歌曲打破隔膜
文:薯伯伯
坦桑尼亞的主要景點有很多,例如桑給巴爾的石頭城和陽光海灘,又或是獵遊看原始生態,但是對我而言,這裡最大的吸引力,就是非洲最高峰乞力馬扎羅。
在西藏多年,總是有人問我,會否去攀爬珠穆朗瑪峰。我完全沒有這樣的計劃,一來自身根本就缺乏攀山的經驗,二來對攀山也不算太感興趣,三來費用也實在昂貴,好像是數十萬港幣。
但我卻非常熱愛徒步,走過林芝的墨脫、德欽的雨崩、尼泊爾的安娜盆娜等地,還有西藏阿里的神山岡仁波齊,在神山的卓瑪拉山口,海拔有 5630 公尺,看著日光映射在經幡之上的景像,如果說因此而脫胎換骨,似乎有點誇張,但總覺人生就不太一樣。徒步是體會,也是領悟。
非洲最高的乞力馬扎羅,本身高度其實未及亞洲的高山,但卻是在不用攀岩的情況下,徒步便能到達的最高點,有 5895 公尺。這種高度的比拼,說穿了也沒有多大的意義,就像岡仁波齊本身不是世界最高峰,但對不少藏人來說,其在心靈中的高度,卻又遠超其他一切。不過有機會來到坦桑尼亞,在時間、金錢、體力以及證件的條件許可下,當然還是想走一趟。
這次在非洲的行程當中,一共去了四個國家,分別是埃塞俄比亞、索馬里蘭、吉布堤及坦桑尼亞,就只有坦桑尼亞是對香港人完全免簽證,連落地或電子簽證費也不用,確實有點驚喜。遇到一些持中國內地護照的旅客,知道香港特區護照免簽證,發出艷羨的神色。
但是,在西藏的朋友,羨慕的卻不是免簽,而是有護照。
* * *
徒步乞力馬扎羅的時候共有兩名導遊,主導遊名叫安德魯(Andrew),副導遊名叫馬克(Mark),兩人性格各異,但都很真心兼有點成年人的童真。我旅行時雖然很喜歡探索,但每次到達機場,出閘時看到一大堆司機兜搭兼胡亂開價的場景,還是會有點煩人或甚至心怯。所以當我從吉布堤飛到坦桑尼亞的乞力馬扎羅,走出接機大堂,看到安德魯跟我打招呼,像是遇到老朋友,茫茫人海中找到熟悉的臉孔,份外親切。
五天徒步行程後,我回到莫西鎮,住進酒店,剛好有一名服務員走下來,副導遊馬克忽然跟我說:「你跟那名服務員說 Nakupenda!」就是「我愛你」的意思。我一聽到這個詞的發音,立即叫了一聲:Nakupenda nakupenda wewe!
這不就是 Beyond 的《Amani》嗎?雖然知道當年他們是去了非洲才寫出這首經典歌曲,卻是這刻才意識到,歌詞中的那段非洲文字,正是斯瓦希里語,也是坦桑尼亞的國語。
Amani, nakupenda, nakupenda, wewe. Tunakutaka wewe.
在廣為流傳的版本裡,寫作 tuna taka wewe,但母語為斯瓦希里語的安德魯說,tuna take 是錯的,應是 tunakutaka。這句話的意思,就是:「和平,我愛我愛你。我需要你。」
翻查資料,當年 Beyond 到訪的不是坦桑尼亞,而是同樣說斯瓦希里語的肯亞,但憑著這首歌,香港人跟東非洲一班說斯瓦希里語的人群,又有著一份出乎意料之外的親切感。
我跟安德魯說:「你知道嗎?香港人都知道這句話,可以唱出 nakupenda 啊!」然後我跟安德魯就一起反複地唱著這句話,也跟他說起家駒的故事。
有些歌曲經典如新,一直流傳。有些人早已離去,但人走了,茶卻始終未涼。
* * *
語言永遠是打破隔膜的最好方法。斯瓦希里語的發音算是簡單,除了一些複合的元音,其餘都較易掌握。複合的元音,例如 mlima,對懂得粵語的人來說,這個發音毫無難度,讀作「唔 lima」,把「唔」(標音為 m4)縮短一點就可,就像自以為懶係好得意的港人說「唔該晒」時故意唸作「m 該晒」一樣。
Mlima 是山,lima 則是植物,搞錯的話,意思相差很遠。我雖然沒有認真去學斯瓦希里語,但當地朋友看到我輕易掌握一些複合元音時,都說:「很多外國人來了幾個月,都發不出這些發音呢。」懂得粵語,不單學習越南語或日語有優勢,連學非洲的斯瓦希里語,也有好處。如果把本身擁有的粵語優勢去掉,失去的,又豈只是粵語的底蘊。
這次步行上去乞力馬扎羅,除了 jambo(你好)、asante sana(非常多謝)、karibu sana(很歡迎)等用詞,途中學到稍微長一點的斯瓦希里語句還包括:
Umefika Uhuru? (你登上了自由峰嗎?(注:自由峰是乞力馬扎羅最高的山峰,海拔為 5895 公尺。)
Ndiyo, nimefika! (是的,我登上了。)
Hongera! (恭喜!)
再問下去,就說不下去了,還是回復到英語的對話。在坦桑尼亞,出奇地就算是街上途人,又或是徒步行程中的背伕、侍應等,都能說非常流俐的英語,本來我準備了一些斯瓦希里語的教材,最後仍然跟同團的員工說英語便算。
* * *
除了學一兩句簡單的斯瓦希里語外,還有另一個破冰的方法,就是學習一首歌曲。如果你走的是乞力馬扎羅,最易學習的,肯定就是《乞力馬扎羅之歌》(Kilimanjaro Song)。
沿路上所有人,不論是導遊或背伕也能唱誦,歌詞重重複複,旋律極易上口,就是所謂的洗腦神曲。而最有趣的是,我在這次五天的徒步行程中,沒有見過任何外國人懂唱全首歌。導遊及沿路其他團隊的坦桑尼亞工作人員聽到我唱這首歌,都問我是否學了斯瓦希里語數個月。實情是,我只是徒步時,邊走邊記下了這首歌曲,但每次有人跟我打招呼,我就回應唱這首歌,一邊走,一邊唱,就像遠足時唱兒歌一樣愉快。
安德魯後來說:「其實很少外國人會學習我們的語言,我看到你認真去學,很開心,也很感動的!」
這首歌的歌詞是:
Kilimanjaro x 4, mlima mrefu sana.
