【遇到果個最完美嘅另一半，機會有幾大？】
#生活隨筆 #長文慎入
呢排分享都係一啲生活雜碎破事兒，好耐又冇講過啲感情事，同朋友A最近一個飯局傾起，又令我有所反思得著。
「你係咪有創傷後遺症呀？」朋友A一針見血咁講。
呢位人兄基本上知道曬你人生所有感情事，成功失敗你追人俾人追玩app去speed dating遇到一切千奇百怪離奇事，佢都知道曬，絕對有資格咁講：「你遇上過更多奇怪女人，可能全世界最癲最仆街女人都俾你遇過，但唔代表下一個又係咁嘅。經歷咗咁多嘢，我諗你明白世界唔會完美嘅女人，你都唔好俾少少不完美就嚇親你。」
事緣講起感情事，朋友A覺得我俾太多昔日陰霾所影響，可能每一次約會對方做咗少少嘢、講咗某一句嘢，我就會覺得對方又同自己以前果啲一樣。當局者迷、旁觀者清，諗落自己好多時一覺得有少少唔妥，甚至有一刻好似以前果啲嘅影子，我自自然然就會覺得，有冇咁邪呀，然後慢慢敬而遠之，約咗一兩次，就算有機會，你都自己慢慢收皮。
朋友A表示：「絕對明白你以前傷得太重，但如果遇到啱嘅就咪再諗啦，係時候move on喇。」
人愈大，男又好女又好，你開始發現世間並唔會有個完美嘅（男）女人，無論一個人你幾鍾意幾投契幾合心都好，總係有啲缺點、總係會有啲同你前度相似嘅地方。又或者講，點解會同你前度有啲似，某程度上根本呢一類型就係你最鍾意果type，如果次次都因為果少少「缺點」而卻步，然後約約下又自己頹咗，咁冇計架喎。
由朋友走到去成為戀人，冇可能喺一齊之前就turn得到去你心目中最完美位置；一齊咗之後，大家互相學習忍讓，自自然然有所成長，冇可能喺未一齊果時，就要將對方調較到你心目中嘅完美，一啲缺點都冇、完全冇你前度一絲影子先至勇敢去愛，咁搞法，對方有意你自己都收埋皮。
「感情路上冇嘢係完美嘅，你咪慢慢順下人意、俾啲耐性囉，唔係叫你做兵，但衰啲講句，你俾女人傷過咁多次，都唔差在多一次啦，係咪先？」
諗返就如同之前都分享過，玩app去Speed dating總會遇到好多騎呢人，硬係覺得好似你之前某個嘅影子咁，漸漸你就自我投射，玩app九成九都係怪人，keep住有呢個諗法，到終於遇到個令你唔再玩app嘅人，都成日形住形住，然後，過去嘅陰霾揮之不去，唔係冇人願意入你心窗，而係自己俾過去令你個心窗打開唔到，去到某個位又覺得進退維谷不如罷了。
同朋友A飯局完另一晚，又有另一個朋友B同我講，追個女仔追得太耐，搞到人哋有埋男朋友。男人最怕被兵都唔知，更怕以前嘅陰霾會令你惡夢重現，終極惡夢係人哋根本有男朋友／已結婚。朋友B一直好驚自己被兵，但其實對方根本冇當過你係兵，明明有機會嘅，點知諗到真係連兵都冇得兵，係咁先。可能你會覺得，幾十歲人仲諗兵唔兵好失敗，但有時啲嘢唔係你兵唔兵，而係你以前嘅心態，真係會影響到你嘅未來。
愈恐懼愈謹慎，只會助長以往嘅陰影。唔一定要變成魔頭成為另一個玩家，都唔一定要從此畏首畏尾。愛一個上一課，點樣成長、點樣愛人兼自愛，係每個人都要學會嘅事。或者，就如同之前所講嘅「吸引力法則」，自己成日俾過去陰影搞到走唔到出嚟，明明有機會都因為「陰影」搞到你自己放棄。
最後，朋友A笑言：「大家走去同人表白，會叫人俾個機會你，其實你都俾個機會自己啦！以前啲八婆，屌算撚數咪再諗啦，記住呀，要move on！可能人哋真係好似你以前果啲嘅，ok你黑仔，但唔好人哋唔係，都俾你諗到係至得架！屌，飲啦！」
好多嘢可能你自己都知，但人哋唔講，你未必會醒覺，人生識到有個朋友會深知你一切嘢，認真聽完冇hea你，仲可以咁樣點醒你，夫復何求。
都係果句，共勉之。
✨ 網店正式開張！新張期內貨品低至$5！請即睇：https://bit.ly/3qLPkpk
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
當局者迷旁觀者清感情 在 [心情] 當局者迷旁觀者清- 看板Boy-Girl - 批踢踢實業坊 的推薦與評價
與交往三年的女友分手也已經快三個月了，我自問我自己心裡已經不喜歡她了，也祝福她
現在身旁有了一個比我更好的男生，如果你問我現在難過嗎，我想我會說，我沒有難過，
單純這段戀情我愛她比她愛我更多，現在她身邊有了一個比我更好的男生，我其實很開心
。
現在的我其實很享受一個人的生活，只是有的時候有些事情只能跟自己分享，我想現在的
我是該好好的讓自己更好，就像一首歌的歌詞：愛既已走開 舒展你胸懷 讓風輕輕吹過
來
只要心還在 還怕什麼來 不過少個人來愛
，會來這邊發文一來是不知道要找誰說這些事情二來是前女友曾經為了我們之間的交往情
形有上來發問過，這篇文章我想拿來當作一個終點。
最後我還是要說，很祝福你，縱然這世界那麼大我還是遇到了你們，一起出遊，很祝福你
，很替你開心，希望他能比我對你更好，希望你們能天長地久，永遠開心，我們這三年會
是我難忘的回憶。
--
※ 發信站: 批踢踢實業坊(ptt.cc), 來自: 111.82.236.37
※ 文章網址: https://www.ptt.cc/bbs/Boy-Girl/M.1435239274.A.1D8.html
※ 編輯: rodmen (111.82.236.37), 06/25/2015 21:35:06
... <看更多>