介紹返，呢隻衰妹，我叫佢做侵侵。
佢係一隻狗場負責繁殖嘅約瑟爹利媽媽，身材嬌小嘅佢唔知生過幾多胎搞到啲奶滋長過啲毛毛，一抱起佢就知佢輕過我屋企啲貓好多，聞上去好大陣味，未沖涼前完全剷唔到啲毛，油到爆嘅侵侵我洗咗四次先乾淨，第一水沖出嚟係橙色，第二水黃色，第三水先乾淨，為求保險洗多一轉，乾乾淨淨吹乾之後，發現洗完一轉嘅耳仔不停滲返啲耳塞出嚟，又再洗多兩轉耳仔，我都確保唔到佢耳入面仲有無嘢可以再沖出嚟。
乾淨曬之後先留意到佢有好靚嘅頭毛，好似侵侵咁，所以我叫佢侵侵，一路剪頭頭，一路扭扭樂，我知我知我知～洗乾淨耳仔之後，啲鉸剪聲放大左10倍應該聽得好清楚、好敏感，剪剪下佢仲成身震曬，唯有惡兩吓又氹兩吓，比起沖涼前郁都唔太想郁，呆呆滯滯嘅侵侵變得好活潑，一想落刀剪就搖頭，fing曬尾咁好鬼可愛，你一停手佢就會將個頭托喺你隻手度阻止你再動刀，又會追住把較剪，你要剪嘴嘴毛，佢就開始伸脷，睇返相，其實真係好得意。
多謝你有心睇到嚟呢度，我諗你應該都明白我想講乜。
每一隻狗，有得沖涼洗白白，有得剪到靚靚女女溝死仔咁，佢心情都會好好，宅女都會變淑女，成個女神咁，邊似生過幾胎呀！侵侵本身就係一個可愛嘅女仔，有啲百厭但係嗲到爆。我只係希望經我手嘅小動物，都可以享受一下舒舒服服嘅服務，感受吓愛。每次我上完堂剪完毛，就會好想帶佢哋返屋企，但我無能力，我只有能力為佢提供呢一次嘅服務，令佢能夠喺短短幾小時內開開心心。
希望佢完成自己生仔嘅使命之後，有個好好嘅主人領養佢，然後帶佢返嚟俾我再次為佢服務。
#佢真係好可愛🥺
#好嗲好想養埋佢😩
#唉自己都養唔掂😖
#有無人可以養佢😭
白爹利領養 在 西高地。白威。香港救援。暫托。領養 - Facebook 的推薦與評價
公屋居屋對寵物的限制。可以容納動物的地方少之有少。所以棄養情況嚴重。 有見及此，成立此平台，目的為拯救被遺棄的狗狗。提供暫托及領養服務。 ... <看更多>