對著鏡子梳理眉毛的時候,突然被廁格內傳出的一聲慘叫嚇呆了。
是一星期前的事,但那聲慘叫實在無法忘記。
「Everything alright?」我隔著門問。
「咔」一聲,門慢慢打開,是我 team 的一位同事。
「嚇親你,」同事頹喪地走出來,「唔好意思。」
明白的,這陣子,很多同事都被恆大搞瘋了。
其實個世界就係咁現實,而這個所謂金融世界,比現實更現實是常識——好景的時候稱兄道弟,冧市的時候各自閉翳。地踎啲講句,出得嚟行,唔通唔使還。
意思是,好景的時候自然心紅,一心紅就進取,客戶用一蚊買兩蚊債券,屌,基本嘢。
好喇,冧市喇,作為一家穩健的金融機構,就梗係先自保,借畀你嗰一蚊,唔該還咗先。
本身這個有借有還的遊戲是十分公道的,但為什麼同事會發癲?因為,叫唔叫個客還,銀行是有 sole discretion 的,亦即係話,我哋可以叫個客還,亦都可以叫個客唔還住。
「Susanne 真係 on9,」這位兩日冇剃鬚的同事完全不介意大聲地公告天下,「黃生淨係隻艇都成億,係成億 full pay 呀,佢點會 default 呀,唔好癲啦。」
我叫佢冷靜啲,似乎令佢更加唔冷靜——「Susanne 話要 call 佢 margin,真係好撚短視,要我而家叫佢還,佢實還㗎,還完之後咪即刻 cut account 囉,係咪要咁吖?」
開口埋口的 Susanne 是 risk management 那邊的同事。
「晦氣嘅嘢,你同我講冇所謂,對住 Susanne,盡量低聲下氣好嗎?」
「低聲下氣?我對住個客已經成隻狗咁,對住條八婆又做多次狗?」
「你客氣,Susanne 都仲有斗零咁多機會隻眼開隻眼閉;你開拖,佢一句 no 就係 no。」
聽我這樣說,同事終於冷靜了一點,但目光仍然盛著恨意。就在這時候,我給了他一個匪夷所思的建議:「你有冇 airpods?」
「有,why?」
「你而家入番去廁格,去 YouTube 睇一個 MV,歌名叫做《小諧星》。一路睇,一路聽,一路聽,一路留意歌詞。」
是難以置信的,但這首歌真是萬靈的仙丹。
香港的娛樂事業可以靠一隊叫 Mirror 的年輕人起死回生,本來真是半信半疑,直到非常後知後覺地聽了這首《小諧星》。
慚愧承認,之前真係一首 Mirror 都未聽過,唔係唔想聽,係到咗某個年紀,總是有一股惰性拖延著那份接受新事物的勇氣。
然後一係唔聽,一聽即刻癲咗。那個 MV 的四百萬個 views 當中,我應該貢獻了最少一百個。
起初當然是被周秀娜小姐 draw 入去,她那個被 Edan 飲晒杯奶茶的扁嘴表情,喂大佬,真係溶掉了所有中佬的心。
睇吓聽吓,原來這是一首無名小子單戀女神的歌——女神已經有男朋友,而且還要是事業有成的有錢人,典型一個雞蛋挑戰高牆的故事。
愛情裏的廢青與富豪又好,工作上的 front line 與 risk management 也罷,很多時就是無力與大力的對決。
有時候,當你知道力不如人的時候,唯有像黃偉文寫的詞一樣:「跟他怎可能拼,只好專心做諧星;將單戀劇情,改寫出喜劇場景;用我痛苦表情,換你那好心情,留底這半條命。」
對,最緊要留底自己條命。
做人遇到的任何挑戰,不要看成是單一的難關;三盤兩勝冇把握就五盤三勝,放長雙眼,就是為了增加自己的勝算。
回到自己座位,我問同事有沒有聽到那首歌。「有,多謝你 Marcus,我一定會好好同 Susanne 講。」
故事的結局怎樣?最後 Susanne 還是要同事 call 個客 margin,然後那個客真的一怒之下 cut 了 account。
但。
今天在文華酒店吃完午飯,我才親眼看到這個故事的反高潮。
面前的畫面:Susanne 很陶醉地拖著同事的手,在酒店的櫃臺 check out 房間。
我非常好奇,於是 text 佢:
Hey… I saw you and Susanne at MO…
佢個回應。
霸氣到一個點:
She made me a slave in the office. I made her a slave in the room.