Na Mawenzi x 4, mlima mrefu sana.
Ewe nyoka x 4, mbona waninzunguka.
Wanizunguka x 4, wataka kunila nyama
Kunila nyama x 4, mbona waninzunguka.
意思是:
乞力馬扎羅,高山;
鋸齒峰,高山;
像蛇,纏著我;
纏著我,想吃肉;
想吃肉,纏著我。
歌詞就是如此簡單,頭兩句後半部是重複,第三至五句也是句首句尾重複,非常好記。後來我回到城裡,走到莫西市的街頭上,有其他導遊來兜搭生意,問我要否跟他們去行乞力馬扎羅,我回頭唱起這首歌,他們就知道我早就完成徒步了。
雖然對方拿不到我的生意,但拒絕時的氣氛卻是非常歡快。我們相互不識,卻一起唱著《乞力馬扎羅之歌》。他們因為一個外國人唱起斯瓦希里語的歌而快樂了,我也因為他們教曉我唱一首歌而快樂了。
臨別時我們用著坦桑尼亞的方式握手,正手握手之後,夾著姆指握拳,再正手握手,嘻哈大笑,有時還要右肩碰左肩,左肩碰右肩地相擁道別。也許在他們眼中,我不是一個正常的遊客,但人在旅途,最讓我滿足又自豪的,就是能夠放開心懷,甘心做一個不正常的遊客。
———
影片:我左手邊的是安德魯,右手邊是馬克,從乞力馬扎羅回到莫西市,我們一起到了著名的聯合咖啡室聊天,期間唱起《乞力馬扎羅之歌》,引得咖啡室的員工及經理在後方哈哈大笑。攝於 2019 年 4 月 1 日。
———
* 想追看薯伯伯的非洲之旅,請設定本 Page 為「搶先看 / See First」*
Instagram 🥑🥭🍉🍌: pazu
* * *
[ #西藏十二天深度遊 ]
[ #薯伯伯帶隊 ]
[ #已經成團 ]
西藏十二天深度遊,已經成團,團員仍然招募中,名額有限,報名從速。
🏔 全方位了解西藏:行程所到的景點,包括了西藏的自然風光、人文、歷史、宗教等,還會到珠穆朗瑪峰大本營及羊卓雍措湖。
日期:2019年5月15日(星期三)至2019年5月26日(星期日)
路線:香港 → 昆明 → 西藏(拉薩 → 聖湖羊卓雍措 → 日喀則 → 珠穆朗瑪峰景區及絨布寺 → 聖湖納木措。)→ 昆明 → 香港
主題: #人文 #歷史 #宗教 #文化 #自然 #高原 #珠峰 #羊卓雍措湖 #納木措湖
👉🏽 👉🏽 👉🏽 團隊資料及報名詳情:https://www.facebook.com/2007814566118012/posts/2442468225985975
同時也有1部Youtube影片,追蹤數超過20萬的網紅許靖韻「小背心」Angela Hui,也在其Youtube影片中提到,今晚有Joyce同我地唱飲歌,好爽呀 ? #許靖韻 #AngelaHui #天后金曲 #鄭欣宜 #JoyceCheng #小背心 #今晚唱飲歌 #AngeLadys #王菲 #容祖兒 #楊千嬅 #鄭秀文 Lyrics 歌詞 《 #紅豆 王菲》 還沒為你把紅豆 熬成纏綿的傷口 然後一起分享 會...
高山慕情歌詞 在 a仔.音樂.旅遊 Facebook 的最佳貼文
陳詠謙都有打手。。。。。。
本身對呢個人冇咩唔好既感覺,只係嫌少少哂左陳奕迅啲歌既曲,不過再多睇其他人既comment, 愈睇愈有問題,呀,係咪應該寫篇blog講下佢好?
路見不平,自命正義,終於都要挪用寶貴時間,去點評陳詠謙嘅大作,嘗試為民請命。其實點評歌詞實在非我所長,音律押韻我亦只有皮毛了解,但係畢竟自細聽香港流行曲聽大,有感仗義執言先至無負香港流行曲於我人生嘅啟蒙,唯有挺身而出,盡力而為。先旨聲明,寫歌詞唔同寫散文小說,遣詞造句確實有彈性得多,可以不拘泥於傳統,而寫得意象曖昧,含意深隱,亦唔代表詞作有誤,因此內文要寫嘅,主要係順應網民意見,針對絕對無法原諒嘅大弊,例如立意古怪、錯用詞語、表意混亂等各種問題,某啲顯而易見嘅小病,例如〈龍舌蘭〉直頭唔啱音呢類大家心照不宣嘅,就唔會多講。以下我精選咗十首算係近年街知巷聞嘅垃圾作品淺評分析,希望可以拋磚引玉,畀便交流。
1. 高山低谷
第一首,必定要揀林奕匡嘅成名作,因為一黎呢首亦係陳詠謙成名之作,二黎林奕匡係一眾受害歌手之中搵陳詠謙寫得最多歌嘅一位。由於呢首都算係佢填得相對認真嘅歌,稍為認真去聽,相信大家都意會到歌詞要表達嘅訊息,就係寫二人地位不對等,情人遠在天邊,抒發可望不可即嘅感慨,類似《詩經》中嘅〈蒹葭〉。而正因為立意明確,只要聽眾細加咀嚼,就會發現有唔少用語係異於我地平常嘅語文習慣,而各種誤用,都唔足以稱上鑄造新詞,而係徹底嘅錯用,長久咁用落去絕對會影響我地嘅語文鑑賞能力。
廣為傳唱嘅副歌之中,寫到「渴望被成全」,呢點係中學生都常犯嘅錯,語文水平略高嘅人都會知問題喺邊。首先,渴望社會或他人成全,寫渴望成全已經夠清晰,亦合乎文法,根本毋須強加被字。其次,就當佢係被動句,被動句多數常用於呈現負面情況,例如「他被歌迷離棄了」。雖然漢語歐化潮流之下,被字亦會拎黎寫所有被動情況,用法分別係:一、強調被動,如「他被上司提攜了」,但較恰當嘅用法應該係「他獲得了上司提攜」;二、施事者不明,如「他被痛罵了一頓」,唔知邊個鬧咗佢;以及三、強調謂語,如「民意被政府騎劫了」,突顯民意遭不當操作。近幾年社會風氣好中意講「被自殺」、「被抑鬱」、「被捉迷藏」去嘲諷中國對待異見人士嘅卑鄙手段,亦突顯被字特質。因此,成全本來就必須取決於他人,「渴望被成全」中嘅被字份屬多餘,而參考返林夕作品,佢係傾向少用呢個被字,更加從來唔會濫用去充塞字數。
