（六十九．下）最唔想講嘅一個
我甚至哄埋落去ex個_____嗰邊，都係無任何尿味…
嗰灘水…究竟係咩一回事…我於是連張床褥都一吓掀起，
呃…喂…
我見到...
連床褥下面嘅地毯都濕晒一大片！即係由我哋patpat一路濕咗成張床褥，再滲到落地下地毯！
點可能…
咦…唔係喎，嗰下我開始意識到唔係咁吖。
嗰啲水，就好似係由地下濕上嚟濕透晒張床褥再印落我哋個pat pat到，再接觸喺我地皮膚之上。
呃…
咁樣，好似嚟得仲貼切。
我唔敢繼續諗落去，嗰晚，我放棄做金田一深入調查實質答案，即刻盡量訓返算數。第朝早無事無幹床褥乾乾淨淨好似乜都無發生，就無再理會呢件事。
跟住其中一個 band 友打畀我，琴日佢都有喺band 房打邊爐但就無同我地出去BBQ，佢講咗樣嘢，話尋日我地一班友返黎行入band房嗰陣，佢望過黎門口，為意到：「你條女做乜嘢高咗？」
因為當時我ex入去先，我跟後面，佢話…
我ex個身形高過我，遮住咗我。當時，我呢位朋友係完全唔知我地bbq賴完嘢嘅。
然後佢話，當呀ex敘述返 bbq 空地嗰個「細路仔」望住佢玩嗰陣，佢清楚見到有一個好長嘅黑色人影埃咗喺band房門口個雪櫃度…
然後一路滲入咗d隔音綿裡面…
換言之…唔係我個ex高咗長腿咗…而係，我ex後面有一個好高嘅黑影，遮住咗我前面。
亦即正正企喺佢後面。
嘩，聽完驚一驚，但touch wood好彩之後都無發生乜事，就照舊晌荔枝角工廈繼續打band生活。
以為完。
直到…
好耐之後，大家都無再住工廈，有一晚同阿細偉兩條佬出去飲嘢吹水話當年，無所不談。講起返以前出show啲趣事，講起去BBQ，甚至講講下講返同前女友濕床褥呢件古怪事 （呃…係…遺憾地，我同Kay最終都未能開花結果，佢而家好好，結咗婚，想過搶新娘，我，）
呢part 逗號嘢，唔講喇，您真係想聽嘅話，幫我叫出版社搞本：「細細個錯失嘅逗號愛情無語」先至再同大家感性分享ex呢味嘢。
言歸正傳先，當時同阿偉把酒談天，憶述返床褥單嘢之後，阿偉無出聲靜咗一陣，面都青青地。然後，佢跟住同我講咗樣嘢，我真係淆，真係好淆。
佢同我講，嗰一晚，身在六樓另一個band房單位嘅佢，同我一樣，訓訓下，發現自己張床濕曬，佢即時都自我檢查咗一翻，都係一樣，pat pat 位外面濕晒而裡面無事。佢仲話當時驚畀訓佢隔離啲band友發現，實笑佢，實以為佢咁大個人瀨尿，即時拎啲床單攝落去索住去，立即扮無事閤眼訓覺。
呢件「醜怪」事佢一直都無同任何人講過，亦無特別放晌心到，直到我啱啱講起…
先知道到呢件事竟然…
不媒而合咁一齊發生過…
呃…我同阿偉互望住對方，都真係講唔到咩落去，各自諗返起呢件事嘅細節，都覺得好離奇好心寒。
呢單嘢實質上我無見到啲咩，但係一講返起，每次都令我背脊發寒，個心營住營住咁。
千真，萬確。
我同阿偉都幾肯定…
嗰晚，有啲嘢跟咗我哋返去。
...極危險。
PS. 真係唔明點解佢地鍾意用水嘅形態出現，如果你都試過無程程有灘水出現喺附近，小心。
另外，麻煩一下大家，想藉呢個post 畀d心心呀前度，想寄語講返一句：祝妳·愉快。
雖然，佢未必會睇到...
IG : donotsayhello
＃妳比從前快樂 #真人真事 #離奇 #鬼故 #鬼 #靈異 #不可思議 #離奇家遮 #恐怖 #香港 #口耳相傳 #文字 #燒烤場 #水
隔音毯 香港 在 Hk隔音店 的推薦與評價
平面隔音棉(多色). 有3cm/5cm 厚度選擇. 厚度越高，吸收的波段會更多，隔音效果更顯著. 3cm厚最平都係$19一張 . 5cm厚最平都係$21一張 . 買夠10張起仲免運費(香港 ... ... <看更多>