關於 走佬袋開刀 ，我們在網路上蒐集到這些相關的討論、資訊與評價

終於有啲時間同大家分享一下
Jayden B 出世後10日發生咩事
👉無一個阿媽係生完仔就會即刻識揍仔👈
我哋每日都在學習當中成長
#做咗人媽咪內心要強大
#長文慎入

• 產後住院所有事需靠自己
生完之後醫生話有個5蚊銀大嘅傷口需縫針、BB俾姑娘清潔過後就抱過黎肌膚接觸，有約1個鐘嘅時間抱住BB，📷影下相打下視像電話報下母子平安。然後我就比啲姑娘推去產後病房 — 8樓大房，由哩一刻開就分隔。過完床之後姑娘就同我拎晒要用嘅野放喺床頭櫃，由於過咗晚餐提供嘅時間，老公就喺便利店買咗啲野俾我食 (補給補給)，老公拎埋走佬袋👜啲野喺門口交收，佢就可以返屋企休息。食完野嘗試產後第一次小便，㩒鐘叫姑娘佢會俾個尿兜你喺床上痾，痾到半個兜嘅量確保排尿系統無問題，先可以慢慢落地。姑娘將BB👶🏻推返黎身邊，母乳姑娘會過黎教餵母乳嘅姿勢同點先叫正確，初嘗親餵🤱🏻讓阿B埋身食奶；另外開始手擠母乳刺激胸部分泌乳汁，先試用1ml針筒擠出 #黃金初乳，不過姑娘知我地未上奶都會同BB補飲奶粉或水奶。

• 種豆靜脈注射
因為早產咗少少嘅關係，阿仔雙手種唔到豆但比人吉到瘀晒，最後種咗落左腳💉，見到佢日日都要打抗生素、乙肝疫苗第一針及卡介苗、抽血驗肝功能等等… 😢簡直心都痛埋啊～ 到DAY 4 姑娘話今日終於唔洗再打針針可以拆咗粒豆喇！不過仲有好幾個問題要解決：左腳掌有輕微嘅馬蹄足內彎，出院後需要做物理治療一段時間；左耳聽力測試唔合格同埋要睇骨科… 放心！媽咪會同你一齊渡過每一個難關。

• 胎糞及尿液顏色反映身體狀況
第一日見到佢排出嘅胎糞💩由黑綠；於第3、4天後，完全排完胎糞以後，大便顏色會呈橙黃色或是黃色👏 證明你嘅用心，努力餵食係成功嘅！(觀察尿液濃咗，如濃茶或可樂咁嘅色；同埋啲屎屎變成灰白色等症狀，加上留意皮膚泛黃程度，需立刻送醫檢查。)

• 新生嬰兒黃疸
滿心歡喜原先以為哩日(DAY 5)可以出院，點知兒科醫生睇完阿仔話黃疸膽紅素指數偏高需要即時轉去照燈，初為人母嘅我難忍同BB分離，更何況當時姑娘都答唔到我要照幾多日、要分隔幾多日？當佢問我叫我決定今日去或留時真係好掛住老公同屋企啲貓🐈，但又唔想掉底個仔一個喺醫院喎，心情好矛盾… 加上同房對面床開刀生都已經出得院，送佢出門口果下超心酸😔 但最後都選擇就繼續留院，到老公打視像電話黎，見到雞髀同西米係咁嗲個電話就忍唔住果種好想返屋企嘅情緒，喊咗出黎💧 話比自己聽：「我知道我要堅強 ，STAY STRONG，我可以的！」真係唔知可以為佢做啲咩，唯有默默地泵奶送去俾佢食啦～ 其後老公都出黎再補給物資、探我同去探阿B。由於只限1人入去探訪，哩個機會就俾爸爸探吧，始終我都見咗佢咁多日，爸爸就由佢出世果日到而家隔咗成4日先見到… 哩晚無咗室友同BB喺房，望住房個窗外落雨閃電⛈特別寂寞。

• 回家後又再照燈
住院咗6日，終於收到好消息🥰 可以同阿仔一齊出院返屋企喇！好興奮咁換晒出院衫辦出院手續，等埋老公過到黎再去果邊病房接埋Jayden B，返到去公公婆婆爺爺嫲嫲急不及待都即刻上晒黎睇BB (無人係黎睇我架囉…)。第二日陪月正式返工，不過隔日去健康院檢查完，又要即時去屯醫擺底佢照燈😢 到底幾時先可以退黃唔洗再照燈呢？最後留咗一晚，隔日就收到電話話Jayden指數降返可以出院，又要出去接佢出院，連日都奔波勞碌，媽媽心都累埋～