然後係「腳下路程難以削短」,亦係不當。要貫徹文意,最準確應該係用「縮短」,但係唔啱音,唔用得。削字,多用於削皮去屑、削弱削減、削職以及剝削,而路程之縮減,勉強用削,拎最近則只有削弱削減一義,但削減係指從原定數目之中減去若干數目,多數牽涉具體數量。而「天一黑天一光揮發了一句再會」亦係睇得明而寫不通。考慮到揮發一詞必定要同所揮發之物共同出現,可見句意係指呢一聲拜拜會蒸發會消失,咁睇返上文下理,到底點解突然會有呢句拜拜?同埋周而復始每日講拜拜又應該點樣理解?係咪指每日返工放工同人講拜拜都係多餘?呢句都係有待解釋。加上「只見人下墮」令人聯想到跳樓,「我繼續埋藏我愛戀」嘅愛戀應該寫作感情,以及整體故事空洞,成首歌都無法打動人心。無可否認,用山勢為喻,以陳詠謙水平計,已經係上佳之作,但係真係慘不忍暏。
2. 別來無恙
第二首,因為一句「我現時自己肯做飯」而飽受批評,加上陳詠謙本人沾沾自喜現身解話,亦係一定要寫。首先,我絕對唔反對援引口語入文,推廣粵語理所當然,但豬隊友推廣得眼高手低,就係成事不足,敗事有餘。「我現時自己肯做飯」之所以不能接受,首先係做飯唔係廣東話,做愛至係,其次係破壞意境,寫得太白。根據陳詠謙本人陳詞,佢認為一個人dry到要自己煮飯好適合主人公情況,而唔押韻都係刻意為之,因為咁樣對應返故事主角悔疚一世,凡事都看破,其實呢兩點問題都唔算大,因為個出事位係在於呢句只係表現自己獨立嘅例子,而唔係概括句。副歌開首,普遍係直抒胸臆,或者概括痛心程度,甚少會兜口兜面隊一句嘢出黎,聽眾話聽到尷尬嘅原因,應該係咁。參考返黃偉文嘅「二百年後在一起/應該不怕旁人不服氣」,或者林夕嘅「世界將我包圍/誓死都一齊」,其實都相當直白同口語化,但就一啲都唔突兀,反而引起到好多人共鳴。
值得一提自然唔少得「來年陪著子女學行/紀念當初我們的愛情」。由於主人公目前單身,我地不妨假設子女係指對方嘅子女,但既然係咁,又係邊個想借用呢啲子女去紀念主人公嘅愛情?同埋若要紀念,子女非己所出,兩者關係喺邊?呢句真係相當費解。然後自然亦要談及「王菲的孤寂/多麼孤寂」。眾所周知,王菲有首〈百年孤寂〉,但咁樣抽孤寂二字借代全首,相當突兀。加上以反復修辭強調孤寂,極有濫竽充數之嫌,借用連登網民一句,一個肥柒on9仔自己打緊xanga個場景,真係完全咁呈現咗出黎。而我覺得有一句,亦係表現得出陳詠謙其人對於成語嘅運用係只取片面之意,唔識其中內涵——「恃住雄辯滔滔/隨便的把你喝罵」。呢種情況喺中學生作文之中亦係相當普遍,因為佢地背誦成語而又缺乏廣泛閱讀,對於詞語嘅理解唔係由字句之中而得,因此就會畀老師打曬交叉。雄辯滔滔一詞褒多於貶,多數用於讚美,例如「這位律師雄辯滔滔,聽得旁聽市民心悅誠服」,又或者杜甫《飲中八仙歌》中嘅「高談雄辯驚四筵」,一般係指其人發言具說服力,以理服人。雖然世俗有言,「事實勝於雄辯」,但雄辯唔等同於狡辯詭辯,因此同情人爭執,同埋事後亦知道自己理虧,係咪應該用雄辯滔滔,亦係值得商榷。
呢首歌其實有一點特色相當鮮明,相當陳詠謙,就係每句都係個腦冇點諗就不加修飾咁講出口,而且句與句之間割裂去睇都完全無礙傳意。對歌詞冇乜要求嘅人,未必察覺到問題所在。同樣生活化嘅情節,其實楊千嬅嘅〈假如讓我說下去〉都有,「但我把/談情的氣力轉贈誰/跟你電話之中講再會/再會誰」即係冇人同我傾電話,「暴雨天/我至少想講掛念你/然後你/你最多會笑著迴避」就係顧左右而言他,甚至熄機潛水,但林夕之所以一啲打xanga嘅感覺都冇,係因為佢掌握以至駕馭得到何謂藝術——將自然同現實加以修飾加以轉化,呢一層人為工夫就叫藝術。〈別〉描述主人公分手後陷於懊悔,內容貼近生活,照計係好易畀聽眾代入,但就正因為咁,意圖代入嘅聽眾聽到一頭霧水,代入無方,可以話係高不成低不就。
3. 經過一些秋與冬+哪裡只得我共你
Dear Jane嘅簡單易明K歌之選,又係陳詠謙傑作。「兩眼一黑/然後失控」令人聯想到頭暈倒地以及精神病發,九唔搭八,而領起句嘅「一些」同「與」本來就係蛇足,事關寫歷經秋冬同揮去驚恐就已經夠曬精煉。副歌「 無謂再關心你/我沒資格慰問你/無謂再騷擾妳/我沒這塊厚面皮」其實都幾適合失戀聽眾,但量詞之選用,直接反映出陳詠謙不諳避俗,缺乏語感。所謂語感,其實就係語言使用者對其所熟悉嘅語言有冇敏銳感覺﹐能否領悟語言文字真實意思以及必然會引起嘅聯想﹐直覺必待厚積薄發,同語文根基息息相關。用塊字去形容臉皮,會令人聯想到塊狀死物,進而聯想到牛皮豬皮,就算句子本身幾有詩意,一個塊字都足以盡廢前功。語感佳者,可以善用詞語刺激聯想,但語感弱者,萬一誤用就會弄巧反拙,呢一點,所有寫作者都應當有所警覺。
