📍ᴡᴀɴ ᴄʜᴀɪ, ʜᴏɴɢ ᴋᴏɴɢ 🇭🇰
<夢幻口味創新天然花色水餃 西塘花記>
小編一直都好想試佢哋嘅花色水餃🥟,不過就真係冇乜動力走出去灣仔特登食水餃🤭但早兩日喺嗰頭遊蕩嘅時候咁岩喺門口經過,正所謂擇日不如撞日,所以就撞咗入去試吓😚
西塘花記一間黎自大陸主打做蔬菜汁花色水餃嘅山東餃子店😳店舖嘅七彩手工餃皮標榜以100%天然蔬菜汁製作,唔加入任何色素🤔
-
🍴招牌五福水餃
評分:7.5/10
呢一款五福水餃可以一次過試齊晒店舖五款招牌嘅水餃🤗包括:蕃茄牛肉餃、冬菇豬肉餃、翡翠三鮮水餃、剁椒魚水餃同海三鮮水餃🤤
蕃茄牛肉餃嘅水餃皮加入左紅莧菜火龍果汁製作,中間嘅餡料就加入左蕃茄🍅同牛肉粒🐂。水餃入口有清新嘅蕃茄香味,酸酸甜甜咁,非常開胃😜而且水餃入口亦都有淡淡的牛肉香味,不過當中嘅芫荽味會更為得出😋
冬菇豬肉餃嘅水餃皮加入左南瓜汁,而中間嘅餡料就以冬菇🍄同豬肉🐖製作。豬肉餃本身包得亦算幾飽滿😌而且入口咬落豬肉嘅份量比例都偏多,但唔會有油膩嘅感覺😳同時都會食到有比較香嘅冬菇味。
翡翠三鮮水餃採用左菠菜汁去製作水餃皮,餡料就加入左蝦仁🦐、雞蛋🥚同韭菜。水餃入口有好香嘅韭菜香味😚而且一咬開入面全部都係翠綠色嘅韭菜粒又夾雜着少少金黃色嘅雞蛋,不過入口就唔係太食得出有蛋香味🤫但個蝦仁味都幾香,而且入口食落亦比較爽口😋
剁椒魚水餃使用左新鮮淡水魚🐟製作餡料,再加入秘製辣椒醬🌶。水餃入口口感特別,略帶有少少彈牙嘅感覺🤔不過魚肉入口就唔太食得出有鮮味。但底部嘅辣椒醬令成個水餃嘅味道都更加豐富☺️水餃入口嘅味道其實唔算太辣,不過就帶有泡椒嘅鮮酸味,有驚喜🤫
海三鮮水餃蝦餃皮採用墨魚汁🐙製作,然後再以蟹肉🦀、元貝同蝦仁🦐製作餡料。水餃入口鮮味十足😋而且口感亦相對比較豐富,絕對係五款水餃入面最有驚喜嘅一款👍
價格:HKD $78
-
🍴雨花石水餃
評分:7.5/10
三色水餃皮用咗紅莧菜火龍果汁、菠菜汁同南瓜汁製成,中間再包入馬蹄豬肉餡料🐖。
雨花石水餃表面嗰層水餃皮嘅顏色真係非常吸引,超級靚,仲好夢幻添🥰水餃中間嘅餡料其實本身包得唔算太飽滿🤫不過水餃入口咬落有肉汁,而且當中亦都加入左馬蹄粒,所以水餃入口亦都會帶有爽脆嘅口感🤭唔會太過單調。而且水餃入口食落有淡淡的豬肉香味😚所以亦會比較有鮮味😝
價格:HKD $72
-
🍴四小福水餃
評分:8/10
其實店舖有成九款唔同嘅水餃供應,上面介紹嘅五福水餃只係可以試到其中五款🤭而呢一個四小福水餃就可以試埋其餘四款😆分別有泡菜豬肉餃、紫菜豬肉餃、素三鮮水餃同南瓜蝦肉餃😜
泡菜豬肉餃嘅水餃皮用咗紅莧菜火龍果汁製作,中間再包入泡菜豬肉餡料🐖。豬肉餃入口食落辣辣地咁,伴隨有少少豬肉嘅鮮味,非常惹味😚而且豬肉餃入口食落有爆多肉汁,所以亦唔會太過乾身😳都算有驚喜。
紫菜豬肉餃用咗墨魚汁🐙製作水餃皮,再包入以紫菜、豬肉🐖、蝦皮製成嘅餡料。水餃入口會食到有大量嘅紫菜😂配上豬肉同蝦皮,口感亦相對比較豐富😜而且水餃入口都有好重嘅紫菜味🤤
素三鮮水餃嘅水餃皮加入左菠菜汁製作,中間就包入咗菠菜、豆腐乾同冬菇🍄。水餃入口有好重嘅菠菜香味😚隱約有帶有少少冬菇嘅味道🥰而且水餃嘅口感係相當豐富,因為菠菜、豆腐乾同冬菇三種食材嘅口感都係截然不同,鍾意菠菜嘅可以單叫呢一款,真心絕對唔可以錯過🤫
南瓜蝦肉餃就用左南瓜汁水餃皮包住南瓜、蝦仁🦐同雞蛋🥚製成。蝦肉餃入口其實個蝦肉味都幾突出🤔配搭味道香甜嘅南瓜,成個配搭非常創新😝而且水餃入面嘅南瓜絲同雞蛋絲配上爽口嘅蝦仁整體嘅口感都非常豐富🤭
價格:HKD $68
-
🍴紅棗雪耳燉雞湯
評分:7.5/10
燉雞湯入口味道清甜,但有少少紅棗嘅香味😋不過雞湯入口就油膩左少少😎但整體嘅味道都相當唔錯。而且個湯入口亦都有淡淡的雞味🤭另外,喺雞湯入面亦都有幾舊雪耳喺度,雪耳本身已經煲得非常軟淋,非常入味🤗
