仲得。唔使去到台東花蓮咁誇張。

3. 但，係咪有可比性？其實冇乜。唔係完全冇，但並不好大。又係嗰句，存在即合理（雖然不能用得太濫）。

4. 我成日會講一句，有啲人聽到覺得好挑釁。但凡親人地講，邊度點好點好，邊度嘅樓點平點平，我都係一句：咁好你唔搬去住？

5. 咁在台灣嘅case，in case 有人唔知，埃汾完全透明。埃汾六七年前已經搞投資移民去台灣，埃汾太已經拎咗台灣護照，已回港。埃汾自己就未係公民。當地亦都冇買樓。但的確有打算有機會去嗰邊長住。

6. 當然，永遠係兩手準備，同埋我幾時建議大家嘅，分散。而家公司工作我相當滿意，咁當然唔會忽然走咗去。相反，上一份工我係裸辭嘅（其實半裸），原本諗住若果真係touch wood搞幾年都搵唔到滿意嘅工作，係可能搬走的。但後來有咗而家呢個工作。

7. 將來點，唔知。可能聽日我就畀人炒魷呢？邊有保證。只能講呢一刻我冇特別想離開香港。但，我亦唔係不能離開香港。可能十幾廿年前，會覺得好留戀，而家係冇乜的。原因好多，不一一細解，但未必係你估嘅嗰啲。

8. 所以我並不一定要搬去台灣，但呢個肯定係可行選擇之一。咩叫可行？咁我講下咩叫唔可行。即係你見周圍都有啲咩塞浦路斯呀保加利亞咁，但，真係搬過去住咩，我想像不能。保加利亞我去過，過癮架，但旅行同去住，兩回事咯。

9. 以我一個咁煩又咁懶嘅人，其實可以劃走絶大多數地方。唔識語言嘅，已經可以刪晒。咁即係剩返英語國家，同埋台灣新加坡馬來西亞—總唔會搬去大陸或澳門掛。

10. 英語國家嘛，埃汾在英國讀Master，之後做嘢去過幾次，但從來唔係特別鍾意。澳洲嘛，去過，埃汾在嗰度結婚，OK鍾意的，但，哪有錢？同樣地，美國加拿大，都係，哪有錢？門檻高。新加坡亦都係，哪有錢？

11. 咁所以，門檻低，又真係覺得住得到嘅，台灣，馬來西亞。但馬來西亞自然是你懂的，費事冒犯讀者，但你懂的，特別係其實我過好撚多次馬來西亞，多過台灣添，以前公司畀馬拉佬買咗嘛。況且，其實你入唔到藉。

12. 所以，台灣咯，by elimination．同好多人想像中唔同，我並不是特別鍾意台灣，至少埃汾太未去之前我唔多鍾意，實在係有點土。但，首先係平，這很重要。門檻低，又係好重要。仲有近返香港，都重要。仲有大約啲生活飲食睇書睇戲都相近，又重要。語言都還可以，又重要。

13. 最最重要係乜？最重要係，埃汾太之前去住過一年幾（租屋啦，冇買）。咁我其實兩三個星期就過去一次，有時請一日兩日假，有時就到紅日，有時就咁星期五放工去星期一朝早返。

14. 重點係，住落，係舒服的。講乜都假，如人飲水，冷暖自知。人地講到點好，但你覺得地獄，冇用的，反之亦然。對鞋自己著落咪知。咁我雖然都唔係長居，但你計下我都去咗好多次，唔只係完全遊客。當然，仲有埃汾太住落都幾開心，都係緊要的。

15. 唔好意思，離晒題。但其實呢篇文唔係講移民台灣，有機會可以再寫。

16. 我反而係想講，香港。講到尾，有人香港咁差，你又唔走？呢句可以係我問你，亦可以係你串我。

17. 作為一個偽經濟人，我幾時都信身體最誠實，actions speak louder．

18. 再講一次，同好多香港人唔同。我並不特別鍾意香港，我甚至幾討厭香港同香港人（否則唔會搞移民）。但掉轉，我亦唔會覺得佢一無是處。否則我搬咗去台灣啦。

19. 至少兩樣嘢。其實可能係一樣嘢。第一，錢。第二，都係錢。

20. 先講第一，香港人工高，稅低。基本上已講完。金融業反差更大。香港金融業發達（唔係真係做到發達，明啦），台灣金融就唔係強勢行業。唔怕開名，講我嘅舊同事（算係）兼舊朋友（其實已冇來往），自己睇文（https://bit.ly/2XH8m3h）。篇文講台灣反服貿，但重點係我朋友，台灣女仔，靚女，叻女，台大財金系尖子。當年（2014）年薪已過百萬，梗係港紙，而我相信已經係低過佢之前嘅工作（嫁咗人）。正如佢所講，喂，返台灣？唔係唔想，但四份一人工都拎唔到。就係咁大劑。

21. 實不相瞞，埃汾都在台資公司打過工，咁因為我在香港，佢地畀嘅人工當然係香港水平（否則搵鬼同你做），我十分滿意。但想講，我當然一路搵機會睇下有冇得relocate，其實如果有一半人工，我都應該去咗。正如我在星展時，佢地都有台北分壇，我都係一樣，有一半人工我應該就去咗。不過冇成事。

