#體檢二三事 - 痛風點食好? (下)
繼上次講咗痛風人士呢樣唔食得，嗰樣唔食得，今次正面啲，講吓有咩可以食。
1. 飲水 – 痛風人士絕對要多飲水, 少飲有糖或酒精飲品. 水份有助稀釋尿酸, 對舒緩痛風有即時幫助. 如果飲水覺得無味, 綠茶, 花茶, 藩石榴茶都可以;
2. 奧米加三脂肪酸 (Omega 3 Fatty Acids) – 奧米加三有抗炎作用, 有助預防和舒緩痛風產生的炎症. 深海魚如三文魚, 吞拿魚都是越肥越好. 如果是素食者, 不妨多吃阿麻籽 (Flaxseed) 和奇亞籽(Chia Seeds)
3. 水溶纖維 – 很多人擔心麥皮, 或其他麥類會影響尿酸, 但其實現時沒有實質研究証明有關連. 相反, 多份研究顯示多吃蔬菜生果, 以及其他豐富纖維食物, 有助降低血液中的尿酸. *
4. 蛋白質 – 雖然很多肉類都含有高嘌呤, 但始終蛋白質是身體的必須營養素, 所以不妨選對身體較低影響的食物如奶, 蛋, 蝦, 雞, 魚, 藜麥等.
5. 維他命C – 其中一種最易補充, 但又最易流失的維他命, 有研究顯示, 每天500毫克維他命C有助降低尿酸**. 而500毫克即是多少呢? 一個中型橙大約有60-70毫克維他命C……… 當然並非建議你每天吃十個橙, 其他蔬菜生果都有維他命C, 或者可以考慮食補充劑.
另外, 適量運動, 以及減身體脂肪, 都有助改善痛風情況. 所以痛風非死症, 對症下藥的飲食方法最重要.
*Nutr Metab (Lond). 2010; 7: 16.
** Arthritis Rheum. 2005 Jun;52(6):1843-7.
#痛風飲食 #飲水好重要 #抗炎食物 #低嘌呤飲食
#GoutDiet #FluidForHealth #AntiInflmmationDiet #LowPurineDiet
#痛風 #尿酸 #嘌呤 #普林 #關節發炎
#gout #UricAcid #Uric #Purine #Inflammation
#香港營養師學會 #HKNS
#營養師 #AnnieLee
