隨住禁令開始放寬,多咗朋友約我出街食飯,不過真係好抱歉,因為忙於update網站嘅緣故,相信要遲啲先可以聚。
其中一個朋友問我:「其實整個website有錢賺㗎?見你啲客都係落fb廣告多,會落辦公室日報個website㗎咩?」
「Website冇廣告㗎!」
「咁仲做?今晚出嚟食飯啦!」
「有啲嘢又唔係要有錢先做㗎嘛!呢排真係好多人搵工,我每upload多一封letter sample,可能會幫到一個要見工嘅人。」
我以前做headhunt嗰陣成日都同新人講,有時幫人搵到一份工,你可能已經救咗佢全家,所以當時收到好多CV,見過好多candidate,如果個客唔請,自己又有朋友公司想請人,我都會無條件介紹,幫到人,唔止係心靈滿足,仲係一種福氣。
講我自己會有啲hard sell,我舉啲客觀嘅例子,由於我嫲嫲當年係因為癌症而離開,媽咪成日都叫我哋唔好食咁多煎炸嘢,特別係唔好食鹹魚,佢話:「嫲嫲好鍾意食鹹魚,唔知有冇關,同埋有人話癌症會隔代遺傳。」
坊間關於癌症嘅文章同埋傳聞多如天上繁星,何不直接參考真憑實據?喺香港癌症資料統計中心2017年嘅統計數字裡面指出, 香港女士74歲或之前,每15名女士就會有 1個有機會患上乳癌,而每95名女士當中,亦有1個人係有機會患上卵巢癌,男士絕對唔係獨善其身,74歲或之前每26名男士當中有1個人有機會患上前列腺癌,而我媽咪口中所講嘅遺傳,睇返現時所有乳癌患者個案,約有10至15%係同遺傳因素有關。
睇數字好攰哩?不過咪以為唔關我同你事,喺乳癌患者當中,有部分係因為基因突變,呢批人患乳癌同埋其他癌症嘅機會係比一般人高,而且有年輕化趨勢,就連男士嘅風險都高咗。
頭先講到有好多人默默付出,希望幫到更多有需要嘅人,其實我哋身邊真係不乏例子,問題係你有冇停下腳步,認真咁望一眼。以香港遺傳性乳癌家族資料庫為例,佢哋係本港首間及目前唯一致力研究BRCA基因突變及幫助因基因突變而患遺傳性癌症(包括乳癌、卵巢癌及前列腺癌) 嘅高危家庭,進行基因測試、輔導及臨床醫護服務嘅慈善機構。自2007年成立至今,喺得到各方慷慨支持下,已累積資助超過4,200名喺本地有經濟困難嘅高危人士,當中涉及3,200個家庭,我講過啦,有時你幫到一個人,仲會幫埋佢哋成家人。
見工搵工嘅嘢可以問我,而遺傳性癌症、BRCA基因突變,仲有其他關於癌症嘅問題,可以睇返一啲專業嘅資料,香港遺傳性乳癌家族資料庫 HK Hereditary Breast Cancer Family Registry 呢個專頁,仲有佢哋嘅IG ( instagram.com/asiabreastregistry/ ) 都好值得細閱,你亦可以重溫早前 #關乳愛 2020網上發布會:https://bit.ly/2yNCcLg
了解自己嘅風險,先可以掌握未來嘅路,冇健康嘅身體,又點搵工,點幫助更多人呢?
#BRCA2020 #BReastConcernAction #關乳愛 #asiabreastregistry #香港遺傳性乳癌家族資料庫 #支持遺傳性癌症患者
「見工cv sample」的推薦目錄:
- 關於見工cv sample 在 辦公室日報 Facebook 的最佳貼文
- 關於見工cv sample 在 辦公室日報 Facebook 的最讚貼文
- 關於見工cv sample 在 HR小薯蓉 Facebook 的精選貼文
- 關於見工cv sample 在 修改CV/ 優化CV/ CV Sample/ Format/ 範本/ 履歷表 - Facebook 的評價
- 關於見工cv sample 在 歌曲歌詞歡唱分享站- resume sample香港的推薦與評價,PTT 的評價
- 關於見工cv sample 在 【求職技巧】見工面試,5句不能說的話! 免費CV Template 的評價
- 關於見工cv sample 在 Navy Blue creative Resume CV template Design for interview 的評價
見工cv sample 在 辦公室日報 Facebook 的最讚貼文
人人性格唔同,In你嘅人就當然個個唔同Style啦!