另外,「得到的若期望有限期/失去的未重聚已別離/後悔如我遍地」亦係反面教材。遍地呢個詞語其實好有畫面,例如自由民主遍地開花,或者風吹草低牛羊遍地,只要一見遍地,讀者就會聯想到數量之多,發展之盛。但觀照呢句歌詞,遍地嘅理應係後悔,但寫出黎引起嘅聯想就係主人公遍地——大概係因為TVB重播《西遊記》太多,我所諗到嘅係孫悟空大顯神通,一條猴毛落地即可化成千百猴子猴孫之勢,同後悔之情極為矛盾,成個感覺極之滑稽。參考返陳奕迅一首〈黑暗中漫舞〉,其中有一句「猶如自卑水銀瀉地」,當中嘅水銀瀉地,即係水銀流到一地都係,令人聯想到玻璃落地隨之流瀉,一發不可收,非常適合用於形容主人公每每獨自揣摩情人心理之時嘅自卑爆發,同時深化主題,令人可以透過具體比喻去感受主人公單戀嘅卑微渺小。兩相對比,大家就會理解點解後悔遍地係不知所謂,而自卑瀉地則係神來之筆。
順手講埋〈哪裡只得我共你〉之中,為人詬病嘅「我們身邊太多假人/心中太多傷痕」。第一個問題,係陳詠謙點解要寫假人,因為準確而言,呢首歌想傳達嘅係對抗世俗眼光,而主要世俗現象並非虛假;第二個問題,係亂咁簡化為假人二字,又會引起不當聯想,令人諗到CPR練習用公仔,櫥窗display公仔,驅趕雀仔嘅稻草人,甚至消防處嘅任何仁。除非佢係明知到會引起不當聯想都要用,否則明顯又係語感薄弱之過。睇埋「途經幾百萬傷口」同「與外界/未隔絕我共你/能停止呼吸」,我更有理由相信,假人所指,真係CPR練習用公仔阿Anne,而「不掙扎/只緊扣」,亦一定係指緊三角巾同繃帶,成首歌係為聖約翰救傷隊暗中宣傳。
意境係一樣好抽象嘅嘢,而某年書展講座,林夕就曾經講過意境可以分為三種境界,一係山寨,二係自己創造,三係灌注生命同感情。第一種,就係運用約定俗成而又根深蒂固嘅傳統意象,亦即係中學生學習寫作必學嘅大自然景物,諸如星星月亮太陽天地花草,其中若果突然出現現代物品諸如蘋果電腦應用程式芝士拉絲抹茶爆漿,文章就會意境盡失,而陳詠謙明顯係畫虎不成反類犬嘅示範人物。第二種,自己設定,就好似林夕有期好中意用探戈咁,以跳舞相持比喻情愛拉鋸,寫得貼切就可以自成一格,睇返陳詠謙大紅作品,可以話係冇一首做到。第三種,用返林夕自己舉嘅例句,「滿街腳步突然靜了/滿天柏樹突然沒有動搖」之所以有意境,就係因為作者觸覺敏銳,以「滿天」而非「滿街」去寫柏樹,所以就描寫到樹勢之高,從而襯托出主人公獨自流連街頭何其微不足道,而其身影又係何其嘅失魂落魄,得出融情入景而後情景交融嘅效果。當一位做到寫景則情景相生,說理則情理兼備,而另一個則直接將秋與冬寫出黎,其後又再將「只知感覺失了蹤」寫出黎,文學係咪真係一句各有各觀點就可以打發紛爭,聽眾心中自有答案。
4. 百年不合
眾多歌手入面,周柏豪其實同陳詠謙係最夾,而原因係周柏豪畀人嘅觀感本來就冇乜文化,因此陳詠謙嘅詞質樸庸俗而又文句不通,反而非常配合周柏豪形象。以〈百〉為例,其實我聽咗好多次,都唔明何謂「即使今生擱淺/苦等隔世盛宴」。陳詠謙低手之處,就係唔識連用一系列有關比喻去經營意象,生硬插入詞語,但又缺乏前後呼應。見到擱淺,讀者自然會聯想到海洋,聯想到輪船,聯想到鯨豚,但〈百〉偏偏冇一樣嘢係關事。由於人係唔會擱淺,讀者必須自行領會擱淺之意,偏偏陳詠謙又冇建構到完整比喻,寫到不倫不類。參考返麥浚龍嘅〈吃鯨魚的人〉,黃偉文寫得清楚吃鯨魚者為何人,所以吃鯨魚呢個人類根本唔會做得到嘅行為亦好易理解,而「隨時能屠殺/也不必講究良心」中嘅屠殺,亦唔會偏向無關主題嘅多餘聯想例如種族屠殺,落點相對清晰。
然後我地亦可以研究「若未夠赤裸/撫摸到永遠」同「在婚紗中再見」想表達乜嘢。前句之中,赤裸應該係指主人公將自己心聲表露無遺,但對方無動於衷,然而呢點基礎,根本幫唔到讀者去理解到底係邊個撫摸邊個,同埋點解要撫摸,可謂上文不接下理。而後句之中,在婚紗中唔同在婚禮中,到底點樣至可以進入婚紗之中,又係百思不得其解。陳詠謙可能會辯稱呢啲就係創意,同埋寫到明在婚禮中再見就係死板,但達到一定文字鑑賞門檻嘅人,相信會知道咁樣寫絕對唔可行。
講返成個敘事,其實真係撲朔迷離。我至今再聽,都係諗唔明到底主人公同埋對方係情根早種,定係有緣無分。歌詞講到今世「當你想行前一寸/愛下去又發現你/站到一邊」,又講「卻是證實這段愛/沒有起點」即係對方根本唔過電,發展機率近乎零,既然如此,點解主人公會有認定大家係「分開一百年/捱到今生才遇見」?「拉扯著那根線」又到底從何而來?《紅樓夢》之中,曹雪芹一開始就以神話領起,寫賈寶玉係頑石入世,而林黛玉則係絳珠仙草,其後兩人一生糾纏係命運嘅安排,此之所以愛得轟烈,傷得淒苦,但同百年好合正正相反嘅百年不合吹到咁大,去到最尾只係講返某一世嘅小情小愛,未免流於小題大做。
5. 小問題+3am
AGA嘅〈小問題〉係好聽,但一聽就發現取材好大問題。雖然應付失戀各有各法,喜愛夜蒲放肆買醉都可以係反映現實,但主人公個性之差難逢敵手,我估唔到連詩雅都終於會遇到競爭。「穿起高踭取悅人」同「只記得我新結識那碧眼金髪的氣質」,於我而言,某程度上係物化女性,矮化女性;「只須很悉心的設計/裝飾我這身體」同「只須很瀟灑的破費/修葺我每處枯萎」,刻劃出主人公滿足於物質,只顧外在,形象實在相當廉價。最弊嘅係,首歌完全冇任何自強之寄意,反而係以「我只得這一點智慧」為放浪行為開脫,歌手形象徹底崩壞,MK到無以復加。
而用字方面,「我不要雙眼承受雨季」嘅雨季又係毫無鋪墊就彈出黎,引用返林夕嘅意境論,雨季係老嫗能解嘅傳統意象,要寫唔係唔得,但成首歌冇提過水,冇提過雨,連眼淚都冇提過,突然以雨季去寫哭泣,就係顯得突兀嘅原因。再睇「別這樣干擾我一生」,干擾係同接受訊號有關,如果對方係干擾,主人公應該由頭到尾都係對佢反感,但既然曾經癡心錯付,對方好歹都係過氣情人,要貶損對方,以打擾形容,會比干擾合適。參考返黎明嘅〈我這樣愛你〉,會見到林夕有用覆蓋去寫主人公對情人嘅愛綿密如羅網,而「何時才發現/就算天涯海角/都可能覆蓋」之中嘅覆蓋用得準確之餘,更加迎合到和記廣告行銷要求,一石二鳥,天衣無縫。
