關於 2019最期待電影 ，我們在網路上蒐集到這些相關的討論、資訊與評價

【《皇家特工：第一任務》延期至2021年2月】

當「永恆的Coming Soon」《新異變人》終於成功上到戲院後，你以為「前福記」班孤兒仔都可以正正常常咁出曬街，點知原本個期係緊接「前福記」《極速傳奇：福特決戰法拉利》嘅《皇家特工：第一任務》，喺仲有不足半個月上映時，迪記突然煞停，將佢延期至2021年2月，令迪記得返《新異變人》決戰《TENET天能》。或者因為咁，完全唔覺迪記有宣傳《皇家特工：第一任務》。

早前有傳《TENET天能》要曬北美戲院嘅IMAX同大院超過一個月，直至《神奇女俠1984》，擺到明落迪記面。如果迪記嘅《皇家特工：第一任務》堅持上畫，但係冇IMAX同大院，都係蝕章。

諗返「前福記」嘅戲，近兩年都幾興瘋狂延期，唔止延期到變都市傳說嘅《新異變人》，舊年嘅《變種特攻：黑鳳凰》都係不斷延期。《皇家特工：第一任務》原本2019年11月上映，之後延期2020年2月14日，再延期到9月中，依家就第三度延期去2021年2月26日。

如果佢明年再延，絕對有能力挑戰《新異變人》「永恆的Coming Soon」嘅不敗神話地位。不過，呢套因為冇乜花生嘢，我唔會封佢做2021年最期待電影沒有之一嘅，呢個朵唔係咁易攞架😂

《新異變人》延期懶人包可看留言連結。

📣即訂Patreon加強版，閱讀更多精選深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie

【《魔髮精靈：唱遊大世界》正式成為戲院革命之火？】

改寫歷史嘅嘢永遠估你唔到，繼AMC喺「#Universal魔髮精靈之亂（俾個Hashtag佢，我覺得呢單嘢可以玩到 #新異變人係人生最期待電影沒有之一 咁）」宣佈罷映所有Universal片後，另一大美國院線Cineworld（Regal）都宣佈罷映Universal，但就留返一線，只罷映Universal跳過90日空窗期上VOD嘅戲。

單嘢導火線都係Universal聲稱喺戲院重開之日，將會以戲院同VOD兩種格式同步公映《魔髮精靈：唱遊大世界》，但同時又聲稱套戲單靠「US$19.99全家睇」價錢，已經有過億收入，戲院再播仲有冇人睇？喺VOD模式上，Universal可以賺到點播80%嘅錢，而喺戲院播映就只有50%，佢咁樣播一播，隨時賺得多過戲院，明剃戲院眼眉。

與此同時，歐洲嘅戲院業聯盟International Union of Cinemas亦都評論Universal做法，認為《魔髮精靈：唱遊大世界》嘅成功，唔應該成為參考例子，去改變電影同戲院嘅發行常規，只不過係因應目前疫情情況，大家留喺屋企睇戲。事關2019年全球票房達到史無前例嘅巔峰，證明觀眾仍然係會入戲院睇戲。

目前暫時係得《魔髮精靈：唱遊大世界》玩到VOD同「戲院」同步公映，其他如迪記嘅《阿特米斯奇幻歷險》、華納嘅《狗狗震！》都宣佈直接上VOD，又上VOD又上戲院，無視90日空窗期，確係食緊兩家茶飯，對戲院嚟講又真係唔公平，只不過我依然花生到《F9狂野時速》、《侏羅紀世界》第三集呢類戲院票房必收大片，戲院係咪真係罷映😏

無論如何，《魔髮精靈：唱遊大世界》將會成為戲院同串流革命嘅燎原之火。

又，《魔髮精靈：唱遊大世界》將會香港戲院重開之日上映，一套咁有歷史意義嘅戲，應該會成為我「戲院重光」後第一套入場睇嘅戲。

期待呢場「Universal魔髮精靈之亂」發展。

最新Update延期時間表可看留言連結。

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie

【但願我哋4月2號睇到《新異變人》】

就嚟延期到成為都市傳說嘅《#新異變人》，日前終於推出咗全新海報設計圖，有埋日期！拿！係咪真嘅先？定係3月3號宣佈4月3號上唔到要延期？🤣

但願，香港人冇被林奠有組織、有預謀咁攬炒滅族，我哋仲有命活到呢一日，睇到呢套《新異變人》，到時唔好個個做曬帶病異變人。

睇喪屍片都睇得多，頭幾日好似冇乜事，有疫情，冇咩事，封吓關，走吓佬。去超市由好多人搶購，到已經冇曬人冇員工，隨便拎。跟住，情況急轉直下。

然後，就沒有然後了。

樂觀結果係，或者，有班健康嘅人佔據咗某個地方，成為烏托邦。

然後，續集見。

循例都要講果句：
#新異變人係2020年最期待電影沒有之一

✨2019年度小弟選出的10大電影已經公佈！請即看此：http://bit.ly/3aKpFX8

‼最後機會‼小弟執筆之原創小說已賣剩最後一批，售完即止，請即訂購：http://bit.ly/2PKXYFA

【IG請follow】www.instagram.com/travelerwithmovie