好多嘢都冇得一概而論,做headhunt時聽過有客人話:「Resume之外,一定要Cover Letter,如果Candidate有send畀你,你畀埋佢份Cover Letter我睇吖。」
我同時亦聽過有客人講:「得鬼閒睇Cover Letter咩,一日收成百份CV,睇Resume都嚟唔切,仲睇你作文呀?」
Thank You Letter都係,我問過HR重唔重視?有人話如果本身係想請嗰個人,in完後又收到佢Thank You Letter咪加分囉!但亦有人話收唔收到都唔緊要。
禮多人不怪,其實Thank You Letter亦可以觀察到你follow up啲嘢貼唔貼?有冇禮貌?對份工嘅興趣有幾大?以前我做sales,有個大佬教我,見完客咪send封Thank You Letter同對方講多謝抽時間見囉!我個人覺得係幾有用,個客之後都放心畀嘢你去跟。
或者有人鍾意睇Cover Letter同Thank You Letter,亦有人係唔睇,但我就真係未聽過人哋話:「妖!最憎收到!」所以見完工send返封Thank You Letter,絕對唔會死錯人,玩下手仲好似我條片入面講嘅case咁樣,傻下傻下就畀你扑中份工,永遠要記住一樣嘢,就係你可能只係去見一份工,但HR或者個老細係一日見好多candidate,我自己都做過headhunt,今日見幾個,聽日見幾個,除非真係好突出,否則淡忘咗好正常,一封Thank You Letter隨時幫你喚醒佢記憶,仲加埋印象分。
《食住黃店講見工》嘅Youtube片喺呢度
👇👇👇
https://youtu.be/uLfXPw242i0
另外,辦公室日報網站有Thank You Letter sample畀你參考,直接copy又得,記得改返屬於你嘅資料便可。
https://hkofficedaily.com/?p=1772
見工cv sample 在 HR小薯蓉 Facebook 的精選貼文
[遞信請留意返]
一如所料,過咗年之後我張枱就被海量嘅辭職信淹沒;人地過完年返公司𢭃利是,我就𢭃到好多辭職信。如果話男人專心工作時係最吸引,我肯肯定我呢幾日淨係坐係個位度都已經溝死女。
睇咗辭職信咁多年,發現好多人無論辭幾多次職,都係唔會識寫辭職信,如果你打算辭職,可以留意下以下幾點...
1. 邊日係last day?
近排成日都收到電話打嚟問,「我想辭職,但唔知邊日係last day。」其實係好簡單嘅數學題,例如你2月5號辭職,要一個月通知,將5減1再加返1個月,即係3月4號就係last day喇!你可能都覺得好簡單,但原來好多人都會亂寫,難為HR嘅哥哥姐姐成日要打去同人confirm。
2. 記得寫埋邊日辭職
有啲人搵蘇師父算過邊日last day係吉日,但又唔知應該邊日辭職先啱。其實跟返上面嘅計算方法就計到,但請記得寫埋你嘅辭職日期係信上面,唔係HR計唔到你有冇俾足通知期㗎。
3. 請簽名吖老細
辭咗職你就重獲自由,自己做返自己老細。不過麻煩你係炒你老細之前睇睇封信簽咗名未,唔係我以為封信係你隔離位幫你寫,「被辭職」都唔知。
4. 唔該霸氣少少
最近短時間內處理大量辭職信,嗰幾封一模一樣嘅辭職信真係好鬼覺眼,佢地只係人名日期唔同,內文每隻字都一樣,唔睇真啲真係差啲當副本碎鬼咗。我諗應該係google大臣頭幾個建議嘅sample啦......其實辭職都可以型少少嘅,有一封自己寫嘅辭職信,辭都辭得有霸氣啲啦!係先唔係先?
祝辭職順利,搵份好工。今次講完辭職信,下星期講下求職信要留意啲咩。
#辭職要有霸氣 #型少少唔該
#HR #搵工 #面試 #HR小薯蓉
---------------------------------------------
《淺談HR睇CV》
https://www.facebook.com/hrpotato/posts/597544770395070:0
《嚇死HR之「唔該我想呃婚假」》
https://www.facebook.com/hrpotato/posts/600233110126236:0
《見工奇行種系列之我係萬能Key》
https://www.facebook.com/hrpotato/posts/584673738348840:0
嚴禁非法轉載
Copyright © HR小薯蓉. All rights reserved.
見工cv sample 在 Navy Blue creative Resume CV template Design for interview 的推薦與評價
Navy Blue creative Resume CV template Design for interview | Word DOC Free Download - Pikbest. Creative,Template,resume,CV,Design,interview. More like this. ... <看更多>
見工cv sample 在 修改CV/ 優化CV/ CV Sample/ Format/ 範本/ 履歷表 - Facebook 的推薦與評價
羅亦指,有應徵者混淆入境處跟海關的工作,把「驗人」說成「驗貨」。他提醒,投考人見工前應認知部門工作性質,早作準備。 由於主任級需要帶領團隊,擁有團隊精神及領導 ... ... <看更多>