琴日嶠媽一家遊經東廣場，哩個地方以前嶠媽成日來，因為芊嶠係附近上 playgroup，今日來搵好野食，點知就發現以前買中式包點嘅舖頭執左，轉左一間賣珍珠奶茶店，嶠媽嶠爸其實好鐘意飲哩類飲品，所以先有咁嘅身型🤔🤔
介紹返，LiHO係來自新加坡，有別於平時來自台灣嘅店，所以我地一口氣買左四款來試，即飲兩杯，外帶兩杯走！我選左可可飄香+OREO 和做緊聖誕試飲優惠$12杯嘅格雷珍珠奶茶，嶠爸就選左熱芝士觀音和黃金牛油果奶。
佢地嘅黃牌係黃金芝士茶，好似芝士奶蓋咁，好厚嘅芝士，加埋熱熱嘅觀音茶，好好飲🤤🤤另一推介係牛油果🥑奶，牛油果製甜品多？嶠爸都覺得製成飲品好特別，所以就選左，但飲落真係好match，下次嶠媽都必選！
可可飄香+OREO，嶠媽最愛OREO，所以必選，可可味都好香👍🏼👍🏼最抵試係$12格雷珍珠奶茶，咩係格雷？就係格雷伯爵茶啦，嶠媽我本身係偏向like英式茶，茶味唔似紅茶咁濃，偏向淡味少少！襯埋甜甜嘅珍珠，一個字「正」😬😬
經開觀塘嘅你，一定要去LiHO試下啦！聖誕試飲價優惠去到12月31號咋！芝士帽仲可以試戴🤣🤣
+++++++++++++++++++++++
LiHO Hong Kong
地址：觀塘成業街7號東廣場 G10 號舖
分店：元朗青山公路22-26號金源大廈
#LiHO #里喝 #來自新加坡 #必試重牌芝士茶 #黃金牛油果 #聖誕試飲優惠12蚊 #格雷珍珠奶茶 #鐘意OREO必試可可飄香 #芊嶠一家之日常
