做職業運動員係一件非常之寂寞嘅事。
見到 @黃文萱LeticiaWong講得咁清楚,我都想講吓自己嘅經歷。同埋再講一次,伍家朗真係好好波,識打羽毛球嘅人一睇就知,打到佢咁水平係極唔容易,大家唔好忘記佢曾經贏過林丹。
細細個,我打羽毛球都真係幾叻嘅,原因好簡單,我嘅童年同青少年,基本上係喺CCC渡過。即係跑馬地口嗰間木球會,我好鍾意打波,瞓醒就跳住去打,有啲天份,亦幾勤力,後來CCC有埋泳池就打完波游水,絕對係一個多動症兒童。去到中學, Form one我已經打贏晒全校,順手打埋校隊打埋學界,有教練叫我去打港隊青年軍,什麼去銀禧集訓,什麼練體能,老實講去到佢寫嘅第二第三點,我已經放棄咗。
我唔鍾意練體能嘅枯燥,同堅辛苦,亦都覺得生活只有訓練太過單調。(我咁鍾意吃喝玩樂enjoy life! 中五嘅時候,Eng Lit嘅老師Miss Luk苦口婆心同我講:會考喇,你真係要勤力啲唔可以再enjoy life喇,但我冇聽佢講,仍然enjoy life,不過成績都好好)F.3 嘅時候,我老竇同我講,唔可以再成日打波,一係揀讀書一係揀打波,揀打波你讀書唔會好得去邊。香港亦都冇好似美國北卡(North Carolina University)專比籃球精英讀大學嘅地方,米高佐敦同Vince Carter都係嗰度畢業。
當時我諗,如果變成職業運動員,我應該唔會enjoy,而讀書我都真心鍾意。結果我揀咗讀書,同貪圖逸樂,所以對於啲選擇刻苦,長期受高度紀律訓練嘅專業運動員,我有無比嘅respect。
實不相瞞,小學嘅時候,PE先生已經睇得出我骨格精奇,抽咗我出嚟訓練,叫我跑學界短跑。全間小學,得我一個人跑,同學仔上堂、玩,我就俾先生叫我孭住個好重嘅背囊,負重喺操場跑圈,當時冇乜嘢專業器械,老師係咁將一啲好厚、一磚磚嘅書塞入個背囊度等我個袋重啲,然後就叫我跑。全學校得我一個,去比賽得我一個。嗰時我讀緊小學,訓練嘅時候你就會知道你會冇晒朋友,冇正常生活,天煞孤星一樣。我仲記得,老師帶咗我去PE房入面一堆釘鞋度揀我嘅size,都唔知有幾多人着過,殘殘舊舊嘅釘鞋佢叫我揀一對,其實我都唔係好啱着,就着咗去比賽。係去政府大球場,當年仲未裝修,有啲荒蕪,跑咗第一,對釘鞋仍然係咁核突。我覺得做運動員好慘。
或者你有所不知,網球名宿Agassi同佢老婆嘉芙,兩公婆打網球咁叻,世界第一,但佢哋係嚴禁自己嘅仔女做職業網球手,覺得付出太大、壓力太可怕,而且會冇咗正常生活。我嘅小打令希臘網球手Tsitsipas,目前世界排名第四, 22歲,五年前即係佢17歲時轉打職業,啲人訪問佢,佢好坦白咁講,話佢嘅青少年時期,從來未睇過演唱會,未去過所有年輕人去玩嘅活動,平日只有訓練同埋比賽。
講咗咁耐,最想講嘅係,做高水平嘅專業運動員真係好唔容易,做香港嘅運動員,更加唔容易,伍家朗曾經世界排名第六,依家都排第九。今日大家好記得張家朗,希望香港人唔好淨係喺國際大賽,同埋攞到獎嘅時候,先記得撐香港嘅運動員,因為佢哋係比賽之間、攞獎之間,仍然係努力不懈咁好辛苦去鍛鍊。
