移民成為左香港人嘅焦點，如果大家對呢個話題有興趣﹐我都可以一路講落去。喺咁多個東南亞國家黎講，＃馬來西亞 🇲🇾🇲🇾係其中一個熱門「移居」地方 （注意是移居不是移民 ）。今日我先講下買樓嘅事宜！
好多人「移民」，首先會買樓。我過到嚟咁岩經過樓盤都睇下，呢間半獨立屋 3000 幾尺連花園，五個套房，你估賣幾錢？只係賣HK $二百幾萬，係米超抵呀？香港人見到兩眼發光啦！
但我想講，知你有錢但唔好咁狗衝去買，我話你知呢間大屋租金仲抵， HK$3000，香港三千蚊只係租到劏房。
其他地方我唔知，馬來西亞唔同香港，呢到冇嘢多，地多！如果你用香港買樓邏輯，買垃圾納米樓都賺幾個開，嚟呢到一樣咁投資就仆街鳥。由於，市中心用地好少，呢種Dream House 已經愈起愈遠，呢堆屋離 KL 市中心，唔塞車都要35分鐘車程。當然，你好享受駕駛樂趣，又或者隱居生活都岩你嘅。但租金咁平，我就唔會買。
全世界賣樓都會講到自己樓盤天下無敵，買落去一定賺又升值乜乜乜，十足十瑞士山區肺一樣。如果，真係過嚟住，即使 KL 市中心租金都平（習慣高壓租金香港人來說）我覺得先租後買，認識該區係米咁值再決定買都未遲。 #遲D可以講下呢到樓宇管理有幾仆街
唔好成日發夢做大業主，買呀！買呀！（我要初戀 tone )
#投資移民倒米post #帶頭盔 #個人觀察意見 #你可能係投資大神而貧窮限制我眼界