22. 咁所以，去到台灣做乜好？就梗係乜都唔做。炒股票好（其實好難），食息好（還可以），香港層樓放租又好（好多人咁做），收費專欄又好（靠你地了！認真的！）　—總之，就不能在台灣打工，會死人的！事實我識嘅台灣港人，絶少會在嗰邊打工。一係就退休過去，或者香港有樓收租，或者接香港飛爛屎收返香港價錢。

23. 一係呢，咪後生仔，可能去開間舖，茶餐廳呀咖啡店民宿呀之類。但，首先我唔係鍾意做生意嘅人（明顯地）。第二，喂咁咪好唔得閒？邊有時間寫文睇書睇戲。第三，大佬，就係唔想對住香港人嘛！到時開間民宿又對住啲港人？咪成件事錯晒。

24. 所以重點，真係唔好在台灣打工，會死人的。你香港人拎開咁嘅人工，一定唔慣。你唔會為咗拎八千蚊人工日日同人迫捷運返工的。

25. 其實都未講，之前咩阿嬌離婚，都同呢樣嘢有關。玩香港明星？賴生玩唔起咯，真係大家唔同層次。有機會再寫。

26. 講埋第二。香港除咗人工高，仲有樣嘢，就係生活。真係聲色犬馬，紙醉金迷。

27. 首先要講好重要嘅嘢，香港係人工高洗費高，台灣係人工低洗費低—但，世界上宜居嘅地方（任你點定，但對我嚟講，人人想去咪宜居，咁你鍾意去索馬里捉魚都得嘅），基本上全部都係人工高洗費高，唔會係人工低洗費低。點解？因為好多嘢，係「劃一價」。你台灣買部iPhone 唔會平過香港，你在台灣訂Economist 唔會平過香港，你住台灣去日本食米芝蓮三星人地唔會平畀你。

28. 咁同埋，如果係中級中產或以上嘅，在香港，真係幾好。埃汾作為一個相當怕悶嘅人，都好似寫過，其實我覺得呢，台灣北北桃以外，全部都係鄉下！係！高雄都係鄉下！台中都係！呢句畀台灣人聽到一定鬧，話你天龍國。但，用香港人標準嘛。咁當然有人鍾意歸園田居，OK的，自己擇，但我唔係咁嘅人

29. 我要方便嘛。唔怕公開，台北租屋時，我同埃汾太，住在中山區（唔知在邊？自己上網搵），德惠街，雙城街夜市附近。冇錯，正係半夜可以落去食嘢，附近多嘢食，捷運站行十分鐘左右（「其實我都覺得有啲遠！」）。

30. 當然，當時租屋都有啲倉卒（＊），如果畀我揀多次，會仲留意多兩樣嘢。第一，書店，最好就誠品（我就係咁膚淺，當然台灣有啲其他書店都不錯）。

31. 第二，戲院。但其實都還好，當其時我好鍾意在「欣欣秀泰」睇戲，因為好多間院，仲要有午夜場甚至子夜場（新一代唔知係乜了）。睇完，如果冇落雨，我就行返德惠街—唔係慳錢，台灣的士出名平，而係我鍾意行。

32. 講到離晒題。但香港，有很多唔好嘅地方。但你見都仲係好多人爭住嚟（包括華界嘅十幾萬萬同胞），總有原因。都係嗰句。人工高，搵錢易，而且方便。成日講外國負擔比率點低—咁你本身都冇乜錢冇得揀就冇得講，但你見比較有錢嘅，係咪個個走晒去？唔係。咁就用腳投票啦

33. 又長，又亂，又離題。不過以往經驗呢，呢啲文多數就多人睇。

34. 最尾返返所謂正題，你就梗係覺得60萬蚊個電單車位痴線啦，租金回報1厘幾，80年先收得返成本。但，幫你間埋啦，個複式戶4000萬，你覺得畀得起4000萬買嘅人，會介意個電單車位幾多厘回報？正如你朋友畀幾千蚊去食米芝蓮，唔通你去笑佢做乜兩舊水開支意大利星星水？

35. 鍾意嘅，我可以寫多啲台灣移民嘢。或者寫多啲「冇咁金融」嘅嘢。例如補習天王呀，PTGF等等。其實我冇乜所謂，不過如果成日都「冇咁金融」，我唔知你地會將我點label．「喂嗰條友寫啲嘢幾過癮架」「佢寫乜的？」「咩都寫架！」「即係乜？」

36. 所以好廢講句：香港好好？我唔覺得有乜咁好。但香港好差？我又唔覺得真係咁差。幾時都係自己最清楚，talk is cheap

（＊）其實當時房東唔係好想租畀我地，並唔係特別歧視香港人，而係佢地唔想租畀外地人。解決方法？好簡單，錢解決唔到，更多錢就解決到。我一次交咗半年租，佢就十分開心租畀我。佢無非都係怕我欠租啫。