而〈3am〉其實一首好難出事嘅歌,事關英文部分都應該係跟返demo,偏偏又畀陳詠謙踢出身價。「如假開心開心開始假得很/倒不攤開這張牌」運用頂真,但又係砌詞搪塞;而「終於真的真的不再有情意」同「 終於真的真的不同行」用詞重複,但真的二字唔係歌詞要旨,因為主人公只係夜半失眠,唔係陷入幻想,分唔清夢境同現實。陳奕迅嘅〈不來也不去〉之中,有「如煙/因給你遞過火/如火/卻也沒融掉我」,林夕嘅頂真係用得其所,因為兩句確有承接。而同樣係陳奕迅嘅〈K歌之王〉之中,有「才令我因你要呼天叫地愛愛愛愛那麼多」,其中嘅愛字四連,有嗌破喉嚨之意,係愛到力竭聲嘶嘅出色詮釋,又係用得啱啱好。
6. 矛盾一生+揮揮手
JW嘅〈矛〉唱到街知巷聞,控訴對方不知上進,無意結婚,好多人都會引用「矛盾只因深愛著」自況,而我自此至終,都唔明乜叫「跌下來瘡疤」,而「怎會沒決心成家」亦有力問鼎陳詠謙十大缺乏語感排行榜三甲。成家呢個用語從來唔會喺抒情歌入面見到係有原因,事關多元成家、成家立室、立業成家中嘅成家,係新聞用嘅正經用語,一般人談婚論嫁,多數都係講返結婚就算,唔會選用咁沉重嘅字眼。正如我地唔會喺同朋友傾偈嘅時候話「有見及此,我會出席」,或者「多謝你諮詢我意見」,而係會講「你咁講,我就去喇」,或者「多謝你肯聽我意見」,又正如去餐廳嗌嘢食落order,我地會講「I would go for this one」,或者「I would like to take this one」,同自己朋友或者情人講嘢,就算幾咁相敬如賓,多數都係講「I want this one」,頂盡都係講「Can I have this one」,用字係應當有場合之分,身分之別,唔可以隨心亂講,任性亂寫。〈揮〉之中有句「成為寂寞人口/脫去戒指」,所犯同上。
而講到用韻乸西,〈矛〉副歌用死「aa」,以嗎吧為主,輔以架怕疤,亦係佢嘅代表作。雖然林夕曾經話過押韻其實並非必要,只係因為要迎合主流見識至堅持押韻,但用韻會令首歌易記易上口,亦令文本朗讀之時有節奏美,都有合理之處。押韻毋須句句押,隔句押亦得,最重要都係睇旋律頭,但無計可施就求其採用「aa」韻,呢點大概就係師承黃偉文嘅結果。黃偉文所填嘅〈囍帖街〉同〈苦瓜〉雖然都係大熱,但取材新穎,都掩飾唔到其人押韻手法之不足——用助語詞押韻,畢竟係有啲技窮。反觀我個人相當中意嘅〈東京百貨〉,陳少琪喺副歌係用「iu」為韻,填咗照秒少調潮票,詞句曉暢而不落俗套,可謂熟能生巧,自出機杼。
再呼應返AGA首〈小問題〉,其實〈矛〉嘅故事都係不知所謂。空有冤氣對白,缺乏具體劇情,hook line勉強可以漁翁撤網,但副歌完全打動唔到人,此其第一問題。第二問題,就係愛情觀片面膚淺,從未細加探討愛情,更遑論明寫愛情,暗寫人生咁樣去傳道解惑,繼續流行曲社教化之功能。林夕寫情寫理天下無雙,黃偉文偏向市井,都算寫盡失戀苦戀,入心入肺;而周博賢專寫時事,針砭時弊,周耀輝別具詩情,寫歌寫出詩嘅朦朧美,基本上係各有特色,而陳詠謙嘅風格,大概就係攞你命三千式殺人於無形,一聽到就想飛歌轉台——我斗膽封陳詠謙為寫歌界嘅葉念琛,相信冇人會有異議。
7. 姐姐+活著為求甚麼
李克勤自己都係識寫詞,點解會接受到呢首歌詞,我覺得重驚人過向曼聯送禮。「原來沒有你/但仍愛你/才後悔當天不肯留住你」雖然略嫌肉麻,但出現喺主流情歌其實真係一啲問題都冇。問題係,呢首歌所描述嘅係家傭,主人公對佢抱有嘅應該係感激之情,而唔係愛情,到底點樣至會牽掛到「朝馬尼拉的方向想起你」,視姐姐為「愛的傳奇」?唱到「忍痛/將你淡忘」,我直頭覺得李克勤情深過楊過,根本應該離婚休妻,另娶姐姐。
情節上,呢首歌都有犯駁之處。一般而言,如果僱主僱員關係良好,姐姐離職之後,雙方都會保持聯絡,好少音訊全無。而既然姐姐冇離開過香港,亦即係轉咗僱主,咁主人公又點解會炒佢魷魚?「誰料我路過砵甸乍街/竟找到你」呢種電光火石,好難講得通。我嘗試去消化故事,唯一可以諗到嘅就係主人公情不自禁,苦戀姐姐,家人發現之後執意驅逐姐姐,結果主人公只可以喺姐姐有可能出沒嘅街頭巷尾搜尋對方倩影,重溫舊夢。假如有朝一日李克勤真係轉行呢種路線,講婚姻背後辛酸,講自己同屋企姐姐打得火熱,或者大眾會受落都唔奇。
用字方面,呢首歌最差嘅係「天天飾演乖少艾」,其他都可以放過陳詠謙。話說少艾一詞,語出《孟子》一句「知好色則慕少艾」,解年輕貌美嘅女子都真係好有歷史。而現代人之所以認識少艾,相信都唔係因為讀古書,而係聽得多青春少艾呢個配搭。撇開姐姐點解會以少艾形容呢點唔講,艾本植物,少艾即以艾草正鮮比喻少女亭亭而立,可見少已經係形容緊艾,而乖少艾三字呢個組合,就即係用咗兩個形容詞去寫植物,而乖係唔會拎黎寫植物。即係我地可以話一個老人家老當益壯,如同長青樹,我地唔會話佢襟老長青樹,因為長青已經表達到健康,而且襟老都唔會係要黎形容樹。
