影相好勁、有大師之稱嘅好朋友 Gensan Yim 嚟元朗探我，好開心💗 成日喺雜誌同網上見到佢影嘅相，今次佢竟然幫我影咗呢輯靚相，我好鍾意，多謝呀～
知佢份人重視健康，食完lunch，帶咗佢去我呢排好鍾意嘅新茶飲店 沐白小農 香港店 因為呢度嘅飲品係冇加添人工香料、增味劑、濃縮汁，用嘅係鮮奶而唔係奶霜，所以有時我都會畀Bat Bat 飲幾啖㖭。
我喺度飲開嘅係草莓鮮奶，不過原來佢哋最近出咗新飲品，一場嚟到，梗係要試吓！
Gensan 飲大甲芋頭鮮奶：
呢杯係呢度皇牌之一，芋頭好足料有接近半杯之多，香濃有咬口，加半杯鮮奶，健康得嚟又滿足到「喝飲料」嘅癮。
我飲嘅濃情可可黑糖波霸鮮奶：
濃郁嘅可可粉配台灣黑糖，飲落已經好正，更加正嘅係煮足兩個鐘令每粒珍珠都入晒味，好似𡁻緊可可黑糖咁，有得飲有得食。 （飲嘅時候記得攪勻）
老公飲嘅係西施柚子茶：
同韓式柚子茶嘅分別係佢用台灣宜蘭羅東與南投嘅西施柚，甜中帶甘，每啖都飲到果肉，維他命C 同纖維都好豐富，呢杯真係超健康。
天氣咁凍飲凍嘢，令我諗起喺北海道食雪糕，都幾chill㗎～ 如果大家怕凍記得叫熱飲啦 😝
~INFO~
元朗總店：元朗裕景坊 27-31 號金倫大廈地下 4 號舖
荃灣分店：荃灣荃興徑 2-8 號昌泰大樓地下 6 號舖（路德圍）
