早前見到有好多朋友去咗依間酒店打卡📸，覺得勁靚呀，一向少出城嘅我即刻search下喺邊度，原來係喺北角新開無耐嘅 #歷山酒店。
見佢嘅環境好靚所以就被吸引咗黎喇，不過睇開業早期既食評啲人都話麻麻哋🤐，但環境咁靚一試無妨啦；Book咗佢嘅「#維多利亞臻味下午茶套餐」平日好難約其他朋友，二人限聚下就揾 QB陪我黎啦！
由地鐵站直達酒店只需5分鐘，一踏入酒店已如置身英式維多利亞時代，瑰麗又有氣派，打卡位超多，單是靚景已經值了！下午茶Set包括6款鹹點🥐、5款甜點🍰、英式鬆餅、咖啡/茶，另每位送紅/白酒或汽泡酒一杯🥂，$268/位價位都算親民。
#煙肉洋蔥蛋酥配原隻鮑魚，夠晒矜貴，酥餅夠鬆化，味道配搭好好，鮑魚當然成為QB囊中物😎
#煙三文魚芝士忌廉三文治，鬆軟又夠fresh
#香煎虎蝦配車厘茄 - 虎蝦夠晒夾彈鮮味
#巴馬火腿芝士牛角包 - 烘焗得香脆鬆化，鹹香惹味。
仲有 #鵝肝是配黑松露醬夾餅 及 #蟹肉沙律酪梨醬配牛油軟包。
甜品有#法式可麗餅配鮮芒果忌廉凍餅、#藍莓芝士蛋糕、#法式焦糖燉蛋、#榛子朱古力蛋糕、#意式雜莓奶凍。
Qb喜歡焦糖燉蛋🍮，又滑又香甜，我就鐘情榛子朱古力蛋糕🍫，香濃美味。
依度用上Tea WG既茶☕️，我點左Geisha Blossom Tea, 綠茶加入水果風味，都幾清甜，氣味獨特; 小朋友就可以揀果汁。我整體食物水準都唔錯，絕對稱得上好睇又好食，親身試完可完美平反✨，一點伏味也沒有👍；環境無得彈，處處都係打卡位，留意返所有單人相都係小港女揸機幫我影😍，都有驚喜喎😎酒店好新淨、餐廳寬敞，枱與枱距離遠，食得安心，真係好值得黎當一天淑女💃！
於togetda預訂仲可享至抵優惠:
http://bit.ly/3hWU2gX
地點：北角城市花園道32號歷山酒店大堂樓層
Hotel Alexandra Hong Kong
Togetda
#歷山餐廳 #HotelAlexandraHongKong #北角 #貴族宮廷風 #超多打卡位 #新御用攝影師做到嘢💖 #以後影靚相靠晒佢啦😎
鵝肝是配黑松露醬夾餅 在 高級料理食材：松露、鵝肝、魚子醬介紹 老饕必吃奢華三寶 的相關結果
因為香氣濃烈、價格昂貴且纖細（香氣& 口感容易被高溫破壞），最常見的做法是磨碎做為香料灑在料理上，或是切片夾在鵝肝、豬肉、干貝等等料理中，有時也會 ... ... <看更多>