【突發短故】阿姨,我不想努力了
既然跳舞群組嘅事被揚咗,我都唔介意將呢段黑歷史爆出嚟⋯⋯
前幾日,其中一個豬朋狗友Johnny打畀我:「喂,Charles,今晚返唔返工?聽講今晚呢批阿太好捨得使錢㗎!如果唔係突然有個肚痛No Show,你都冇機會呀!」
自從舊公司因為疫情捱唔住執粒,手停口停,我幾個月無收入了,為咗生活我可以頂硬上!
「做呀!不過⋯呢排疫情咁嚴重,會唔會中招㗎?」我猶豫咗一陣。
「屌!富貴險中求呀,班阿太咁錫身,仲驚撚過你啦!唉算喇我叫第個!」Johnny不煩耐。
「等等!我做!畀時間同地點我!」
就係咁,我返屋企沖個涼,Gel個頭,再噴啲古龍水,就出發去「標叔舞廳」。
一入到去,已經成班阿太坐喺度笑淫淫,我一直以為只有男人叫雞先有嘅淫賤眼神,如今竟然出現喺一班平日打扮高貴嘅阿太身上。
當我經過嘅時候,其中一個仲伸咗一下脷,做咗一個虎抓手勢。
「屌⋯咪過嚟呀!」我急急腳走。
最諷刺嘅係,背景張Banner竟然寫住:如非進食,請佩戴口罩!真係笑咗!
其實又無錯嘅,佢地真係「進食中」。
喺更衣室換好跳舞戰衣,成班男人蓄勢待發,眼神十足十華爾街啲Banker一樣,等緊出去宰割班闊太,但邊個食邊個都未知⋯⋯
「喂!你係咪替班嗰個Charles呀,Johnny同你講咗你今晚要扮韓仔㗎可?」
「吓⋯⋯冇喎!」
「你自己執生!gogogo!」
韓仔!?是鳩旦啦,呢班阿嬸如狼似虎,金正恩都照食啦!
我一行出舞池,已經幾十對手捉住我,大家唔好以為闊太係嗰啲明星級凍齡美魔女⋯⋯全場都係屯門大媽級數。
其中一個「重量級」,目測60多歲嘅大媽捉住咗我,示意我行埋一邊,我見全場都有伴,係得番佢一個,照上啦!
大媽:「你叫咩名?好靚仔,啲肌肉好正!」
我差啲唔記得要扮韓仔,好彩我都識一兩句韓文:「亞里丫些YO!Me Oppa!HAHA!」
大媽金睛火眼,奶一奶自己個上唇:「嘩!原來係Oppa!今晚食硬你!My Name, Mimi, call me Mimi. Dance OK?You understand?
呢個富婆識啲英文,見識廣博,睇黎都有啲錢。
「OK! Mimi!Dance! 」我心諗:「屌!使乜真係識跳,妳估妳自己好勁咩!咪又係亂un!」
大媽MiMi全程一邊un, 一邊起勢摸我,我好努力咁同自己講:「頂住呀!捱過今晚就上岸!依家畀佢渣我粒波子,聽日我就有錢渣波子喇!」
我用韓文講咗句:「阿姨,我不想努力了!」
佢全程笑笑口,好快佢就帶走咗我,去咗附近一間時鐘酒店。
「吓⋯⋯屌你咁有錢都去呢啲Cheap時鐘!?」我表面上依然笑住。
或者佢要低調啲呢⋯⋯?一定係咁!驚比人認到!
我想熄燈合埋眼,全程幻想佢係是但一個女神算,點知佢要我望住佢,佢驚睇我唔清,戴番副老花眼鏡⋯⋯
「你啲肌肉真係好正⋯⋯」
「啪啪啪啪啪啪!」
大家唔好誤會⋯⋯我邊有咁落力,呢啲啪啪聲係由佢啲骨頭發出⋯⋯
我忍辱負重咗一晚,由床大戰到廁所,再由廁所上番床⋯⋯我真係估唔到阿嬸都可以咁好魄力⋯⋯
聽日我就可以買名錶,買名車,分分鐘仲可以買樓!
我要揸波子!我要買Rolex! 我一路「郁」一路同自己講。
終於...出了...我指捱到日出了......當我張開眼,竟然見到MiMi想偷走!
