[ESL vs ESG] 讓你知道天地不容~~一刻不放鬆~~來讓你再去贈我 ~~~這可怕的陣痛(*)
經濟原文:【歐洲超級聯賽】歐超聯融資行摩根大通被降ESG評級 因做法不符合股東利益(https://bityl.co/6Usq)
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
TLDR:JP Morgan因為出資支持歐超聯,由ESG合規變成不合規。咁都得?!
1. 今個星期花生極多,有幾十單都未得閒寫。但呢單亦真係挑戰我三觀,完全係奇聞。比起歐超聯出世然後兩日夭折更神奇。
2. ESG investing,雖然近年先多人講,但同好多而家巧立名目嘅嘢一樣,古已有之啦。即係點?即係冇良心嘅企業,咪唔好投資落去
3. 之但係,法律就還法律,斷估唔合法嘅冇得上市啩?(**)。但良心,喂,一人一義十人十義喎。好多網友覺得華爾街嗰啲全部仆街冚家鏟,成個股市都係昆人嘅,係咪全部Black List 晒?
4. 咁當然你自己可以唔買啦,但,基金又如何?亦有基金在方針講明,例如我唔買黃賭毒股票(黃業其實好難上市,毒嘅,大麻股咯。但賭股好多)。唔買煙酒亦得。亦都有啲唔買軍工股。
5. 同樣地,近年咩石油公司嗰啲,都係眾矢之的,基金又唔買,銀行都唔借錢畀佢地,因為借咗就自己都同謀,有份搞到冚球鏟,自己啲股票都畀人黑名單。或者咩緬甸軍頭呀,非洲血鑽呀,呢排啲生薑棉花呀咁。
6. 之但係,客固然唔會自己逐隻睇,基金都未必會,就當然要有啲第三方機構去評。咁就又係嗰句,十人十義了。你覺得飲酒天地不容,我覺得飲百事先落地獄喎,just saying
7. 但,今次呢個,真係going too far.首先我係反對歐超聯的,原因講過,你可以唔同意,但重點不在此。
8. 當然我唔會誓死悍衞歐超聯支持者嘅自由(CLS,好多條命?)。而JP Morgan 即使唔係推手,都肯定擔當咗好重要嘅角色,洋基鄉里圍威喂嘛(順帶一提,我見好多球迷講球會話一入呢個歐超聯就分幾錢幾錢,好過歐洲足協好多。呀老細,係人地JP Morgan借畀你的,要還的,仲要同你計息,可見球迷真係幾咁易昆)
9. 但,而家話成立歐超聯,背棄歐盟 OCED 同聯合國道德標準?搞乜?首先我唔知幾時呢堆變咗道德組織,但即係,我借錢畀人搞波出糧裝修球場咋喎,唔係借公畀人買軍火種族滅絶下話?
10. 你可以話滑坡謬誤,但此例一開,真係萬能Key 任你玩。Let’s say下次有間銀行借錢畀歐洲足協,係咪即時又變non-compliant?雖然我反對歐超聯,但足協腐敗人人皆知。
11. 講到尾,金錢利益一回事,大球會貪得無厭要鬧又另一回事,球迷唔高興又另一回事,但你借錢畀佢又係再另一回事下話?
12. 固然你睇官方講法,話「不符合股東利益」,但得罪講句,你呢啲ESG機構邊位?CFA都未必有個。你畀JP Morgan老細更知咩係「符合股東利益」?股東出咗聲啦咩?況且,借幾十個億出去咋喎,佔本loan book有冇一千份一?