• 夜晚才是作戰狀態
基本上BB出院後返到屋企嘅日子，全部時間都係俾晒BB～ 想擠啲時間黎做自己野真係有啲難道(除非你有工人姐姐)，餵夜奶係新手父母必經之路，日間盡量爭取時間休息，有咩就交比陪月處理，正所謂「佢訓 你就要訓」😴💤 先可以唞足精神準備夜晚嘅作戰！

照顧初生嬰兒係會攰啲，但都係值得嘅～
最緊要有另一半 @donlaukt 同你並肩作戰
各位新手父母 共勉之💪

#新手媽媽 #新手爸媽 #香港媽媽 #孕婦日記 #孕媽媽 #36週1日 #早產 #baby #babyboy #BB來了 #出世 #生產日 #生仔 #母子平安 #生產紀錄 #種豆 #黃疸 #生理性黃疸 #初生b #新生兒 #jaydenb成長記

其實一般情況下我真係好少將自己張相送俾人擺🥶有朋友問到可摸耳出個剖腹産文字版詳述，因為就快開刀好驚，適逢今日將呢份好尷尬而又好真心嘅禮物送過去俾我接生嘅醫生，不如影低佢做配圖。準備好未？ 開始 #剖腹產 文字全記錄：

從小到大我都非常怕痛，打針抽血都驚一餐，不知哪裡來的自信覺得自然産「可能好啲呢？」，事與願違，36週時與醫生商量過我的情況真的不適合順産，突然決定剖腹分娩，擔心得哭了兩天，38週晚上帶齊行李便前往浸會醫院check in，當時第三波疫情非常嚴峻，兩口子即使都做了檢測，但還是得自己一個渡過這個難熬的晚上，說好的分娩前最後晚餐也因為禁晚市堂食而改為獨自在病床上吃醫院canteen的焗豬扒飯。

清晨五時，麻醉師蔡醫生和手術室護士上來briefing時，我已經擔心無法管理表情，全身顫抖，我唯一的回應就是：「我咁震會唔會影響你打背脊嗰針呀？」他們都笑稱當然沒問題！推入手術室前跟老公見面，二人相對無言。

手術室播著悠揚的音樂，仍然不減我的恐懼，躺在手術床上，腦袋一片空白，八時左右高醫生進來，在診所以外看到這張熟悉的面孔終於感到安慰。開始種痘了，有點痛，不過很快完成，種好就不痛了。姑娘協助我捲曲身體，沒有網上說的那麼難，她們會扶着我，還未來得及覺得痛便已經打完了，又過一關😅

沒有傳說中的一股暖流、沒有作嘔，就是單純的慢慢失去下身的感覺，但我還是很害怕，可能聽得太多其他人的恐怖故事，什麼整個手術過程也清楚感覺到，麻醉藥沒有到位等等……我再問醫生:「唔係喎我feel到你啲動作㗎喎😧」他安慰我說：「一切正常呀因為其實已經開咗喇」🥶我知，聽到這句其實仲驚，但也可以放心了因為真的沒感覺。麻醉師告知我會用力推幾吓，而且BB有臍帶纏頸的問題再忍耐一點點。推那幾吓是大力的，也有一點辛苦，但過程短暫，還未回魂，BB哭聲已經響亮登場，全程18分鐘，羅肥肥已經在眼前了♥️餘下的縫合過程我睡著了。

第一天麻醉藥緊接吊針止痛藥，晚上有口服止痛藥一切都可以接受，我也有坐起來親餵，也是非常順利，大家最擔心的「打大佬」事項當然包括等二天下床，真的還好，大約用了10分鐘，簡單一天幾次上洗手間不成問題，之後幾天走到走廊尾的BB房也是一個人走(對呀我見OK便沒打搞姑娘)，連老公都說我這個生產過程真的順利得驚人，原本以為一定哭哭啼啼，又輪椅又攙扶，誰知幾乎是網上那些「開完刀健步如飛」長文的主角般，真的感謝天父，也非常非常感謝高醫生團隊。

希望我這個positive的剖腹産birth story可以給你一點鼓勵，媽媽們，加油！

Thank you Ample Medical Centre 安寶醫務中心


超自然的生產記 | 政府醫院篇

我回來了～
神隱一個星期，從醫院回家重新學習照顧初生嬰兒，以往照顧紅豆嘅回憶一一地湧返岀嚟。

今次生二寶綠茶妹妹，又係去政府醫院，上胎催生痛到想跳樓，誓言旦旦話下胎要開刀，但當發現有咗二寶之後，我最後都係選擇去政府醫院，只係發現順產對身體復原真心快。

諗起生妹妹個幾日可謂狀況之外嘅事特別多，由5月5日（星期二）開始輕微見紅無肚痛，我默默地觀察，但無特別緊張，直到第二日感覺開始有不規律的肚痛又持續見紅，但痛嘅時間係20-30分鐘一次，雖然覺得應該未生得，但都入咗醫院檢查一下。

