《 玉成好事 》
（ 本故事純屬虛構，如有雷同，無可厚非。
精準一點來說，這是一個虛構的真實故事，內容涉及人性，十八歲以下讀者請由家長陪同閲讀，八十歲以上讀者請由子女陪同欣賞。）
故事，發生在北極南方。
小五學生都知道，即整個地球表面……
2028年夏天，綠蔭樹下，蟬鳴聲中，彭麗媛時鐘酒店（前稱維多利亞時鐘酒店）……
梳妝鏡前，玉成站在小娥背後。
他不是假玉成，是真玉成，即「禮義廉跨國集團」創辦人，憑著賣A貨致富，現在是亞洲三大富豪之一， 排名僅次於雙馬。
當然，不是《麵粉報》的雙馬。
「 多謝你幫我解圍，」 小娥側頭向後「 如果唔係都唔知點收科……」
跌在地氈上的，是黛安芬米黃色Classic Bra。
「小意思啦，」玉成嘴角露出一貫的奸笑「 捩橫折曲不嬲係我嘅強項……」
「 最衰係我嘅下部潤紅……」 小娥轉身。
「 乜話？乜嘢下部……」
「 都係一句啫……即係我部下……阿潤紅， 最衰係佢無端端搞個大頭佛出嚟 」 小娥半倚玉成懷中，雙雙坐到床上。
「 其實潤紅真係低低地，無端端做乜教人揀老公？」 玉成除下小娥的眼鏡，放到枕頭上面，「仲話乜嘢男方唔得，唔代表男部唔得，又男方、又男部，都唔知噏乜9……」
「 最緊要你得……」 小娥緊緊抱著玉成。
「 好心你叫潤紅得閒做下正經嘢啦，唔好無料扮四條，等於成日同人拗， on9 同埋 on99 ， 邊樣 on9啲……」
「 唔好講呢啲……」 小娥把燈光調到最暗，「 既然你幫我解咗圍，今晚……你鍾意點就點啦……」
玉成此刻急不及待，輕咬小娥耳珠。
「 咪住，講清楚先，我只係畀你《做愛權》， 《身體權》自古以來都屬於我老公㗎！」
「 吓？你老公只承認我有《做愛權》？」 玉成面容扭曲，「我諗起你老公副尊容，有時真係忍唔住笑……」
「 唔准咁講我老公！」 小娥嬌嗔，一雙粉拳輕輕搥打玉成胸口，「 嗱……下不為例……」
「妳都識講啦，好難承諾下不為例喎……」
兩個人相擁床上，你一言我一語，鶯鶯燕燕雀雀鳥鳥，正準備翻雲覆雨張弓拔弩之際，窗外傳來震耳欲聾廣播……
一輛迷彩吉普軍車，車頂架著四個大喇叭， 停在斑馬線前面。
一段刺耳的女聲普通話廣播：「 南部城市的人民請注意！ 南部城市的人民請注意！ 每小時一次的國歌即將播出，所有人必須依法肅立，違反者依法處置！重複一次，必須肅立，違反者依法處置！」
街道上所有行人和車輛，就像突然進入了死寂的靜止時空……
玉成和小娥，四目交投，眉頭一皺。
兩條肉蟲不情願地，赤條條站起來。
原本站起來的，卻從此站不起來……
李懂媽
麗豪酒店時鐘 在 休閒時光| 麗豪酒店 的相關結果
座落於沙田城門河畔的麗豪酒店，四周環境優美寧靜，是您於日間稍作休憩的不二之選。我們全新推出的「休閒時光住宿優惠」可讓賓客於住宿時段免費享用房內寬頻上網服務及 ... ... <看更多>