鄭錦滿拍片叫人掉簡體字書落垃圾筒，因此被警察以「不誠實使用電腦」罪名拘捕。我一定要嚴正指出，雖然不認同呢種行為，亦睇唔出咁做與抗爭有何關係，但係警方這種做法明顯係嘗試將「不誠實使用電腦」罪無限擴大，變相成為網絡廿三條！
講返呢單所謂「抗爭」，熱血公民仲要包裝到係「圖書館戰爭」，其實真係得啖笑。網友Leo Wong提醒，所謂「圖書館戰爭」，係日本作家有川浩寫的輕小說，講述未來日本政府以武力取締「不良」書籍，於是圖書館就自組軍隊，捍衛市民睇書權利。可惜熱血公民今次係掉返轉，扮演丑角消滅市民睇書權。
其實一本書有冇價值，係咪洗腦，係取決於知識，唔係繁簡體字。如果消滅簡體字書就叫做抗爭，咁不如先掉哂黃洋達的《金融刺客》簡體本先啦。嘥時間。
#反對網絡廿三條
#抗爭不是玩泥沙
#繁體字可以洗腦
#簡體字也可以是好書