張家朗又好伍家朗又好,其他不知名嘅香港運動員都好,佢哋嘅努力,好多時係我哋睇唔到嘅,我特別希望香港嘅廣告客戶,多啲留意一啲未必係最高調嘅香港運動員,我好相信佢哋嘅故事,佢哋嘅堅毅,佢哋嘅努力,係可以做到好好嘅代言人。
至於我自己,體能上嘅刻苦我未必夠堅持,但精神上、知性上、創作上、文字嘅馬拉松,我從不鬆懈,每一篇稿都用最謙卑最專注嘅心情,好認真咁唔俾自己揸流攤去寫。
點解咁辛苦做廣告都要寫稿,係因為想任何時候都繼續磨劍,我相信「寫學雙長」,希望唔好俾自己懶,長期練好個腦嘅能量。從未停過飢餓地去睇書、強迫症地吸收知識同新事物,希望令自己可以比到更有營養嘅創作、文章同內容大家。我稿品應該係唔錯嘅,廿幾年來從未脫稿,從未臨時請假,夜晚2 am先放工,我就返到屋企寫到朝早六點。
每個人,可以揀一條同自己過唔去嘅路,埋首刻苦耐勞咁去行、去修,亦係一種幸福。希望呢種辛苦幸福,唔好太過寂寞。
再一次,多謝支持我Patreon,等我可以繼續創/寫作嘅每一位,多謝你哋。
#有感而發啫
#撐香港運動員
#希望多啲廣告客戶撐佢哋
-—-——-------------------------
👉🏼https://www.patreon.com/budming
謝謝你的訂閱,讓我不必學習光合作用,可以繼續創/寫作、分享知識。
銀禧幾多年 在 項明生 James Hong Facebook 的最佳貼文
【娛講Video Talk】項明生俄羅斯遭警察打劫:唔好以為差人就係好人
項明生就試過在俄羅斯遭當地警察持槍打劫,他說:「你唔好以為差人就係好人,唔止香港有警察不受歡迎事件,外國啲差人唔係全部都好人。我試過喺俄羅斯莫斯科,當時坐火車去聖彼得堡,突然有個差人查身份證,攞passport畀佢睇,佢一睇就話我張相唔同,張相好多年前影,頭髮梗係有啲唔同啦,跟住佢問我銀包有幾多錢,攞晒我銀包啲美金走,話如果唔係就要跟佢返差館。」項明生表示,警察聲稱那些是罰款,自己一位女友人之後試過同一遭遇,但女友人寧返警署也拒讓警察取走銀包金錢,結果在警署被警察清洗一空,取走所有財物。
銀禧幾多年 在 君子馬蘭頭 - Ivan Li 李聲揚 Facebook 的最佳解答
[揮淚斬馬縮:馬拉Big Mac平過香港]OK,個題好爛。但,馬來西亞9年嚟,第一次通縮,好驚驚。(http://bit.ly/2Ix7Xwb)
提到通縮,香港人應該好怕。但都要有返一定年紀先知。而家當然係乜都加加加,但都唔係好耐之前,千禧年前後,亞洲金融風暴至沙士嗰期,香港五年幾六年半通縮,真係慘痛回憶(http://bit.ly/2IB3Yia)。大家都知啦,通縮,賤物鬥窮人嘛。我就係嗰個時間出嚟做嘢,所以要講慘,我同我班同學,大可以特講特講。一句:你見過通縮未丫就可以收啲小朋友皮。
都不用講,通縮最可怕。成日話擔心通脹嘅,咁不如通縮丫。兩害取其輕,一般央行都係防通縮不防通脹,因為通脹你可以加息。十厘,二十厘,三十厘加上去,通脹實會受控的(N年前嘅聯儲局主席雪茄佬伏Volcker正係做咁嘅嘢)。但減息呢?央行只可以減到零,負利率係唔實際的(邊位存錢入銀行仲打算畀錢佢?)。你話,印銀紙,可能得,但都唔係萬試萬靈 — 你睇日本印咗幾多年?