入得醫院就要留院一晚駁胎心機檢查，因為疼痛同宮縮時間唔夠密，我•被•彈•鐘•呀！！
哎呀，又要岀院等運到，醫生話等到每5分鐘痛一次或穿咗羊水先可以再入院。 （心內暗暗希望細妹可以遲少少先岀世，因為我想同紅豆一齊過母親節呀）

5月9日星期六晚，已經見紅第5日，原本一家人約好咗食飯齊齊提早慶祝母親節，蛋糕都買好咗，但⋯⋯我由晏晝6點開始就宮縮痛每8分鐘一次， 去到7點時已經係3-5分鐘痛一次。
我知道，真係今次堅嚟料要入院啦，沖涼洗頭，拎埋個走佬袋，紅豆婆婆煮咗飯俾我食，我再攬攬紅豆，就同紅豆爸坐車向醫院岀發。

因為疫情關係，丈夫係無得陪產架，亦唔可以長時間逗留係醫院範圍，所以紅豆爸幫我辦理咗入院手續，陪我到產科外的大門就要走啦，下次見已經係幾日後接岀院，而我就開始自己面對生產嘅疼痛😵

係我記憶猶新時，記錄當晚嘅生產過程。

#2020年5月9日
8:00pm 到政府醫院，之後入產房駁機做檢查，原來個時已經開咗2度 (疼痛感好似M痛)
完成所有檢查後，大概接近零晨12點， 產房護士覺得我產程有點慢，所以決定送我去產前房休息，唔需要留係產房待產。
#產房=有產兆或即將生產（已開度數）的產婦待產房
#產前房=已生產或有產兆但產程慢的房間

#2020年5月10日
12:30am 係產前房待產時，慢慢開始感覺痛的感覺密咗，又懷疑有穿水，所以召喚護士幫忙睇下開咗幾度。
仍然係維持2度😞，仍然未穿水，但似乎產程有加快，所以又被安排推返去産房🤦🏻‍♀️，前前後後30分鐘，我係產前房及產房來來回回地走。

之後就是高潮位，12:45am-1:00am 我開始陣痛加劇，短短15分鐘內，每次陣痛我都忍住無痛到叫岀聲，不斷做吸氣呼氣。
只係過咗一陣，我開始痛到大叫（媽呀，我已經好忍得痛，如果姐我痛到大叫，真係XYZ的無敵痛) 我大叫護士講BB要衝門一樣，但⋯⋯檢查完，護士仍然話只係開得2度，又未穿羊水，有排先生得。

真係痛到我無法忍受嘅地步，而且我感覺BB真係要衝閘而岀，我詢問護士幾時先可以吸笑氣，點知護士話疫情期間係無笑氣提供。

WTF⋯⋯醫生明明話有架😭 依家又突然無咗，成個人好崩潰，受打擊後，我整個呼吸步驟已經亂晒，又因為在院期間全程帶住口罩，好難呼吸到氧氣，我呼吸開始有「扯蝦」現象，我真係覺得自己抖唔到氣。

姑娘應該俾我「扯蝦」嘅呼吸嚇親，我又痛到係咁扯住自己條裙領，衫都幾乎俾我扯爛。 見勢色唔對路，姑娘拿拿聲推我入生產房，仲係咁問我有無哮喘病歷。

雖然只係開咗2度又未穿水，入到生產房我諗我應該用咗唔夠10分鐘就生咗二寶囉，生個時，姑娘話我下面已經開始爆裂，要我好好跟指示岀力，吸大啖氣，勁長咁push咗3下，有驚無險，終於生咗岀嚟啦。

呼⋯⋯小姐於5月10日凌晨1點幾岀世囉，送我最難忘的母親節禮物🎁。

整個生產過程，完全無藥物輔助，只係靠自己念力生BB，呢個經驗真係永世難忘。

#BIRTHVLOG #生產日記 #走佬袋
很久之前就幻想有一天能夠分享生產過程
經過很長時間的等待和治療
終於成功把我們珍惜的小公主帶到這個世上
謝謝大家的祝福！全部都靈驗了?
醫生還唱生日歌呢！?

◊ follow ◊
ig | http://instagram.com/sona.tina
fb | https://www.facebook.com/be.sona.tina/
mewe | https://mewe.com/p/sonatina

◊ collab ◊
sssonatina@gmail.com

*this is a non-sponsored video*