———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。

請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。

澳門酒店近十年如雨後春筍般出現，有人專揀平靚正酒店，也有不少人專門去嘆豪華靚房！例如來自法國的奢華酒店品牌Sofitel，在澳門開業剛滿10年，標準雙人房每晚$1,000有交易，屬平靚正之選。而同時酒店亦有連私人泳池的超豪華別墅套房，房價每晚$5,000至$7,000，約一班朋友去狂歡，除開來也相當抵玩！我們記者就去了親身試住，寫下premium版的試住報告！

澳門十六浦索菲特酒店今年開業剛滿10年，不算新，但酒店環境及設施也算保養得宜，酒店大堂的水晶吊燈及擺飾，保持着一派法國的華麗感。這次試住的是「濠庭十六浦別墅式套房」，全酒店共有19間。套房一共兩廳兩房，包括客廳、飯廳、主臥室及客房，空間相當寬敞。主臥室及客房各有獨立浴室，而客廳旁亦有一個供客人使用的廁所，開十多人party的話，去廁所甚至沖涼也不用排長龍！


一進別墅套房，眼前便是客廳，空間大，有兩張3至4人坐的梳化外加一張單人座。中間放置一鏡面桌子，甚為貴氣。全屋燈光可調亮度，同屬黃光，燈光柔和，可以營造不同氣氛。客廳配備37吋大電視及Bose 音響系統，開party一流。
主臥室和客房都以白色為主調，給人感覺簡潔乾淨。床墊、床架及枕頭被鋪同屬SOFITEL MYBED™床具。床褥偏軟、枕頭用記憶棉物料，超舒服！
浴室亦是重點之一。內有多面鏡，營造空間感，洗漱用品亦一應俱全，例如基本的牙刷牙膏、梳子、鬚刨、棉花等。沐浴用品亦使用巴黎頂級品牌──Hermés，讓賓客有最優質享受。值得一提主臥浴室有按摩浴缸，並提供浴鹽，可舒服浸浴。客房浴室亦有浴缸，而且有電視機，讓客人一邊看電視，一邊泡浴，十分寫意。
不過唯一可惜的是，記者是次試住的，雖然是別墅套房，但沒甚麼景觀可言，被眾多樹木遮擋住，可能較適合需要私隱度的客人，而重視景觀的旅客，則可以要求酒店給予景觀較開揚，或樓層較高的房間，可看到澳門城市景觀、珠海灣優美海景或泳池景。
酒店設施方面，別墅套房包私人泳池，開poolside party也可以！而且酒店還有賭場、spa、健身房，以及提供法菜、中菜及自助餐等多間餐廳，整天留在酒店範圍都不成問題。


酒店的位置不俗、交通便利。雖然離碼頭不近，但步行距離可到多個景點，如15分鐘步程到大三巴。酒店前有巴士車站去各旅客區，亦有來往關閘及港澳碼頭之穿梭巴士。

總括來說，別墅式套房空間寬敞、設計優雅華麗，環境氣氛也不俗，特別適合作新娘子婚前Bachelorette Party的場地，姊妹們打卡一流！

澳門十六浦索菲特酒店
地址：澳門內港巴素打爾古街
電話：+853 8861 0016
濠庭十六浦別墅式套房房價：每晚$5,000至$7,000

採訪：黃愷晴 邵苑雯
拍攝：黃愷晴 邵苑雯

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

秋風起，又是蟹季了，一眾蟹迷一定到處尋蟹！要吃高質蟹，平時正常都要100多至200元一隻，不過澳門有個酒店自助餐，坐下就送你四隻大閘蟹，而價錢每位只是$428！孰真孰假？大閘蟹質素如何？我們的記者就親身去試食！

這個以大閘蟹作招徠的自助餐，出自十六浦Sofitel酒店內的海風餐廳，其自助餐一向出名抵食選擇多，海鮮吧有龍蝦、即開生蠔、麵包蟹等，還有各款壽司和刺身、熟食、超嫩滑多汁的即煮牛扒，而且有任飲紅白酒及啤酒。而這次「饕餮蟹宴」推廣，每位客人可以憑自助餐的票，取得四隻洞庭湖清蒸大閘蟹！不過要有心理準備，大閘蟹大約只有一個手掌心那麼大，不過蟹仔細細，膏肉也算多，有耐性拆蟹肉的話，吃完四隻蟹已感覺半飽！而不少人就乾脆只吃蟹膏，留肚吃其他自助餐菜式！$428的大閘蟹自助餐，絕對可以回本！


提提你，「饕餮蟹宴」推廣只到12月15日，蟹迷想吃蟹的話就快點預訂了！

採訪：黃愷晴 邵苑雯
拍攝：黃愷晴 邵苑雯

海風餐廳
地址：澳門索菲特十六浦6樓
電話：+853 8861 7210
營業時間：上午7時至晚上10時
詳情： http://bit.ly/2QcnWD9

價錢：每位MOP428+/位起

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

澳門地標飯店 米其林美食餐廳

#News金探號 #香港 #澳門
--
主持人：王軍凱 朱芳君
電視首播頻道：非凡新聞台
每週六日晚上：22:00-23:00