但不過,以上呢啲理論嘢啫。香港2017年都試過「技術性通縮」,一個月見負數咁大把(http://bit.ly/2Iyv21F)。全年冇見。馬來西亞今次,應該都只係技術性通縮。因為燃料價格大跌。點解大跌?因為政府政策啫。根據我理解,馬來西亞係產油國,吉隆坡嘅雙子塔正式名係馬來西亞國家石油大廈,Petronas Tower.而馬來西亞嘅油極平,因為國家補貼極多,而呢個就因為…..拉選票。所以你見馬來西亞人人開車,而KL塞車塞到仆街。平日半夜都可以塞,所以我出差十幾廿次,第一次以後就冇再坐過的士。
但然後我又諗下,馬來西亞物價,到底升得快唔快呢?呢度就又麻煩啦。財經新聞講嘅通脹多數係講CPI,但睇名都知,CPI唔係通脹,「個i唔係for inflation」。Consumer Price Index 消費物價指數嘛,幾時話你知通脹係消費物價?2017年3月香港通縮添,當時你覺得物價點?
況且大家都知(你唔知我話你知),CPI唔計樓價(但計租金),唔計股票,同你「真實」感受到嘅「通脹」,就真係兩回事(包埋你唔抵得人地資產升值)。更唔好講政府其實可以操控CPI,或者嗰籃子嘅貨品有幾代表性呢啲咁陰謀論嘅問題。
(題外話:所以我好懷疑,啲蛋頭學者,例如姚松炎,講負利率推升樓價,但佢用CPI,到底有幾有說服力(http://bit.ly/2II4IBY))
貼身啲,我覺得咁多年去馬來西亞,物價好似冇乜點貴過。以上只係印象,可惜我冇乜機搵返當年啲單據或招牌。但,除咗因為我有錢(香港人好很有錢,我是香港人,所以我好有錢。好簡單嘅三段論),主要係仲有匯價問題。
我去馬來西亞最多嘅年代,最記得令吉對港紙係兩個半左右。而家你估幾多?兩蚊唔使。早兩年見過個七個八添。但近十幾年嘅走勢,都係向下。都幾好嘢。而我唔知邊個天才發明話美國印銀紙令到港紙貶值唔值錢。
果只計本幣,咁香港同馬來西亞,邊度通脹勁啲?睇官方CPI,馬來西亞近年通脹,好似係低過香港少少嘅。但,就梗係唔好只睇CPI,我地睇啲真正嘅物價。有咩好得過睇麥當勞巨無霸?當年今日可比,兩地都有賣。
可以上去慢慢自己計(https://econ.st/2IvP10M)。計馬來西亞上次通縮之後,2010年,當其時一個巨無霸七令吉,而家九蚊。升兩成八。香港呢?2010年一個巨無霸十五蚊,而家廿蚊。三成幾,係多少少,但唔係爭好多咋喎。我拎過其他年份嚟玩,結論係:其實兩地巨無霸價格升幅,咁多年都差不多。但只係講本幣!
肯定嘅係,2010年到而家,令吉對港紙,差不多跌咗兩成半。另一個角度睇,對香港人嚟講,當年馬來西亞嘅巨無霸貴過香港,而家就掉轉啦。而唔好忘記香港巨無霸已經係世界數一數二咁平。「所以你話香港人係咪好有錢?」「唔好在香港洗就得啦」
(當年七令吉,對兩個半咁滯,十七個半個港紙,貴過香港。而家九令吉,對個九,十七蚊,平過香港)
By the way,我其實係唔食Big Mac嘅,去馬來西亞廿幾次,我好似冇食過一次麥當勞。我多數食KFC。(http://bit.ly/2ThRfoA)
銀禧幾多年 在 BHJS Photography Club 銀禧攝影學會 的推薦與評價
銀禧 攝影學會新增了131 張相片。 2019年5月13日. ... <看更多>
銀禧幾多年 在 金禧英文 :: 農藥百科 的推薦與評價
银禧 ;金禧;钻禧 ...,禧年(英语:Jubilee)是纪念特定事件的周年纪念日(英语:anniversary),通常是表示25周年、40周年、50周年、60周年和70周年。“禧年”一词是源于圣经 ... ... <看更多>
銀禧幾多年 在 金禧、鑽禧紀念代表甚麼呢? 甚麼是禧年紀念? (繁體中文字幕) 的推薦與評價
銀禧 、金禧、鑽禧紀念究竟是代表甚麼呢? 今次皮毛小知識會跟大家分享甚麼是禧年紀念和它的由來。 ☆內容包括: 00:00 - 開場白00:14 - 甚麼是禧年 ... ... <看更多>