北水力撐下港股成功淡化外圍影響
10月30日，多雲，短暫時間天色明朗，風勢較強，天氣清涼。美股跌咗幾日隔晚終於識得彈，道指收市彈番139點；標指跟納指則反彈超過1%。美國總統大選選情有所變化，民調一直落後嘅侵侵反超前，唔知係咪咁心情大好，揚言當總統大選之後，會立即推出一份「非常龐大的」刺激計劃，直言其將比民主黨大家姐所建議嘅逾2萬億規模更加龐大。當然侵侵嘅意思係，如果佢連任的話……。事實上，唔少之前睇好拜登當選嘅所謂專家，開始轉軚，表示侵侵連任機會大增。
古天后無水晶球，最終邊個入主白宮無得估亦無謂去估，總之呢段時間不宜重倉，尤其是但一個候選人對點票結果有異議，大選結果將押後公布，咁喺未確定總統寶座鹿死誰手前，不明朗因素影響下，美股定必大幅震盪。至於歐美疫情反彈仍然嚴峻，但市場已漸消化呢個負面因素。不過美國有經濟學家表示，美國雖然受疫情影響，但GDP初步復甦強於市場最初預期，只係呢幾日感染數字又再創紀錄新高，而明年初之前唔能夠再推出任何額外財政刺激措施，經濟進一步復甦步伐會慢得多。但睇番美國就業市場持續改善，其實係一個幾好嘅現象。只係近日業績期，大型科企雖然業績交到功課，不過對未來業績預測或指引僅僅合符預期，或難以支撐較高估值。
至於港股呢邊，呢排似乎唔多跟美股走，周三晚美股跌到一仆一碌，港股低開後跌幅逐步收窄，先跌後回穩，大型科技股及新經濟股更加逆市上升，騰訊(00700) 股價及相關新聞 跟美團(03690) 股價及相關新聞 等再創新高，有北水撐腰，港股可以話冇有怕，更反映港股喺內地資金支持下，又或者阿爺致力維穩下，成功淡化外圍不明朗因素所帶嚟嘅衝擊。
只不過港股跟中國幾乎連成一體，一旦美國總統大選完結，政局穩定落嚟，唔排除又再集中火力打擊中國，而香港表現上仍然係國際金融中心，但實際上不斷染紅，港股更愈趨中國化，一旦美國集中火力攻擊，港股好難當無事發生。幸而國家力谷雙循環經濟戰略，希望可以抵禦歐美國家圍堵，若然想港股繼續有得玩落去，真心希望內地經濟生生性性，中概股起碼玩多三幾年。
古天后
#300likes30shares
#古天后 #古天后日誌 #頭條財經網
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
加入古天后聊天室，享受朝八晚八答股服務，睇最新心水貼士：https://link.stockviva.com/ntodoCj7Iab
課金聊天室：https://bit.ly/31nwXNo
立即下載秒投：https://link.stockviva.com/L9J41qUp01
對聊天室有任何疑問，可以直接聯絡秒投小編：電郵 cs@stockviva.com
注意：本人僅在 "秒投App" 及其網站內開設聊天室，本人並沒有與其他網站，或以外的平台，開設過任何通訊群組，亦沒有任何所謂的「私人whatsapp 群組」「Telegram 群組」等等，為保障大家利益，切勿加入任何類似群組。
鹿死誰手意思 在 鹿死誰手意思在PTT/Dcard完整相關資訊 - 數位感 的推薦與評價
關於「鹿死誰手意思」標籤，搜尋引擎有相關的訊息討論：. 鹿死誰手- 教育百科解釋：. 鹿，古代狩獵的主要目標，比喻政權。 鹿死誰手比喻共爭帝位或一物，不知誰能取得 ... ... <看更多>