順便講埋〈活〉。林夕珠玉在前,黃偉文都有首〈燕尾蝶〉勉強壓卷,陳詠謙挑戰社會議題,無異於引火自焚。「容顏暴露摺痕」所指嘅應該係個樣好老,皺紋暴露老態,又係要聽眾自己諗。「幾個悲哀章節日日重播/天降天災萬民地上縱火」,所指嘅應該都係天災人禍大家有責,但縱火狂徒為何人,又係語焉不詳,除咗令人諗到喜怨無常嘅舊約上帝,都真係冇乜idea。
8. 半祝福+Gonna be alight
周殷廷其人已經不知所終,但由陳詠謙操刀嘅作品,將會遺臭百年。祝福舊愛,同類歌曲多不勝數,但希望情人「快樂得更明顯」,係咪即係指對方之前都係快樂,但快樂得較為收歛?若果快樂都可以有introvert同extrovert之分,而陳詠謙又真係寫得出,其實確實會好有啟發。副歌致命,在於突然加插槍擊,「如果他真的比我好/別再時時開槍亂掃」,again,敗壞意境。Verse2主人公心態慢慢轉變,講起對方已有新歡,其實都易明,但「你已毫無疑問找到安慰睡眠」呢句又係病句。找到應該係指向人或者物件,虛嘅找到人生方向都得,但睡眠係一種狀態,進入夢鄉可以,但搵睡眠出黎係講唔通。
上承周柏豪歌曲入面大量運用赤裸,陳詠謙又再無緣無故加插情色,好地地一首最後祝福,即刻變到俗不可耐。諗到對方會同新歡有性行為係可以理解,但以「隨便白天纏綿/夜晚裸露別來送我上苦路」白描,就係自亂佈局。〈半〉嘅基調係純情,周殷廷嘅定位亦非大講鹹濕,裸露二字亂入,格調之粗劣,真係不敢恭維。
〈G〉其實都係聽得過嘅歌,風格有啲似林奕匡首〈Good Man〉,但細聽之後又聽到副歌有句「甚麼東西正在變做美好的團體」,不知所云。Verse2有句「青春出於笑容裡/開滿花」,其實都解得通,但第二句「率真出於眼神裡/一句話」嘅嗰句話從何而來,又係毫無預兆,石頭爆出黎咁。好地地一個新人,唱咗首膠歌,然後就萬劫不復,真係不無惋惜。
9. P.S. I Love You+壯舉
張敬軒係我本人極之欣賞嘅歌手,好彩佢人在英皇而非華納,未來唔似會再有同陳詠謙合作嘅可能。〈P〉其實算係不過不失,但因為林若寧同林夕寫過好歌畀張敬軒,而張敬軒自己早期作品都寫得青澀可愛,陳詠謙嘅歌就相形見絀。故事寫因戰禍而天人相隔其實好清楚,但主人公喺副歌嘅內心戲,可謂不明不白。「忘掉了生死/用愛跟這世界對比」,其實睇唔出邊個死咗抑或係一齊死,但既然係人生無常,話係不可以抱著你,會比「不需要抱著你」更加合理。然後「逾越了生死/當知這份愛從沒禁忌」又係全無鋪墊,因為首歌冇講過呢段感情係禁忌之戀,而為死去情人守節,亦唔係禁忌。「生死難忘/別忘記自己」,驟聽似係一種提醒,提醒自己要好好生活落去,但其實突然筆鋒一轉嘅呢個提醒,同「在雲中禱告/祝福你/繼續飛」係冇衝突,因為主人公由頭到尾都冇話過要殉情。
然後繼續睇Verse2﹐病句又至。「當一切/沒法逃過了劇震」,既然係逃唔過,點解又會用個了字?「誰在瓦礫中獻吻/講永別卻那麼接近」,卻前卻後轉折不清,卻字無法理解。「捉不緊的有太多/這一雙手在提示我/時辰到/人如初」,呢雙咁重要嘅手又係突然出現,極其量只可以話佢上接Verse 1之中「硝煙裡/讓我除去了面罩」嘅手,但有冇必要用雙手除,聽眾不妨存疑。快飛去結尾,「珍惜這份愛才是勝利」換成粵語,就應該係「珍惜呢份愛先係叫贏」,然而本身主人公未有誤解勝利定義,因此亦冇要糾正嘅地方,陳詠謙想用才是二字帶出乜嘢訊息,我都依然未悟到。
另外亦必須要討論〈壯〉,畢竟呢首可以話係陳詠謙眾多作品之中最言之有物嘅一首。我地都知道所有創作者喺寫自己最熟悉嘅題材往往係寫得最入肉,林夕寫苦戀寫到出神入化,黃偉文寫同志戀情別出心裁,都係因為有親身經歷,所以緣事而發,份外有感。意淫其實冇問題,樂而不淫,無傷大雅即可,而陳詠謙擅寫不顧後果嘅價值觀,就寫出咗吳雨霏嘅〈告白〉同陳奕迅嘅〈碌卡〉兩首佳作,係要欣賞。然而我地必須思考嘅係,一個填詞人只寫得好呢種缺乏深度同修養嘅歌詞,可唔可以稱為最佳填詞人。無可否認,黃霑林振強林夕等人確實係一下子將平均數扯得太高,令到後來者好難超越,但文從字順,詞有所指,應該係最低標準,如果連咁都做唔到,直接出demo派台instead of固守曲詞俱全嘅舊例,可能至係更佳出路。
10. 給兒子的信
唔少為陳詠謙平反嘅人都話呢首寫得好,以此作結,真係最好不過。一般人一定先入為主,覺得寫畀自己親生仔,點計係誠意之作,冇理由鳩寫,但陳詠謙不負眾望,又一次成功鳩寫,本色出演,繼續陳詠謙獨樹一幟嘅意思含糊,言不及義。「成年路太遠你學識怨命/所以任性/難受但我會繼續供應」,唔知佢供應啲乜,照計係愛,但真係讀者估,唔係作者寫;「若我有天跛了/你戴上我的眼睛」驟聽好有意境,其實唔知戴上父母嘅眼睛為乜——靠後生傳承自己人生經驗,唔使等老咗至做;代爸爸去環遊世界,亦冇理由用返爸爸對眼;陀住爸爸一對眼球出遊,反而顯現到少少心意,但又不切實際,背離常理,總之點講都唔通。
再睇「如果天地狠狠的將一切理想/破滅了」又係反面教材,大家千祈唔好有樣學樣。破滅,常用於理想或者幻想破滅,此中破滅非關外力,只可以係自體消亡,如果想話理想破滅係外力迫成,簡單可以用消滅用殺掉,靚啲可以用扼殺用磨蝕。雖然語言潮流時刻變動,我地唔可以一味泥古,但將某物破滅呢種寫法,如無意外,過多一百年應該都唔會獲得學界同世俗認受。用呢句病句做副歌第一句,有人話一聽就無名火起,呢種反應真係合理不過。
