【那些上海沒有的事物】
呢期都載幾多遊客，通常見啱傾都會叫我介紹吓香港有咩特色嘢食、玩，因應返旅客原居地，都會有唔同嘅推介。例如話首爾嚟嘅人少見到海，叫佢地去吓西貢、鯉魚門，大阪人就叫佢哋去大嶼山搭吓纜車行吓山，倫敦嚟嘅就無介紹，叫佢哋回國反映吓香港人有幾慘就算。面對各色人種，喺言語不通中竭力溝通，既係樂趣，亦係免找續嘅王道。
可惜，載最多都係大陸人。
喺上海街上一對大陸人，一家三口，要我搵望到海嘅酒店，不斷強調「錢不是問題」，成身煙味，對多刻都唔開胃，否則一定大力推薦機場酒店。反正聽行家話海港城有景，咁就順路去就算。
「你們香港有什麼特色的？不用推介迪士尼，我們上海也有。」原來係來自上海嘅柒頭，老實講，雖然我好憎大陸人，但係有禮貌嘅大陸乘客好多，大家以禮相待亦都幾好傾。（例如今日載兩個由機場去UST嘅索女研究生，成都人，可愛過熊貓🐼）面對咁自大嘅問題，我更加唔想理，求其答話海港城有包包賣就算。
「又是名牌？我們已經很多了，而且你們香港的款式也不多。我們上海⋯⋯」我再無理佢打上海嘅飛機，專心過埋枝燈先講，可惜黃燈已着，車太多過唔到。「你們還有什麼特別的東西，是我們上海沒有的？你們搭車也沒有支付寶，我真想知道，你說來聽聽。」
「支付寶？要來被監控消費嗎？你們有whatsapp嗎？你知道什麼是facebook嗎？難得來到香港，先開通一個帳號試試，那時你就會發現香港有什麼不同。」
總算打窒佢道氣，可惜時間唔夠，無同佢講香港書店仲有好多書，係上海肯定沒有的，包括《我的你的紅的》。
⋯⋯⋯⋯⋯⋯⋯⋯⋯⋯⋯⋯⋯
早兩日發生時明明理直氣壯，執筆之時卻有點心虛，網絡自由、出版自由這些香港引以為傲的優勢，還可以維持多久？也許明年今日，沒有特色會變成香港唯一特色，也許！
#lazytaxi
#的士
#taxi
#我的你的紅的
香港有什麼特色 在 香港文化衝擊！淺談日漸式微的香港傳統本土文化特色！消失的 ... 的推薦與評價
冷老爹與火星女#冷說#眼睛看世界 香港 文化衝擊！淺談日漸式微的 香港 傳統本土文化 特色 ！消失的承傳，你有又有什麼看法？ Hong Kong Culture【冷老 ... ... <看更多>