【粗口就係本地文化之一】
自己嘅語言文化接受唔到，大陸潮語同難聽過粗口嘅就包容晒
早兩日講開未來嘅香港人，真係估唔到咁大回響。講到本地語言文化，真係想講下關於粗口（心裡面有時都想講粗口）。
原Post傳送門：http://bit.ly/2sduuGi (廿年後香港重有無香港人)
粗口厘樣嘢，每一段時間總會响香港社會上搞到沸沸揚揚。之但係香港人嘅粗口，其實就係其中一樣最能夠代表香港語言文化特色嘅原素。與其研究日日變嘅所謂潮語同包容難聽過粗口嘅言論，點解唔首先尊重下歷久不衰嘅本地助語詞呢？我並唔係鼓吹語言庸俗化，而係覺得粗口只係日常嘅口語詞彙之一。點解個社會總係選擇性咁覺得係洪水猛獸一樣，而唔去順其自然咁接受係文化一部份？
香港香港社會好奇怪，又可能係好壓抑。電影裡面嘅廣東話出現幾句日日都聽到嘅粗口，好似幫到觀眾釋放能量一樣。電視依家可以出「仆街」厘兩個字就好似開心大解放咁（用到悶用到嘔為止）。當厘啲其實係每天都接觸到嘅嘢，點解要好刻意（係極刻意嗰種）咁避開。用簡單嘅例子，英國Jamie Oliver同Gordon Ramsay，點解全世界唔會認為Gordon Ramsay係低級啲嘅？
老實講使用廣東話裡面嘅粗口，係一門極高深嘅本地語言藝術。係响不同嘅語氣同聲調（或對象）之下，同樣幾個字已經係攻擊性或者親切問候嘅極端分別。一個字可以係純粹加重意思全無侵犯性，又能夠變到好冒犯。厘啲我覺得就係本地語言文化，就算係外國人住香港幾十年或者漢學家都未必拿捏得到。
應唔應該講粗口，我覺得係睇場合同對象。可惜作為香港社會，到今天依然係分別唔到中間嘅差別，只係懂得爭道德高地。所謂潮語同難聽過粗口嘅言論就包容到，點解存在响我地生活中百幾年嘅咁難接受？
#一字多用
#英文唔得
#國語唔得
#學都唔識
#本地特有
香港語言文化特色 在 【粗口就係本地文化之一】... - Facebook 的推薦與評價
之但係香港人嘅粗口，其實就係其中一樣最能夠代表香港語言文化特色嘅原素。與其研究日日變嘅所謂潮語同包容難聽過粗口嘅言論，點解唔首先尊重下歷久不衰嘅本地助語詞呢 ... ... <看更多>