13. 呢啲咁嘅嘢,ESG都要理嘅,就真係有排唔得閒。第時借錢畀拜仁嘅銀行又話打壓小球會唔道德。借錢畀地產商又搞到香港人住納米樓不道德。
14. 所以ESG呢啲咁嘅嘢,講梗係個個贊成好聽,去到實行你見真係相當荒唐。當然啦,呢間Standard Ethics唔知有幾有影響力,其實你可以當佢發神經的。
(*)呢排幾好唱口,仲揀埋啲幾廿年前我考會考時聽嘅歌。可能又畀啲小朋友批評話廢老脫節聽埋啲咁舊嘅歌(實情我貼啲再舊嘅都仲得)。不過,扯,你見鬼媒啲newsletter,John Authers 嗰啲,啲文貼法蘭仙納杜拉添呀,仆街,成百年前呀,清朝人嚟的(其實爭幾年),果然香港人寧舍巴撚閉。
(**)都唔好咁老定,合唔合法呢啲,睇jurisdiction啫,大麻已經係好好例子。又或者你諗下日本啲彈珠機公司,在香港上市,「做乜唔在日本上?」「貪你香港有common law?」。我記得管理層好技巧地講,佢地啲生意,not illegal—呢啲就日本語言藝術啦。事實熟悉日本文化嘅(我唔係講我)都知,日本就係好多呢啲咁嘅掩耳盜鈴嘅混吉嘢,彈珠機中獎當然不能換返錢,唔畀賭錢嘛,但可以換獎品,然後又咁啱隔離會有啲人幫你收獎品換做錢。咁啱啫,同公司無關,如是我聞。仲有,你睇愛情動作片嗰啲泡泡浴,日本禁止賣淫嘛,但現實上全部可以「本番」(你懂的)。點解?日本法律冇禁止男女一齊沖涼喎,又冇禁止你畀錢人幫你沖涼,然後你地情到濃時唔小心跣咗啲嘢入去,就唔係店方控制到啦,。呢啲就係關東嘅玩法。關西又另一種玩法,友台 新田飛地 話你知,料理組合,你食食下和菓子變咗食草苺牛奶,呢啲自由戀愛嘅嘢,開明嘅日本國政府係唔禁止的。不過唔知啲和菓子做乜咁貴,應該好好味。(又,日本嘅嘢,真係乜都要分關東風關西風,不過聽聞呢個唔關關東關西事,只係大阪係咁奇怪,同啲黑官商勢力有啲關係喎,如是我聞)
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
非洲小朋友地獄梗 在 君子馬蘭頭 - Ivan Li 李聲揚 Facebook 的最佳解答
又係 獨角號 獨家文章。記得like佢地專業,支持佢地即係支持埃汾。
[問我國家哪像染病!]爛船都有好多釘。意大利好窮,但又好有錢!咩事?
1. 真的,意大利經濟,十年已經三次衰退。但個個照舊有樓住,餐餐食好西,一年去幾次日本,開靚車。發生乜事?
2. 今期最紅,梗係意大利。有名你叫,「歐洲中國」。意大利當然(曾經)係偉大嘅國家,但so was中國。呢個「歐洲中國」嘅講法亦唔係我發明,有人反對,但有人咁講自有原因:濃厚嘅歷史文化,影響人類文明,但已經不如昔日,重視家庭,仲有,黑社會,以及種種陋習。當然仲有近期嘅肺炎,意大利輸出病毒去歐洲N國,甚至輸埋去非洲,當年墨索里尼都做唔到嘅嘢,而家意大利人幫佢圓夢征服非洲了
3. 本文唔係打算抹黑意大利,埃汾去過差不多100個國家,意大利係其中一個最鍾意嘅。但除咗靚人靚景美食古蹟外,好多嘢,你都感覺到,係好流的。由地鐵,火車,到4G,都係。當然,其實我最鍾意嘅地方,多數都係相當流嘅。緬甸,越南,意大利,台灣,in descending order of 流liness
4. 想講嘅係,意大利經濟積弱多年,人人皆知。未入歐元區時仲可以玩下貶值,入咗歐元區冇呢支歌仔唱。但又有失有得,以前意大利經常爆貨幣危機債務危機,入咗歐元區後,樹大好遮蔭。雖然,意大利,近10年已經3次衰退!所以佢地根本唔覺得衰退咩係一回事!慣了就好!
5. 媽的,意大利10年國債你知唔知幾多厘息 ?1厘唔夠!仲低過美國!借錢畀意大利佬先得1厘息,咩世界?(按:寫文時美債仲有一厘半架陰功)
6. 但你又咪理,雖然意大利係當年(原來咁就十年)歐豬五國之一。但,就唯獨係意大利唔使向外求援!唔使行緊縮喪權辱國—其他四豬全部都要。希臘不用講,就連西班牙都要!甚至連Celtic Tiger愛爾蘭都要!(當然愛爾蘭同另外四豬係有啲唔同的)。就係意大利冇事!
7. 意大利畀我嘅感覺,就係同佢隊國家足球隊差不多,特別係2006年嗰隊。你咪理,你以為爛船,都仲有大把貨賣!事實而家亦都係。特別你考慮到,意大利經濟體系細過法國德國英國,人口又少過佢地,意甲亦係四大聯賽最窮。
8. 真的,2011年歐債危機,人人以為意大利實死,IMF都勸意大利求助,但萬惡嘅貝魯斯科尼話你班友都低能,意大利人不知幾富貴。 問我國家哪像染病!
