一連兩晚，我都係食同樣嘅兩個餸同埋一個湯，但係我冇半句怨言。因為味道非常好。
別誤會，我唔係自己讚自己。我只係用咗CookEasy嘅餸菜包。疫症期間，盡量少出街，但係都想食下住家菜。有朋友話可以試吓呢啲餸菜包。
上晝落完單，下晝就送到。買夠$500 ，就免費送貨。
打開餸菜包，非常之大份，尤其是個南瓜豉汁蒸排骨，以而家豬肉咁貴，真係大件夾抵食。另外我叫咗個台灣麻油嘉美雞雞，有成半隻雞嘅份量，再加個椰子雞湯，真係食唔晒，索性分開兩餐。
唔識煮亦都唔緊要，因為佢嘅包裝貼紙上面講得好清楚個步驟。真係 #新手都變廚神！
就咁睇好似好貴，每樣都要一百幾十蚊，個椰子雞湯仲要$129 ，但係個雞湯有半隻嘉美雞，又有豬肉，呢兩樣都唔少錢啦，你唔使去買又唔使預備嗰下，已經值回票價。
對於我呢啲間唔中先出手，又懶又嫌麻煩，但係間中都想表演吓嘅隱世廚神嚟講，呢個餸菜包真係非常就手。咁如果你話我屋企有菲傭喎，咁佢放假嘅時候，你咪可以試吓囉。不過星期日冇得落單、冇得送貨㗎，如果你菲傭放星期日，就要星期六上午10點前落好單喇。
唔好問咁多，你入去睇吓先：
https://cookeasy.tungwahcsd.org/
#何嘉麗callmegaga #何嘉麗 #為食路上 #CookeEasy #東華三院 #椰子嘉美雞湯 #南瓜豉汁排骨 #台灣麻油嘉美雞 #疫中美食 #疫情中的美好時光
菲傭煮餸 在 教菲傭煮餸 - YouTube 的推薦與評價
教工人煮餸2(栗子炆雞)teach maid to cook Braised chicken with chestnut ... 我同家傭的相處心得︳女傭︳菲傭︳印傭︳姐姐︳遮遮︳張惠萍︳BLW. ... <看更多>