荷蘭租屋事件薄
（五）兩個高富帥室友
話說有一段時間，我住喺阿姆斯特丹其中一個「有錢人」住宅區。有兩位典型嘅荷蘭高富帥室友。
首先，呢一個單位係由我其中一位室友A嘅屋企人持有。而佢哋持有嘅係成幢幾層：一層係俾個妹同埋佢嘅朋友住，一層係俾個阿哥同埋佢嘅朋友（連埋我）住，一層係衣帽間+儲物室+客房，個啊媽仲會間中過嚟住下。
咁另一位室友B係A嘅大學同學，本身係某航空公司嘅「明日之星」，而且又靚仔，呢間航空公司直情用佢個樣來做廣告。除咗喺航空公司做，當然有少少家底，仲本身有層樓，不過見價錢好就賣咗，所以就暫時同A住吓先。
然後呢兩個室友，都不約而同地，同一位金髮美女約會緊。仲要兩個都係做緊醫生。
對於我呢一個「只係做銀行」嘅豆丁來講，只能感歎，世事真係好唔公平啊（掩面）！
佢哋兩個除咗不約而同地約會同一類女仔，兩個人都唔會承認呢兩個女仔係佢哋嘅「女朋友」。一來荷蘭人唔輕易「確立關係」；二來佢哋又唔想俾「關係」限制自己。
問題係，連佢哋屋企人都已經見過呢兩個女仔，所以我都忍唔住問，你哋幾時先至算係「一齊」呢？（事隔一年後情況依然一樣😂）
雖然係客觀條件非常好，但係佢兩個唔似得一般荷蘭人咁「自我」，除咗十分友善，我哋仲間中會一齊出下街、睇吓波、食吓飯。
後來先發覺，荷蘭真係好細。原來我嘅朋友嘅朋友係A嘅朋友。而我嘅朋友曾經喺另一個朋友嘅派對裏面見過室友A，仲一齊飲過嘢。有啲野真係整定啊！
又：其實嚴格來講，應該話佢哋係「中上家庭」；不過標題呢啲嘢，你懂的。
#移民 #移民歐洲 #移民荷蘭 #荷蘭 #西歐 #出國 #留學 #歐洲讀書 #歐洲工作 #歐洲生活 #荷蘭公司 #歐洲公司 #荷蘭生活知多啲 #香港人在荷蘭 #香港人在歐洲 #香港人加油 #搵工 #搵屋 #租屋 #租樓 #租房
荷蘭留學條件 在 荷蘭留學 | Dcard 的推薦與評價
與荷蘭留學有關的話題. ... 荷蘭旅遊&生活分享，在荷蘭生活了半年，愛上荷蘭的快樂和自由。荷蘭，這個低地國，或許不是個人人嚮往、出國會首選的大國。 ... <看更多>