9. 佢甚至在記者會上講(http://bit.ly/3cyt7oO),Italia in crisi? I ristoranti sono pieni。意大利有危機?餐廳坐滿人喎大佬!佢仲有講,好難買機票,渡假勝地訂滿晒,危乜鬼機?
10. 事實上,市場係唔多信佢嘅,債息當年繼續升,冇耐貝魯斯科尼都落台。但惡棍還惡棍,貝魯斯科尼的確觀察入微,明察秋毫。唔使講咁多咩GDP咩gross capital formation。個個有屋住,高級餐廳訂滿晒,邊忽似危機?
11. 去到今日都好,意大利係一個好矛盾嘅國家。好流,但又好有錢。好似好窮,但生活質素又好高。天氣,歷史文物,同埋美食固然吸到好多遊客。但仲有其他
12. 意大利人有幾富貴?七成人有車。六份一人有超過一架車!年年至少放假去外國一次旅行(香港人表示。。。。。。),去做gym,請補習,乜都有。智能手機擁有率係全球最高之一,仲有好多錢去吸毒同賭錢。爽唔爽?完全係La Dolce Vita。德國人笑意大利窮?人地笑你交稅都戇居。
13. 仲有,意大利人好多都唔使供樓!四份三嘅樓都係屋主自租嘅。仲要唔生仔,唔使同啲小朋友一齊分。
14. 另文有講(https://bloom.bg/2TkgSEw),而家意大利人唔生仔,人口越嚟越少,再唔係以前嗰種big family.但有辣有唔辣,長遠對經濟梗係唔好,但呢一刻嘅,就唔使供書教學,自己好多錢洗!生都只係生一個,所有資源放晒佢度。
15. 彭博原文作者有講,Italy is morphing into an entirely new kind of developed society, one that has stopped producing new wealth but lives off the accumulated prosperity of previous generations。係冇產出架啦,但食老本都夠食幾世!因為二戰後經濟好,食退休金都有排食。
16. 老本有幾勁?意大利人嘅財產,係收入嘅六倍,在歐洲算係前列,高過晒德國英國。亦都所以大把人唔返工,食老母或者食阿麻嘅養老金。反正返工都冇乜上流希望,統計顯示,意大利讀大學嘅優勢(相比於冇讀),係其他發達國家嘅一半。最好唔讀書唔返工日日返屋企睇波。
17. 另一黑暗面就係,意大利有龐大嘅地下經濟。唔係講黃賭毒(固然有),而係,黑工。意大利極之多散工,黑工,全部做低技術嘢。反正啲本土意撚唔會想去洗廁所做鐘點做保安做打雜(同埋,做雞),就全部由啲冇福利嘅移民做晒佢。所以意大利人可以請人照顧老人家。
18. 當然啦,老本有食完嘅一日,但,我死後話知佢洪水滔天啦。Let's Carpe some fucking diem
19. 其實另外一個例子,有少少似,就係日本。講日本好多人都講迷失十年,迷失廿年,甚至迷失三十年。三十年前你去日本覺得啲嘢好貴,而家覺得好平。唔係平佢咗,係因為佢咁多年唔加價。
20. 但,你睇日本人,生活係咪好困苦?過去十幾廿年係咪地獄?又好似唔係喎。有人話,所謂「日本迷失十年/廿年/三十年」,實在係一個好大嘅騙局。有機會寫下。
21. 當然日本同意大利情況唔同,日本都仲有好多幾有競爭力嘅企業。但,同意大利一樣嘅係,你見有錢嘅都係老嘢。我目測啲貴價餐廳,一係香港人,一係大陸人,一係日本老嘢(同埋年青嘅女),極少有後生仔。
非洲小朋友地獄梗 在 倫敦人妻先生手記 Facebook 的精選貼文
[婊揚好人好事]是咁的,尋日見到隻新聞稿,明愛社區中心同香港喇沙會搞左個「好。鞋子」回收計劃,目標係收集3000對鞋,運去非洲喀麥隆偏遠山區,「改善居於貧瘠地區居民的生活」。
陣膠味濃到一個點。
首先,好多人都已經講解過點解唔好直接捐日用品去非洲,因為你會直接破壞當地市場的平衡。非洲唔係冇地方賣鞋,非洲有自己的工廠可以造鞋,如果你有睇戰狼二,你仲會發現非洲受著我天朝的庇佑,連鬼佬都唔敢蝦非洲。但當你將3000對鞋運去非洲後,原來要買鞋的人,就不用再買了,原料供應商、工廠、物流、零售等各方面的人,將會同時面臨你的衝擊。正如你喺深水埗賣緊平價電腦,突然美國蘋果大發慈悲,在深水埗免費派二手蘋果電腦,你覺得你這小店能生存下去嗎?
