📍樓下火鍋飯店 (銅鑼灣)
銅鑼灣駱克道441號駱克大廈A座地下A號舖及地庫
=====================================
之前見過介紹見到呢間野好特別，環境裝修都好有香港色彩⭐️一直都想試下，終於揾到朋友同我一齊去試啦🤩
.
坐落佢就會搬個箱裝滿哂火鍋調味料俾你自己整。湯底方面，我地揀左花雕藥膳醉雞湯底$138，好香既花雕酒香味，雞肉亦好嫩滑。
.
🐮花雕肥牛$108
最初以為肥牛係一片片個隻😂原來佢係滑牛個種，手切肥牛先係一片片，大家記得唔好叫錯🤣不過滑牛都好食，好滑好淋👏🏻
🐑羊肉片$85
羊騷味唔算好勁，加上個鍋有花雕酒，就會蓋過左冇咁重羊騷味😛
🐟自製炸魚皮$52
大塊得黎又好脆，打邊爐點少得佢😌連裝魚皮個兜都好有街市買魚見到個啲都咁😂
🥬皇帝菜拼木耳$55
平時出面打邊爐通常都係一份份咁叫，但呢度除左肉同海鮮外，原來其他野食可以叫半份架👍🏻我打邊爐鐘意食皇帝菜，朋友就鍾意食木耳，我地於是每樣半份，咁可以食多啲唔同款式既食物之餘又唔會浪費🤗但留意佢係將貴啲個款加$10就係雙拼價錢
🥤竹蔗水$35
怕熱氣就記得要叫返渣竹蔗水，一渣既價錢又唔貴，又好飲，同朋友可以一人飲返幾杯🤪
.
整體最特別都係環境，有涼茶舖，有炒粉麵檔，感覺好似真係置身大牌檔食嘢。食飯途中都有見到外國人黎幫襯，下次帶啲外國朋友黎食都唔錯，夠哂地道😝
藥膳醉雞湯底 在 暖身醉香濃．藥膳醉雞湯底 - Facebook 的推薦與評價
暖身醉香濃． 藥膳醉雞湯底 】 醉愛冬日暖火，隨時打番個養生﹑香醇味美嘅 藥膳醉雞 鍋，暖身又暖心～呢款火鍋店大熱之選，原來喺屋企都好易整， ... ... <看更多>