唔止黎過一次呢間新南苑，我諗大大話話都有十幾次，身邊有朋友都幾鐘意黎呢度，好多時慶祝生日、人多聚會都會考慮，最主要係鐘意有房，比較私癮啲，靜靜地可以傾下計飲下酒，同埋都收得夠夜😆
餐廳位於彌敦道678號，電梯一上，開門便是，成個場都算幾大，位置頗多，外面嘅位會比較密麻啲，人多起上黎都會有少少嘈，所以我地鐘意訂房，雖然每位要加廿蚊，勝在夠舒服。訂左六點，準時入座，人頭定價$268，週五、六日、假期每位加10蚊，如果訂房每位加$20，入座起三小時，屬於海鮮火鍋半放題✍️
每房有電視，主要係睇波。冷氣都可以，唔會好弱，不過食完一陣味就梗架喇，無可避免。房間入面設有對講機，只要掣就有店員應機，可以直接講埋要求，例如加湯、點配料等。效率挺高，唔會話因為放題，就hea時間😛
🙆♀️海鮮火鍋半放題套餐
包括：招牌麻辣雞煲 (3位以上先可以享用，無限任食，可選大辣/小辣)、湯底選一款、海鮮拼盤 (6-8款)、手切牛頸脊 (非任食、1-4位一碟)、火鍋配料任食、甜品、飲品。同類型嘅火鍋店，收費都差唔多。
👉雞煲
先雞煲後火鍋，點小辣，辣度比較弱，但確實幾入味同惹味。雞肉比較大件，肉多，唔會得棚骨，皮位就肥啲，但我個人喜好都係唔理，照食，整體味道唔錯，當然要比起主打雞煲嘅餐廳黎計，都仲有距離，但任食質素收貨😎
湯底六款免費，包括蟹鍋花甲湯、豬骨濃湯、野生水魚湯、冬瓜湯、壽喜鍋、四式火鍋湯，對湯底唔好太大期望，食過頭四款其實都係一般般，同平時散點火鍋店可以飲得嘅湯底質素就真係冇得比。蟹鍋花甲湯底裡面有隻蟹、少量蜆仔、粟米、蕃茄等，唔係太入味，蟹肉較削。
👉海鮮拼盤 (6-8款)
離不開蟶子、元貝、鮑魚、象拔蚌、馬刀貝、貴妃蚌、大蜆、大蝦、魚等視乎當日供應。人頭份量，下圖為六人份，上枱都幾吸引，擺盤整齊，幾有霸氣。海鮮雖然都唔係生勾勾，不過都唔會話係死左好耐嗰種。蝦肉、鮑魚爽彈，元貝、蚌新鮮👌
👉手切牛頸脊 (非任食)
呢度嘅牛肉就唔係任食嘅，追加要38蚊碟。牛肉食落腍身，唔會好多脂肪，質素可以，我地一行六人，本身就有兩碟，其實都夠嘅，反正仲有其他配料飲食。
其他火鍋配料同一般任食火鍋差不多，例如豚肉、脆鯇、海蝦、丸、餃、麵食、炸魚皮等，蔬菜自取，中規中矩，正常水準。甜品係自家製牛乳布甸，幾好食嘅，有淡淡牛奶味，質地唔會太實。飲品有涼茶、汽水、果汁等自取任飲🤟
刺身
刺身都係人頭份量，店員話係贈送，我地就未有留意係咩原因。裡面有希靈魚、北寄貝、蝦、螺片，無乜特別😅
-
新南苑私房菜火鍋鷄煲
地址：旺角彌敦道678號華僑商業中心3樓全層
Follow us:
Instagram: http://bit.ly/2g3ZtuS
Facebook: http://bit.ly/2gu1fIG
Blog: http://bit.ly/ywycarol
Contact us: mrmrsfoodhk@gmail.com
聚苑私房菜 在 聚苑Ju Yuan | Taipei - Facebook 的推薦與評價
聚苑 Ju Yuan, Songshan District, Taipei. 662 likes · 15 talking about this · 344 were here. 聚苑，為了相聚而打造的一幢別苑。 ... 私房菜 #花雕蒸蛋白. ... <看更多>