Search
1950s年-2020年4月1日平行時空六十多年!
長沙灣 荔枝角 青山道 元州街交界，右邊 #雞仔嘜 仍在。
震歐線衫廠有限公司始建於1930年代，「雞仔嘜」品牌則創立於1953年，以推出大眾化價錢、透風易乾、適合香港夏季悶熱天氣的線衫，而深受香港顧客的欣賞。「雞仔嘜」內衣曾經是1950、1960年代男士們的主要衣著，那時穿一件三粒鈕式的內衣，再配以唐裝褲的打扮，曾風靡一時。
#歷史時空
（六十五）雞年食切雞飯
先祝大家雞年快樂，雞年行好運。
講起雞，大家諗起咩？男士唔駛太敏感即刻就聽到雞全部都係雞弦猶在耳住。雞，我反而諗起燒味鋪。油雞，切雞，燒肉，叉燒。
早兩日，去咗旺角亞皆老街大馬路一間舊式燒味店打算買盒切雞飯，見到d離奇嘢。
叫得舊式，就係嗰種連玻璃都無隔，d燒味就咁掛曬出黎向住條馬路嗰種啦，衛生程度就梗麻麻架喇，不過勝在夠平，同老字號。唔開名，您想知可以私下問我，不過如果你係公主港女嘅可以唔駛理，呢d嘢唔係你哋食架，你哋食返sushi部隊鍋啦。
可能大家都糧尾，要食平飯，嗰日都算幾多人，我迫埋去企埋咗晌一邊等。
等等下突然見到有個女人，好瘦，瘦到好似得排骨咁款，著住件白色殘殘舊舊嘅乾濕褸慢慢走近燒味檔前面。
我見好似有d異樣，望過去，個女人企咗喺掛叉燒燒肉嗰到前面，然後愈哄愈埋。
個女人面無血色，對眼好深黑色咁，我望望四圍d人，多數都玩緊手機，有d就同隔離傾緊計，大家都無為意無事無事。
嗰下我淆一淆，心諗，唔係咁邪呀化，唔通係「嗰味嘢」，得我見到？
個阿姐愈黎愈近，個鼻直程就快掂到舊燒肉咁…
嗰下，我不奇然醒返起細個嘅一次經驗，嗰次令到我童年有段時間唔係好敢食燒味。
嗰陣好細個，應該係小學二、三年班，孭住個大書包，阿媽拖住我行去屋企附近d街邊燒味鋪到買叉燒。
行到去鋪頭，撞到個街坊，阿媽例牌同佢吹下水問下人地個仔考成點咁樣，然後喺佢哋傾計嘅時候，我見到有個寒背伯伯，著住件灰色唐裝衫，突然喺我前面嘅人來人往堆中企咗喺斬燒味個位到。
然後我見佢哄落去斬叉燒嗰張燒臘枱到，沿住個邊，一路聞，而個燒味師傅仍然繼續一刀刀咁斬緊。我當時覺得好奇怪，覺得好危險，因為個伯伯個頭哄到咁底，同把刀個距離相隔咁近，稍一不慎真係一嘢劈落阿伯隻耳仔到。
當時我淨係呆咗咁望住，因為太細個，仲以為係燒味師傅做嘢係咁。
但係接落黎我見到嘅嘢真係只能喊出黎…
我見到有個頭，一個女人人頭，喺掛燒味個架嘅上面…係！凌空咁喺嗰度伸咗條脷出黎舔緊叉燒！
.
個女人臉向住我嗰邊，一路舔，d口水一路沿住條脷漏落舊叉燒到…然後舊叉燒就一路滴住滴住嗰d口水⋯
「嘩！媽咪，d叉燒好多口水架，唔好買呀！」我指住個架，嚇到差d喊住講。
當然，即刻畀個街坊紏正：「嗰d係蜜糖黎。」
個斬叉燒師傅同途人都即刻厲一厲我，畀我一種「嘩呢個𡃁仔真無家教，都short short地」嘅鄙視眼神…
「你聞下，d蜜糖燒出黎滲落d肉到不知幾香吖，比一斤我吖！」個街坊接住講順便打完場。
我無出聲，忍住，因為嗰個女人，嗰個寒背伯伯…仍然喺到…仍然繼續緊佢地嘅動作。
「好啦，今晚食五香肉丁雞蛋炒飯好唔好呀？」阿媽摸摸我頭頂同我講，然後我地就行咗去囉。
嗰刻，我好慶幸阿媽相信我，無同佢哋一樣覺得我口行行亂噏廿四，嗰刻，我好深體會到，那怕世界唔明白我，只要有至親嘅信任，就已經，好足夠。
「喂阿姐！你無L嘢吖嘛！愈行愈埋仲要聞過先買！忍你好耐喇喎！」旺角燒味鋪老闆一聲咆哮，將我從童年回憶入面拉返黎繁囂嘅亞皆老街。
「呃…」我望住嗰個白色乾濕褸瘦女人一面道歉，一面走開遠離現場…
哈哈，好彩，係人黎，唔係「嗰味嘢」，我苦笑。
有時，真係太實在，分唔到。
結果嗰晚我無買到盒切雞飯，離開咗。取而代之嘅係－五香肉丁雞蛋炒飯。
您知嘛？我真係好鐘意食五香肉丁雞蛋炒飯。
Tag 鐘意食叉燒嘅frd入！
#真人真事 #離奇 #鬼故 #鬼 #靈異 #不可思議 #離奇家遮 #恐怖 #香港 #口耳相傳 #文字 #叉燒 #燒味 #hkig #donotsayhello
專訪 香港 中式元素服裝設計師林春菊Janko Lam 旗袍｜ 唐裝 ｜長衫｜傳統服裝mix & match｜新潮中國風一講起中國元素或者中式元素，好多人就會諗起古裝 ... ... <看更多>
輕鬆對話就可以喺Carousell Hong Kong 買走兒童＆孕婦用品嘅"唐裝男"。 ... 香港人手製造日本布料藍色日本和風男童中國服華服新年衫唐裝購自bbshop.com.hk bebe shop. ... <看更多>
男士唐裝香港 在 香港兒童唐裝- Dresses | Facebook Marketplace 的推薦與評價
港澳所指的唐裝包括男裝的長衫，男女通用的唐裝，女裝的海派旗袍、大襟衫、秀禾裝、鳳仙裝。有多種款式，一套包括上衣，褲和帽。 麗達窗簾百貨所售… See more ... ... <看更多>