阿婆走得快!一定有古怪!我即刻上前攬住佢:「Baby, Dont Go…Money???」
點知佢一野推開我:「Mon你老味!屎韓仔!」
我忍唔住爆響口:「仆你個街!想趙完鬆?有錢人都咁無品?」
佢:「你都係仆街啫,扮韓仔Oppa!」
我:「你點都要比番少少肉金我好啵,話晒都開心過!」
佢:「比你個頭呀,肉金?生果金我就有,你要唔要吖?大家出黎搵食,你估我真係好開心呀?我有畀你屌㗎!我犠牲色相都係想搏下中唔中武拎$5000啫!過主啦!我要趕巴士番屯門,一陣晏咗又塞車!」
望住眼前嘅佢⋯⋯我諗起尋晚⋯⋯突然間嘔晒呢十幾日食過嘅嘢出嚟⋯⋯原來佢唔係闊太,佢真係屯門大媽⋯⋯
我忍唔住大叫:「屌你老尾,就係你呢班自私嘅人,搞到全香港同你地一齊死,幾多公司吊緊命、幾多打工仔放緊無薪假,幾多老師學生家長上唔到堂煩緊,連啲真心跳舞嘅都畀你哋影衰晒,你哋真係好撚自私!」
大媽完全無視我:「你唔介意畀埋你啲口水我?如果我又中,你個啲又中,我就有成皮,買埋PS5畀個孫都得咯!」
望住大媽Unun下咁離開呢間房,我都同自己講,踏出呢間房就忘記一切,呢段黑歷史永遠都要留喺度。
What happens in 時鐘,stays in 時鐘。
我忘記到,但香港人又忘記到咩?
(完)
阿婆走得快一定有古怪下句 在 魏力投資日誌 Facebook 的最佳貼文
內銀行得快,一定有古怪,呢句話上星期五Power講嘅,今朝挾到出GDP一刻見頂,用內銀托恒指,試多次24800做雙頂,劇本大致係咁。下面支持50小時線24326。
科指7900又係雙頂,上星期尾3690已經上唔到,所以食晒,9988,700勉強頂到,但中型科技已經上唔到,睇1810,2013,241,1833,6060,弱到一個點,有貨宜撤退。近大選risk off,高估值先沽為敬,睇物管、醫療設備股就會明。坐艇想死守的話,預捱到大選後。
比較好的sector係手機設備,iPhone 12預訂好過預期(我都落咗張單🌝),圖表走勢2382好過2018,2382最牛可上試134至135,2018就不了。1415今日除淨又搶高7%,似乎仲想破頂?
星期三美股webinar已準備就緒,有興趣報名可inbox查詢。
#圖表分析
#技術分析
#炒股
#阿婆行得快一定有古怪
阿婆走得快一定有古怪下句 在 香港股評人譚朗蔚 Facebook 的最佳解答
【美股死得未】
响開始講野之前,首先多謝大家果1500個like先!今日,我想同大家update一下美股依家既狀況。自上星期四晚開始,美股納指、科技股就連日疲弱,市場無咩特別利淡既消息架,不過好多股份就要半成、半成咁跌,所以就有人話依家係「明斯基時刻」,即係「阿婆走得快,一定有古怪」咁解啦!
我同意既,美股近日確實係有明顯轉弱既跡象,尤其是個VIX恐慌指數呀,佢响上星期四就由20頭一口氣衝到上33樓上,仲創左兩個月新高添。科技股就梗係首當其衝啦!我成日話:tech股係最受市場情緒影響既,市牛佢升先,市熊佢跌先。咁到底點先可以分辨依家既美股係調整抑或係見大頂呢?
要判斷納指到底係生定係死,就要同FAANG、Microsoft同Tesla把把脈(我見多左個位咯,咪加埋Nvidia落去囉)。如果大家有關注開呢渣股份以至到指數既走勢既話,你就會知道50天線既支持其實係好關鍵。就好似3月大暴跌前咁丫,一旦確認50天線失守之後再順勢沽落去,都賺到你喊出黎。
而截至目前為止,除左納指本身之外,AMZN、NFLX、GOOGL同埋MSFT都已經穿左線,只有FB、AAPL同TSLA仲未,但你睇下幅圖,都似係今日唔穿聽日穿果隻架喇。咁你可能會問:咁係咪可以做淡納指呢?我會話:納指七雄,有四隻都穿喇,做淡既把握都過半數架,起碼都唔係亂鳩咁估丫。
至於做淡既話要睇咩位?跌穿10837(收市價計呀下)可以做淡,目標睇10294之後9771,而止蝕睇11235。但我要補多句口:就係納指技術上依然存在多頭排列,中長線既升浪未打斷,即使10天線短線會失守20天線都好,強勢都未被破壞,因此並唔係確信做淡既。做淡情願搵較弱勢既恆指好過!
😈
#美股納指 #轉弱訊號 #做淡策略
阿婆走得快一定有古怪下句 在 史檔- 【俗語大解剖】阿婆走得快一定有古怪... | Facebook 的推薦與評價
「阿婆走得快,一定有古怪」呢句話係相信唔少人都識,其實呢句說話本來係無乜典故,咁箇中有乜玄機呢?响唔少人認知,阿婆即老婦人活動能力差,動作同行動 ... ... <看更多>