【深夜長文】
曾經我不下一百次去幻想,企上呢個台係咩感覺?我幻想過經過左咁多年,我終於去到一個里程碑,會同你地一齊笑住打機做埋好多唔同嘅傻野,之後嘻嘻哈哈渡過半個鐘;我幻想過可能係走高手向,播住自定BGM 出場,補多句「我終於黎到呢度喇,佐為」,之後一命爆機咁完成整個Event ,好多好多個唔同嘅方法,好多好多個唔同嘅場面。
我自己都係一個好鍾意FF嘅人,由當日我得1000個followers 都唔夠我就開始幻想呢一日。
到兩個月前左右,有關同事打比我邀請我去參與呢個盛事,我真係開心到成晚都訓唔著,呢間遊戲Event 我去好多,大部份都係用記者身份做;以KOL身份做,仲要上台嘅,真係第一次,好似一開始咁講,呢個係一個里程碑,我用「希治閣」呢個名去做遊戲相關事終於叫有人識。
到6月初發生住唔同嘅事,每星期都發生唔同情況,其實我都有諗過唔同情況,我記得有朋友問過,如果取消我會唔會好唔開心?其實當下我都好想講,依家仲打機,好似唔係太好。去到今日上台之前,我打開手機,望住D新聞,真係同自己隔一兩條街架咋。個感覺真係好強烈,一邊班朋友歌舞昇平,一邊班兄弟出生入死,有好幾個朋友都同我呻話真係好辛苦。
我同平時同大家講嘅一樣,話每個人都係一條橡筋,我地唔可以扯到太盡。出到去我地可能只係一個和理非,但我地最大嘅作用係我地可以做嘅就係幫其他和理非上電,我明白一定會有人話「呢個時間仲做Job 打機有冇良心?」,我身邊好多朋友都比人咁鬧,但其實大家一做完手上面嘅job ,唔少人就會即刻飛返出黎,用另一個身份企喺大家之中。
今日event入面,當我除底VR,望落台下面,好多我熟悉嘅面孔都無喺度,我心入面有一部份嘅自己以為,我一定會好失望;但最後我真係好安心,因為呢個時間大家應該喺一個更應該出現嘅地方。
多謝每一位巴打嘅付出,大家一定要小心,到我地爭取到我地爭取到嘅野,到時,我再喺下一次Event嘅台上面等大家。
ps.今日大叫Titigu 嘅巴打,Sorry呀,台上面個喇叭真係太勁我聽唔到,我都係事後先聽返朋友講先知,我唔係特登唔應架。
#唔出相喇
#唔想搞到人地公司
#其實好多人都付出左好多努力
#唔好灰心唔好放棄
#呢幾日大家個心都好亂
#灰埋今日好喇
同時也有1部Youtube影片,追蹤數超過14萬的網紅Kwan Gor,也在其Youtube影片中提到,跌跌碰碰撞撞去到三字頭 都係入行的第十個年頭 呢個二字頭我可以話過得好好 呢個章節好精彩 好多人幫我 好多人錫我 好多人唔妥 好多人離去 好多人遇上 多謝你哋豐富左我既章節 就係唔係經常順風順水 就係會有做錯過決定同事情 就係有好蠢好天真好白痴既時候 就係有掙扎過先證明你真係活著過 每次錯完痛完傷...
開心到成晚都訓唔著 在 Soccer Fun Hong Kong Facebook 的最佳貼文
對於版主黎講,呢個日子係非常重要。非常開心可以親身見證呢個重要時刻。
今季繼續與 夢想足球隊 Dreams FC 繼續合作,為球隊提供優質同專業嘅產品,希望提升各位球員嘅表現。今季會除左產品贊助之外,另外其他合作計劃,詳情請留意我地嘅專頁。
最後,祝願夢想FC 喺今季嘅賽事得到更優異嘅成績。
#贊助 #開心到成晚都訓唔著 #夢想FC #DreamsFC #H3SportHK #支持香港足球 #歷史時刻 #TeamH3 #港超聯
【與贊助商H3簽約】
夢想昨晚亦與以泰國為基地贊助商H3有一個簡單嘅簽約儀式。佢哋來季將會為球隊提供球場裝備,一眾球員除咗即刻攞返對防滑襪之外,亦鬼馬地將件練習衫反轉著,將H3個商標放喺心口。
感謝H3來季嘅支持,我哋球員一定會好似著咗防滑襪嘅聰頭咁,愈踢愈好!
Dreams met with the representatives of H3 in Thailand and had a brief contract signing ceremony, as H3 will provide us various sports equipment in the coming season. The players were rather excited as they turned the training kit over, showing the H3 logo on the chest!
Special thanks for H3 for their support, and sure thing we will perform even better, just like Mimi with his anti-slippery socks!
#H3 #SoccerFunHongKong #DreamsFCOfficial #ThisIsOurDream #魔頂亞尖 #夢想FC
開心到成晚都訓唔著 在 Kwan Gor Youtube 的精選貼文
跌跌碰碰撞撞去到三字頭
都係入行的第十個年頭
呢個二字頭我可以話過得好好
呢個章節好精彩
好多人幫我
好多人錫我
好多人唔妥
好多人離去
好多人遇上
多謝你哋豐富左我既章節
就係唔係經常順風順水
就係會有做錯過決定同事情
就係有好蠢好天真好白痴既時候
就係有掙扎過先證明你真係活著過
每次錯完痛完傷完先會真係長大
由某一日晨早去大埔工業村排隊
去報名亞洲星光大道2唱左廿秒比人叮左
到好好彩入左巨聲2比人開始叫坤哥
然後做左個半工讀既藝人
拍劇 拍旅遊節目 上獎門人
到做棋 到拍愛回家
到真正簽到唱片公司
出歌
突然比好多人注目
到突然比好多人插
到突然去左紅館
到有8舊腹肌
然後上年生日可以係紅館過
完全無想過會發生既事
都一件件咁發生 實現
就係d 預計唔到既每一節
令到我每晚都好期待第2日訓醒會點
一直比到我力量繼續行
做人唔一定要贏哂 岩哂 威哂
先叫好
唔好比壓力自己一定要做個聖人
只要善良唔害人就可以
每個人都係自己故事既主角
好好咁寫好你自己既故仔
因為你唔會知道亦控制唔到
人地既故事會寫乜野
會將你寫成好人定壞人
好好利用呢一生僅有嘅字數
去繼續記載屬於自己的每一節
當有一日唔如意既時候
試下聽下我既歌
諗下呢d歌能夠比你聽到之前
要經歷幾多幾多先可以傳到入你耳仔
大家都努力生存緊
加油
希望我既歌可以繼續陪住大家生活
咁就夠了
#希望四十歲果時唔會覺得自己講呢堆野垃圾
#小句號

![post-title](https://i.ytimg.com/vi/MLtO0xx1QLk/hqdefault.jpg)