位於得勝馬路嘅IDIM DIY Bakery，離論區行賞路線「創意展現．活化藝城」中嘅塔石藝文館大概六分鐘嘅步行路程。店內嘅甜品項目多達四十款以上，亦係全澳首間自助烘焙店，對於sweet tooth 嚟講，蛋糕絕對係幸福感嘅來源，如果自己可以參與其中動手整埋，藉此體驗下烘焙嘅樂趣，相信呢份幸福感將會double咁上。
多款蛋糕同甜品食譜盡在店家為你準備嘅平板電腦中，只需要跟住個教學video，秒變成烘焙師傅絕對冇難度，店員更會從旁協助幫拖，保證由你親自孕育嘅甜品小baby能順利誕生。
老奶奶法式檸檬蛋糕
發跡喺法國邊境小鎮嘅呢款老奶奶法式檸檬蛋糕，入口較戚風蛋糕扎實，但就冇磅蛋糕咁厚重。糖霜喺頂層緩緩咁垂落，懸掛喺蛋糕體的外圍，呢份香甜突顯咗檸檬嘅酸勁，係永垂不朽嘅經典款。
爆漿珍珠奶茶蛋糕
伯爵紅茶蛋糕體鬆軟帶茶香，核心部份係伯爵茶奶油嘅藏身之處，面層再有黑糖珍珠賦予香甜又煙韌嘅口感，好鍾意呢杯固體版嘅珍珠奶茶呀喂！
蜂蜜瑪德蓮
呢種貝殼型嘅迷你磅蛋糕，係法國康麥西城嘅甜點界名物，加入蘭姆酒同蜂蜜，酸甜感攞晒平衡，清爽又唔膩口。
本次出場甜點課程：
抹茶富士山戚風蛋糕（2個）$360
蜂蜜檸檬瑪德蓮 $280
老奶奶法式檸檬蛋糕 $320
可可瑪德蓮 $300
爆漿珍珠奶茶蛋糕 $350
同區景點：盧廉若公園、塔石藝文館、塔石廣場、望德聖母堂。
IDIM DIY Bakery Macau
電話：+853 68032112
營業時間：10:00-21:00
澳門得勝馬路12-B號勝苑大廈地下E座（何東中葡小學對面）
#foto #instagramfoodie #instafoodie #macaofoodie #macaufood #instafood #foodporn #澳門 #澳門obxxob #Macao #macau #澳門美食
焙茶瑪德蓮食譜 在 威力甜點作什麼？ - 八月唯一宅配！瑪德蓮控站出來 ... - Facebook 的推薦與評價
瑪德蓮 派對Ft.巴斯克家族「瑪德蓮」一直是我的常溫品項中，很受許多老朋友喜歡的品項，而且不斷回購再回購。 ... 《抹茶or焙茶巴斯克*1》+《上述九種瑪德蓮各1》 ... <看更多>