《安全感》
😈：你覺得我同雪兒有冇將來？
😎：喂，你唔係成日有句口頭禪，問得就係無咩？
😈：又好似係……
😎：發生咩事？
😈：無，我好似好無安全感咁，尋日佢唔見左人成日，有野忙，我等左佢好耐好耐，佢好夜先覆我
😎：咁你有冇打比佢？
😈：佢有野忙，我點敢打比佢啊
😎：唉，兄弟，我無同明星拍過拖，我真係唔識比意見你，所以我只可以比個忠告你，呢段感情注定唔會簡單
😈：我都唔識講，近排係好甜蜜，但愈甜蜜我就愈驚，好驚有日會無左呢段感情
😎：你有冇了解過對方既過去先？
😈：無，我覺得網上睇到既都唔係真實既佢
😎：我見佢其實無乜感情生活，但緋聞都間中會有，我覺得佢應該無拍拖既，但佢今年二十六歲，我唔相信佢咁耐都係A0囉……以佢外表，中學大學都係校花級，點會一直單身啊
😈：佢同我講佢拍過一次拖
😎：我唔知啦，你有冇見過佢朋友先
😈：好似未同你講，我阿哥個未婚妻係佢家姐
😎：痴線，你地兩兄弟親上加親啊
😈：我都估唔到咁啱……
😎：咁你不如問下你阿哥同大嫂啦，我覺得兩個人一齊，要進入對方既生活，見朋友見家長都係一種比對方肯定既行為
😈：我未見過佢朋友……同埋，佢一直都講我唔係佢男朋友
😎：咁你係咩？朋友？我想問食左未
😈：無你諗得咁肉酸
😎：大家咁熟，我一定八呢d，但我明既，你如果食左既，就好似再多少少保障囉，愛一個人鍾意一個人，點都會有親密接觸
😈：我係未見過佢朋友，佢亦無乜提過佢朋友，我連知道佢家姐都係當日食飯先知
😎：你條友，今次你真係動情喇，安全感，唔似係你把口講出黎
😈：我都覺得自己好陌生，當年我追Winnie個陣都無咁在意，佢無揀我我係唔開心，但依家我同雪兒一齊，就算佢冷淡少少，覆遲少少，都比我當時比Winnie拒絕更唔開心
😎：不如係另一方面睇，你覺得自己值唔值得同佢一齊先？
😈：唔值……
😎：你都有答案啦，兩個人一齊唔單止係愛既，仲有好多條件，除非對方好愛你，可以為你無視好多現實條件，條件就好似地基咁，我平時做野打樁係好重要，你個樁唔得，上面起得再靚都可以一搖就塌，我地唔再係十八二十二拍拖喇，個地基好重要啊
😈：佢得一個條件，就係搵得多過佢
😎：所以你呢排咁努力就係咁解？
😈：都有好大部份原因，但你都明，搵錢唔係短時間既事
😎：要時間既，我理解，佢都應該理解，佢識你就知你係咁啦
😈：我覺得好無力啊……好似做乜都唔夠快咁，我成日都諗點可以再快，但我諗黎諗去都無用
😎：但你都唔好發癲咁寫啦，最近你寫得多到我覺得好唔對路，我地幾個都好擔心你，但又唔敢講你知
😈：我都知係好痴線，而我只可以用呢個方法……
😎：唔好迫自己太多，過幾日Staycation好好輕鬆下啦
😈：我會，所以呢幾日我仲要寫埋當日既野，唔係我到時就要係酒店寫野喇
😎：Sor Bro，我真係比唔到咩意見你，但你有咩需要就出聲
😈：我明既，我想講下姐，再唔講我會有情緒病
😎：比個忠告你，你依家無錢去醫情緒病，所以勸你控制下你既情緒
😈：窮到連病都無資格……
😎：講笑，加油啦你
#長傾不見 #蔣薇 #小說 #故事 #好久不見
未睇過既重頭睇：
https://www.patreon.com/maydreaming/posts?filters[tag]=長傾不見&sort=published_at
男朋友冇安全感 在 男朋友係咪好冇安全感？ - 港澳感情事板 | Dcard 的推薦與評價
唔可以同其他男仔傾計！去左邊到做左咩！做咩唔覆佢！點解買左咩唔同佢講！經常check我電話等，以上呢啲行為係咪代表佢好冇安全感？ - 安全感,男朋友, ... ... <看更多>