🥢四大海味入饌奢華盛宴✨
-
依間中菜廳未入去就咁睇門面都感受到陣陣嘅中式氣派。內裏嘅裝橫行比較新派時尚路線，以藍白作主調，配上帶中國風嘅擺設，新舊元素融合得幾好🪕 今個夏季餐廳推出左8道菜百味宴套餐，除左重本炮製以4大海味珍品為主角，依家仲有買一送一優惠*，用一半嘅價錢就食到！仲可以另外加$288無限暢飲香檳，紅白酒🥂# 又係飲飽食醉嘅一日
-
「盛夏珍饈百味宴」
淮揚四小品
包括 黑松露珍珠燻溏心蛋、麻辣順風、 香油鴨腎、 三色醃蘿蔔。以酸酸甜甜，同帶辣嘅前菜開胃就最好不過~ 麻辣豬耳夠哂惹味，而黑松露珍珠燻溏心蛋非常有驚喜🤩 作為餐廳嘅招牌菜之一，以龍丼茶葉煙燻，再配上面層嘅黑松露珍珠，帶清幽嘅茶香，加埋黑松露嘅點綴，幾有特色
*
迷你花膠冬瓜盅
夏天就當然要食下冬瓜解下暑啦！邊個估到細細個嘅冬瓜盅竟然會有花膠😍 加埋雞，火腿，瑤柱等去煲，鮮味十足！
*
海參蟹肉芙蓉
即賽旁蟹，蟹肉份量幾多，除左蟹肉絲，仲會見到一塊塊完整嘅肉！裏面仲混合左彈牙海參粒添👏🏽 而且蛋白夠哂滑溜，如果唔係會太飽，送飯真係一流
*
紅燒雞火鮑翅
鮑翅吸收左雞湯嘅精華，淋上芡汁，再配上雞絲同金華火腿提鮮，每啖都係奢華嘅感覺
*
原隻鮑魚燜香米
有齊海參，花膠，魚翅，冇理由四缺一嘅😆 原隻6頭鮑咁上真係夠哂睇頭！米飯加入左鮑魚汁，所以食落帶微甜同鮮味
*
鹹魚冬菜肉餅蒸馬友
採用五花肉剁成嘅肉餅入口帶油香，上面放上鹹魚以及新鮮馬友，鹹鮮味非常出，又一樣送飯佳品🤣
*
十里三蔥焗乳鴿
乳鴿經過滷水汁醃製，下面鋪滿洋蔥，青蔥 & 紅蔥頭，所以乳鴿肉質嫩口入味之餘，仲帶陣陣蔥嘅清香
*
桂花酒釀小丸子
-
*免費入會1957 & Co. Loyalty Program 會員，即可享 十里洋場- 盛夏珍饈百味宴 二人同行一人免費優惠
# 每位可以優惠價 $288 享用兩小時無限暢飲Nicolas Feuillatte Exclusive Brut NV 香檳, Cloudy Bay Sauvignon Blanc 白酒 以及 Cloudy Bay Pinot Noir 紅酒
-
十里洋場 (銅鑼灣)
銅鑼灣恩平道28號利園二期1樓101號舖
酒釀丸子酸 在 桂花酒釀丸子| Food, Cooking - Pinterest 的推薦與評價
Jan 14, 2020 - 一向不喜歡吃中式糖水，唯獨桂花酒釀丸子是我最喜愛的。它沒有其他糖水的甜和腻，帶少許酸酸的味道，還有一股桂花的香味，吃下去很清新。 ... <看更多>