讀到這裡,你可能會話「咁佢地抵死啦,賣咁貴又質量唔好!」係,無錯,對比起大家捐出來免費的鞋,他們初起步的工業根本連強國十分之一的質量也沒有。但這是所有工業起步時,必須要經歷的痛楚,就好似打機咁,一開始梗係lv1架,之後慢慢升級裝備,學新技術才能成長。但你在新手村放個lv99的boss出黎,叫佢點打又點成長?總有膠人會話非洲的朋友唔等得咁耐,無錯,正正係唔等得咁耐,先要幫他們扶起工作和經濟,你有冇信心或打算去捐一世的鞋先?你冇。你諗下人地建一間工廠要幾多錢投資,你條粉皮走去捐足三年,咁邊個捱到三年?之後人地執左笠,你又唔捐,咁非洲人著草呀?我係非洲商人都唔敢再投資整鞋啦,容乜易過兩年你又扯起條根話要捐夠30萬對鞋黎?通往地獄的道路,往往是由善意鋪成的,最後非洲的朋友除了原來的人外,還有商家都會一起赤腳踏上你善良的不歸之路。
你講,你自己抵唔抵婊?好啦,你應該又會話自己捐去喀麥隆偏遠山區,那裡根本無人賣鞋,點會影響到經濟呢?
華生,恭喜你,你突破自己條盲腸啦!你有冇問過人地想要啲咩?定係你自己主觀覺得條村需要鞋你就捐鞋了?我夠話你需要一個大腦啦,唔通我又捉你呢個矯情的小賤人入醫院治療了哦?你都識講偏遠山區,白癡都知道山區最缺乏的往往不是鞋,而是藥物。喀麥隆爆完黃熱病、今年已經爆左霍亂、利什曼原蟲症、禽流感、小兒麻痺症。你有冇諗過人地好日都唔見有架大貨車山長水遠揸過黎,全村人即刻充滿期待圍住貨車等你派藥,點知一打開個箱,全場黑人問號:_你,鞋?!你冇野呀嘛?班細路小兒麻痺癱晒啦,你俾對鞋佢做乜?不如玩大佢,你下次捐棺材啦好冇?
鞋,衰極都仲可以用樹葉去製造,但藥物,冇一個巫醫可以鍊成。
其實你好心做壞事,我都唔會婊揚你,但新聞稿我睇到呢句真係眼火都爆埋:「今次的活動已超越金錢的考慮,也是希望藉此喚醒香港人的環保意識及珍惜物品的心!」
大佬,乜原來你捐鞋的目標唔係為左幫人,而係希望「喚醒香港人的環保意識及珍惜物品的心」,你有冇諗過我唔想用一個咁唔人道嘅方法去被你喚醒?同個呀媽俾5蚊個乞丐,之後當住人地面同個女講:拿,要俾心機讀書呀,如果唔係大個做乞衣就要靠人施捨架啦。你睇下佢幾慘?記得珍惜媽媽對你嘅好呀!
這是那門子的行善?環保?你計下自己由香港運到去非洲,成件事幾多碳排放?仲要叫捐贈者用袋裝好每一對鞋,你募三千對即係三千個膠袋,真係好環保呀!你地兩個機構真係離地到唔駛著鞋,唔怪之得叫大家捐啦。
真心,香港喇沙會如果真係要幫人,我介紹一個群體俾你:香港美食車中伏苦主大聯盟。你喇沙師兄曾俊華的傑作,不過你就唔好捐鞋啦,佢地日日開檔都蝕到鞋鞋聲,話晒都係你地嘅人闖嘅禍,不如執左自己啲蘇州S先,然後才去肆虐非洲?
參考資料:
衛生福利部疾病管制署
http://www.cdc.gov.tw/professional/countryinfo.aspx…
Adam Ruins Everything: 為什麼買一送一模式沒有幫助任何人
https://www.youtube.com/watch?v=xtHx4nnr1ko
東非想禁二手衣 美國施壓肯亞退讓
https://udn.com/news/story/6809/2562652
原文: https://topick.hket.com/article/1928471/舊鞋救命%20明愛發起愛心回收舊鞋大行動
#出師婊
#婊揚好人好事
#有心為善雖善不賞
#無心為惡雖惡不罰
#我唔介意大家沽名釣譽
#但唔好傷害到人
#非洲真係死緊人呀
#仲好意思籌六萬運輸費
#你係喇沙家長真係唔好捐
#應該趁這機會教小朋友不是所有做好事的都是好人
#社會真的很黑暗哦