宏觀睇返成首歌,主人公到底抱持點樣嘅心態育兒,我亦甚為不解。佢有話「還是流我的血/你別忘掉」,提醒對方記得有自己嘅支持,亦有話「是我對不起你」同「可以恨我」,承認自己生仔出於自私,似乎有盡力善待同保護小朋友去盡力彌補之意,但再睇「我對你好/不須答謝我」,又主動提起自己嘅好,提起完又話「不須答謝我」,聽完只覺呢個爸爸暗啞底想要人知恩報恩,但又唔敢直講,扭擰造作。更加得意嘅係,呢個爸爸一直都流露無限愛意,又講到唔介意小朋友失敗,只求佢開開心心,但又忽然狠心咁話「註定某日我將拋棄你於荒野」,到底係因何而生嘅轉折?拋棄本身暗含主動之意,字面意思只可以解讀為主人公主動為之,但呢個爸爸愛心爆棚,應該係對親兒不捨不棄至係,點解會註定拋棄親兒?如果佢想講嘅係人世間自有規律,迫到父母不得不拋棄子女,咁就一定要講得清清楚楚,否則就好難呼應其後嗰句「你永遠有一種愛/從未缺少」。概而言之,呢封信真係好深奧,除非佢身體力行去抵制香港政府強制十二年義務教育,用自己一套中文去教仔,否則佢個小朋友未來都好難聽得明佢想表達啲乜。
總結
時間有限,每首只可以點評少少,但不知不覺,都寫咗六七個鐘。我試過填詞,知道填詞唔易,但自知之明,理應人皆有之。我相信大多數人都係不滿佢「我叻仔我可以肥」嘅招積,不滿蜀中無大將,而廖化竟自以為曹操。我個人偏好林夕,上文信手拈來例子大多以佢作品為主,希望大家體諒。最後衷心希望呢個寫得相當簡單嘅分析,算係勉強整理得到大家嘅見解,我知「殘忍只須一棍」同衛蘭都好恐怖,但考慮到其中問題同以上例子大體相似,在此不贅。辭多歉甚,如有補充賜正,歡迎切磋交流。
https://gnimmm.com/2018/11/25/smartfatchan/
高山慕情歌詞 在 徐譽庭 Facebook 的精選貼文
夏天,有秘密。
{夏天的秘密}
關於那陣子我身邊一些年輕女孩不被了解的心事
這些女孩剛好都來自很夏天的地方
於是我就給她們一個代號『夏天』
因為電影 {溫蒂的幸福劇本Please Stand By} 的合作促成了這首歌的完成。
電影裡的溫蒂也有著不被了解的心事
於是歌詞中我也加入了溫蒂的心情
我把歌詞傳給 黃韻玲 Kay H.
隔了幾天小玲坐在鋼琴前彈唱著她大概的想法
我喜歡極了
就是那樣的不能告訴他不能告訴他
就是要那樣的不能告訴他啊
我由衷的感謝眼前這位音樂精靈
她總是帶給我那麼動人的美好
我們都好開心好像高中生的開心
一首歌逐漸成形
我聽著小玲寄來的demo
然後把自己的聲音溶進她的編曲
隨著那些卡在喉嚨裏說不出口的秘密
薄霧般地一字一句
我腦海中隱約看見女孩們離去的背影
年輕執拗並且憂傷的眼睛
我想很多的不明白隨著時間的推移會有明白的機會
青春時的我們不也是這樣的嗎
總是羨慕著別人
總是想像著遠方
和小玲平時也相聚一起上瑜珈
但我們上一次在錄音室合作是2004年底的慢火車
我沒想到竟然這麼久了
這麼久。卻一點也沒有距離感
我依舊好喜歡她素淨的臉
好喜歡她笑甚至帶著一絲絲的靦腆
當我們說好好聽喔
她就像個高中女生笑著說好高興喔
我有時(其實是常常)覺得自己真是幸福
能夠唱到現在
能夠有這麼多美麗的相聚
總想著就濕了眼眶
夏天的秘密
詞:萬芳
曲、編曲、製作:黃韻玲
夏天的抽屜藏了一個秘密
一不小心就洩了底
不能告訴他 不能告訴他
那是心跳的秘密
夏天的眼神總是有點刻意
害怕關心盡量迴避
不要再問她 不要再問她
不被瞭解的心事
草地想像飛翔
高山想像海洋
雨林想像風霜
夏天眺望遠方
脆弱想要勇敢
傷心想要堅強
秘密想要出走
夏天決定流浪
夏天的腳步穿越繁星點點
一心一意等待天明
不要阻擋她 不要阻擋她
屬於自己的方向
#電影溫蒂的幸福劇本3月23日上映
#最新單曲夏天的秘密今天數位上架
可以在這裡聽到:
♫ KKBOX→ https://kkbox.fm/Ea2k9k
♫ iTunes / Apple Music→ https://goo.gl/tQggzR
♫ myMusic 線上音樂→ https://goo.gl/QaQMb9
♫ friDay音樂→ https://goo.gl/E9U8Gq
♫ iNDIEVOX→ https://www.indievox.com/disc/14767
♫ 蝦米音樂→ http://t.cn/REkIhno
♫ 百度音樂→ http://music.baidu.com/song/578954749
韓國的朋友可以在這裡聽到:
♫ Melon → http://www.melon.com/album/detail.htm?albumId=10146367
♫ Mnet →http://www.mnet.com/album/2829285
♫ Bugs →https://music.bugs.co.kr/album/20152581
♫ Genie →http://www.genie.co.kr/detail/albumInfo?axnm=81041759
♫Soribada →http://www.soribada.com/music/album/CD0000945
高山慕情歌詞 在 許靖韻「小背心」Angela Hui Youtube 的最佳貼文
今晚有Joyce同我地唱飲歌,好爽呀 ?
