聽過一種講法：「想廢一個人武功好容易，畀佢一個舒適嘅環境，一部可以上網嘅電腦，仲有一張外賣紙，搞掂！」
其實都幾似之前Home Office嘅生活，後來我深深明白咁樣落去唔係辦法，所以輕輕試咗兩個星期「8小時斷食法」，應該唔使多解釋啦，好多人都知係咩嚟，簡單啲講就係唔理你一日食幾多餐，總之就within 8個鐘頭內食晒佢，開頭我好熱血咁煮下雞胸同清菜，但係隨住一班Marketing哥哥姐姐回歸Office，有時彈啲job畀我，忙返少少之下又好難keep到。
大家重新返Office之後應該仲難keep，首先工作量回復正常甚至多過之前，消耗多咗就一定食多咗，解悶又好，辛苦要唞唞又好，食嘢補充體力同埋提神係好合理既，如果好似我以前Headhunt公司咁樣，幾乎每個月都有舊人走，又有新人加入，散水餅同埋Welcome Lunch照計都食唔少，職場係咁㗎喇，有人辭官歸故里，有人漏夜趕科場，所以形形式式嘅散水餅我都食過，有啲嚴格嚟講唔係叫散水餅，直情係叫到會，食到滯就眼瞓，眼瞓就做得慢，慢就要OT，惡性循環😂
回歸Office之後，莫講話乜鬼「8小時斷食法」啦！想正正經經食得健康啲同埋節制啲都好難，未計3點3攰攰哋叫個tea，仲有隔離左右啲魔鬼同事係咁用零食引誘你，然後就會墮入呢個循環～～～一個舒適嘅環境，一部可以上網嘅電腦......再加上立立雜雜其他零食同埋散餐，Welcome Lunch🤦🏻♂️Gathering🤦🏻♂️好墮落呀！絕對明白人在Office身不由己，避唔到就唯有用啲聰明嘅方法減少脂肪吸收，同時有助減輕飽飽滯滯嘅感覺，所以要開始習慣邊食邊飲淳茶舍嘅「消茶」喇！千祈唔好放棄自己，更加唔好畀人廢武功，工作量再多都好，始終有做完嘅一日（最多咪劈炮唔撈囉咩呀🙈），但係脂肪多咗，真係易請難送，記得喇！唔及早養生好難返轉頭㗎！
#淳茶舍 #養生之哲學 #人在Office身不由己 #邊食邊飲消茶 #有助減少脂肪吸收 #減輕飽滯感覺 #早餐未落格又食Lunch #Lunch未飽完又到Tea #Office太多魔鬼