人生,fair enough。
留底半條命,你總會找到,把對手就地正法的機會。
真晦氣意思 在 Facebook 的最讚貼文
#仲喺廚房 #暫停開Live
#今晚講65元粟米湯的故事
仲喺廚房。今晚(又)唔做live,各位唔好意思。
我哋嘅廚房工作,其實好多時間係做實驗,
試整試煮試食,然後又再試吓有咩變化,
可以變得更好。
呢啲時間功夫,係「食物研究所」個根基,
做咗,我知道總會有人懂得欣賞。
就係粟米湯咁簡單,
Chef 都不時check住材料來貨質素,
親自做,親自試,親自改良。
我哋叫「打湯」不叫「煲湯」,
因為湯落得去個煲度,
就算係唔駛點搞,
但我哋做多一個程序,
將煲好嘅粟米湯,
放入blender逐公升「打」(blend),
打到滑為止,
再用好細格嘅篩,
隔走好少好少嘅渣。
所以個粟米湯先至咁滑。
深夜成日留喺廚房,
晨早就要返到廚房,
呢個已經係我哋嘅日常。
我記得,最初登陸網購,
有人留言:「咪又係普通粟米湯,
幾蚊成本,賣到咁貴,搶錢!」
跟住仲要俾1分,將個平均份拉到好低,
睇見嗰1粒星,我真係好傷心,
心諗,千祈唔好俾Chef 見到。
今日,Chef 又返來廚房打粟米湯,
check吓啲用具,
check吓啲粟米甜唔甜,
check吓啲雪櫃有無問題,
check吓啲出品好唔好味。
我心血來潮去睇吓HKTV Mall評分,
經過兩年,有更多評論基礎,
而家O’Chef Lab 評分係4.5,
粟米湯評分係4.7,
突然間,我覺得好欣慰 -
因為1分又好,4.7分又好,
我哋都係咁認真去做好每一個粟米湯,
無發晦氣,亦無囂張,
只係默默咁做,繼續做好。
多謝大家睇我長文有感而發,
多謝大家支持光顧食物研究所,
亦多謝大家俾評論俾星星。
俾幾粒星啫!就咁開心?
其實,真係好難㗎。
Chef 開佢嘅餐廳L’envol一年半,
取得米芝連兩星,
呢件事本身難過登天,
好值得佢自豪;
而佢為咗食物研究所一包 $65粟米湯,
亦都係同佢攞米芝連星去到咁盡㗎,
我仲有咩藉口唔勤力啲?
推銷時間:
HKTV Mall星期二閃購完,
星期三喺 ocheflab.com有以下食物「私閃」,
仲有記得同我訂月餅。
https://www.facebook.com/792161637796997/posts/1505323576480796/?d=n
#食物研究所 #ocheflab
#65元粟米湯的故事
#chefolivierelzer
#olivierelzer
真晦氣意思 在 作者 Facebook 的精選貼文
現在還有過百個ISIS-K的成員包圍了喀布爾機場,準備下一輪炸彈襲擊,聯軍已將部分閘口24小時關閉。為免更多美軍死亡?在導致13陣亡的恐襲發生後,其中一個辯解就是當局早在三日前收到情報知道對方來襲,「但美軍依然盡忠職守,恪守撤退的工作,展現出無比的勇氣」——你能接受這一種預了讓他們犧牲的堂皇說法嗎?
白宮外驚雷鑿鑿,拜登沒得不召開記者會回應。他說自己已下令軍方制定報復方案,誓要主謀付出代價,但真的可償嗎?缸瓦碰瓷器的簡單道理。如果幾部刺殺無人機就可以瓦解ISIS,天下早就太平了。拜登至今仍未願意為這次不合格的撤軍承認自己決策失誤,他一如既往卸責特朗普身上,多番提醒記者「是他與塔利班達成協議,要求5月1日前撤兵的」,彷彿自己好像未曾跟塔利班達成更邪惡的協議似的——他居然將美國以及盟友需要撤出的名單全份交給塔利班,要求塔利班檢查站按本子放行——結果,原本不清楚的阿富汗人「叛徒」名單,現在美國替塔利班整理好了,武裝亦可向受困美國人勒索贖金了。
CIA局長跟塔利班達成的秘密交易就是這個?來換取塔利班派員為喀布爾機場提供保安?或許拜登和整個內閣便是以此為前提應承塔利班8月31日的撤兵死線不變,當天勢必是更大的人道災難。塔利班將會強行接管喀布爾機場,美軍會為免衝突拔營就走,還是出爾反爾爭取苟留?是否撇下英國的駐軍不顧?屆時群情洶湧,如何全身而退?對於名單上仍然滯留的人,全都被拜登貴客自理了。
網絡上流傳一張拜登在記者會上低頭嘴靠雙手的「致哀照」,實情圖文不符,拜登沒有哭了,當時他只是一時接受不了記者咄迫而發晦氣而已。這個環節也是一個笑話,算是阿富汗撤災之後首次拜登接受記者提問環節,但他劈頭就鬼拍後尾枕,哦出這句說話:
「They gave me a list here. The first person I was instructed to call on...」
記者名單內定,還好意思說出好不特止,身為總統竟說自己「受指使」?人們聽罷紛紛質問從頭到尾究竟是誰負責instruct拜登的,沒有國民能夠接受自己的總統居然不是話事的那個人。記者也看不過眼,直接問拜登會不會為炸死美軍一事負責。拜登說:「一切發生的都是我負責……而你知道,撤兵協議是前總統下的……」
續文:
https://www.patreon.com/posts/55392140
作者