#許靖韻 #AngelaHui #天后金曲 #鄭欣宜 #JoyceCheng #小背心 #今晚唱飲歌 #AngeLadys #王菲 #容祖兒 #楊千嬅 #鄭秀文
Lyrics 歌詞
《 #紅豆 王菲》
還沒為你把紅豆 熬成纏綿的傷口
然後一起分享 會更明白 相思的哀愁
還沒好好的感受 醒著親吻的溫柔
可能在我左右 你才追求 孤獨的自由
有時候 有時候 我會相信一切有盡頭
相聚離開 都有時候
沒有什麼會永垂不朽
可是我 有時候 寧願選擇留戀不放手
等到風景都看透
也許你會陪我 看細水長流
有時候 有時候 我會相信一切有盡頭
相聚離開 都有時候
沒有什麼會永垂不朽
可是我 有時候 寧願選擇留戀不放手
等到風景都看透
也許你會陪我 看細水長流
《 #心淡 容祖兒》
很謙卑 只不過是我太過愛你
連自尊都忘記
跌到極麻木 只好相信
又再爬得起 就會有轉機
若我不懂憎你 如何離別你
亦怕不會飛
由這一分鐘開始計起春風秋雨間
恨我對你以半年時間 慢慢的心淡
付清 賬單 平靜的對你熱度退減
一天一點傷心過 這一百數十晚
大概也夠我 送我來回地獄又折返人間
春天分手 秋天會習慣 苦衝開了便淡
(說甚麼再平反)
只怕被迫一起更礙眼
(往後這半年間)
只愛自己 雖說不太習慣
畢竟有限 就當 過關
由這一分鐘開始計起春風秋雨間
限我對你以半年時間 慢慢的心淡
付清 賬單 平靜的對你熱度退減
一天一點傷心過 這一百數十晚
大概也夠我 送我來回地獄又折返人間
春天分手 秋天會習慣 苦衝開了便淡
《 #可惜我是水瓶座 楊千嬅》
猶如最結實的堡壘
原來在 逐點崩潰
逐點粉碎
極固執的如我
也會捱不下去
每天扮著幸福
始終有些心虛
如何笨到底
但到底 還是我
誰人待我好 待我差
太清楚 想繼續裝傻
卻又無力受折磨
心裡羨慕有些人
盲目到不計後果
我就回去 別引出我淚水
尤其明知水瓶座最愛是流淚
若然道別是下一句
可以閉上了你的咀
無謂再會 要是再會
更加心碎
要是回去 沒有止痛藥水
拿來長島冰茶換我半晚安睡
十年後或現在失去
反正到最尾也唏噓
夠絕情 我都趕我自己出去
《 #女神 鄭欣宜》
井底之蛙 當它古怪症狀
也有過路人 贈你耳光
最痛是 原應伴著你那位
話若不改到再無稜角 別再交往
不要低頭 光環會掉下來
你是女神 不要為俗眼收斂色彩
不要講和 威嚴會碎下來
你是女神 不要被下價的化妝掩蓋
從前下放身段 祈求換到的真愛
最後你亦不志在 決定撇下在人海
不要低頭 光環會掉下來
你是女神 手裡面利劍不要鬆開
不要失儀 溫柔到最後來
你是女神 優雅地撥去一切的感慨
別降階到 流亡情海
他不過也是很小的舞台 你配有大愛
望 在仰望
誰又會像你像我 高貴上殿堂
評判席任他一臉不爽
望 任意望
如若你累了倦了 快學著我講
人類看不起 我都好看
《 #愛是 鄭秀文 ft.LMF》
有人話過感情本身就係好脆弱
去到某個位就自掘墳墓就如一粒毒藥
又或者喺埋一齊都係為左FUN
一諗起會黐身就會想逃避RUN
結合分開見過聽過太多
由始至終從一而終又一串囉嗦
你話我口水多我係有感而發
生命唔易明白唔阻你發達
你話同佢唔夾想分手
但係又唔知點樣同佢表白
拖拖拉拉又唔係一個好嘅做法
同佢講清楚但係佢又話要自殺
你咁樣挽留一段感情唔係辦法
勉強無幸福究竟你明唔明白
明唔明白我唔係講緊垃圾
你咁大個人用下個腦去解答
命運從未預告 迷糊的角度 想得到
染血的愛又那可修補 過往傷心太早 Oh Yeah
寂寞時候跳舞 遺忘感嘆號 可感到
放棄的愛任意去傾倒 莫問愛是糊塗
每個細節 懷念作夢 揣測天真 我做清風
每個過去 逃避作弄 可惜悲劇 還依戀你心中
Honey 我想你知道 世事唔係每一件都係你諗得咁美好
年紀輕輕嘅你又點會想得到
真愛只會出現喺螢光幕度
你愛我幾多 我又點會唔知道
喺付出既同又試下企嚮我嘅角度
睇一睇 諗一諗 唔好再咁糊塗
唔好再為小事 煩惱 好唔好
命運從未預告 迷糊的角度 想得到
染血的愛又那可修補 過往傷心太早 Oh Yeah
寂寞時候跳舞 遺忘感嘆號 可感到
放棄的愛任意去傾倒 莫問愛是糊塗
每一章 每一節 要愛 每一分 每一鐘 去愛
幾多不經思考嘅愛 這針偏跌進海
每一章 每一節 去愛 每一分 每一鐘 去愛
幾多不經思考嘅愛 找得到卻放開
命運從未預告 迷糊的角度 想得到
染血的愛又那可修補 過往傷心太早 Oh Yeah
寂寞時候跳舞 遺忘感嘆號 可感到
放棄的愛任意去傾倒 莫問愛是糊塗