價格:HKD $20
-
🍴鮮榨紫薯露
評分:7.5/10
紫薯露係用新鮮紫薯放入攪拌機入面打成☺️完全無添加糖,味道非常天然😏
紫薯露入口飲落其實唔算太杰身🤔而且入口味道亦都唔算太甜,係天然嘅紫薯味,而且聞落亦都帶有少少花青素嘅香味🤣不過,就因為由於飲品係用紫薯製作,所以成杯飲晒其實都幾飽肚😌如果叫得多嘢食嘅話可能就要考慮下share一齊飲啦😁
價格:HKD $28
-
🍴百香果梳打
評分:6.5/10
百香果梳打入口非常夠氣😚而且帶有好重味道酸酸甜甜嘅百香果香味。不過百香果果醬同梳打嘅比例調配得唔係太好😅所以入口味道有少少偏甜🤫希望日後會有改善但同時梳打亦非常解辣,因此若果大家真係怕好甜的話,建議大家都係唔好嗌呢杯飲品啦😳
價格:HKD $26
——————————
店舖名稱:西塘花記
環境:5/5
服務:4.5/5
地址:灣仔天樂里3-5A號僑康大廈地下C號舖
交通:港鐵銅鑼灣站B出口,步行約7分鐘
——————————
#hkfoodie_life_灣仔
附近鐵路沿線仲有咩食👇
#hkfoodie_life_港島綫
同類型食物嘅介紹👇
#hkfoodie_life_雲吞餃子
.
.
.
.
.
#XiTangFlower #西塘花記 #花色水餃 #雨花石水餃 #水餃 #五色水餃 #五色餃子 #餃子
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...
「xitangflower」的推薦目錄:
- 關於xitangflower 在 HK Foodie Life Facebook 的最佳貼文
- 關於xitangflower 在 頹飯 Tui Fan Facebook 的最讚貼文
- 關於xitangflower 在 コバにゃんチャンネル Youtube 的精選貼文
- 關於xitangflower 在 大象中醫 Youtube 的最佳解答
- 關於xitangflower 在 大象中醫 Youtube 的最佳貼文
- 關於xitangflower 在 手工五色水餃的分享,FACEBOOK、PTT - 運動情報網紅推薦指南 的評價
- 關於xitangflower 在 手工五色水餃的分享,FACEBOOK、PTT - 運動情報網紅推薦指南 的評價
- 關於xitangflower 在 三鮮水餃2023-精選在Instagram/IG照片/Dcard上的焦點新聞和熱門 ... 的評價
- 關於xitangflower 在 HK Foodie Life 的評價
xitangflower 在 頹飯 Tui Fan Facebook 的最讚貼文
IQ題時間:
花色(識)溜冰就好多人知
但花除咗識溜冰之外,仲識D乜呢?
.
.
.
.
.
.
.
答案 就係花色水餃喇😂
西塘花記係一間內地薄有名氣嘅花色水餃店
主打 當然就係五顏六色嘅水餃啦
每款都相當精緻 各有特色
呢排佢哋喺香港開咗間加盟店
有興趣嘅朋友不妨去試吓
地址: 灣仔天樂里僑康大廈3-5A地下
IG: @xitangflower
#西塘花記 #花色水餃 #是日不頹
______________________
#頹飯 #CursoryRice
#天天頹飯 #DayDayTuiFan
🇭🇰#香港 #HongKong #852
#香港美食 #HongKongfood #hkfood #hkfoodie #hkig
#真攪gag #偽食評
#相機食先 #手機食先
#美食
xitangflower 在 HK Foodie Life 的推薦與評價
同類型食物嘅介紹 #hkfoodie_life_雲吞餃子 . . . . . #XiTangFlower #西塘花記 #花色水餃 #雨花石水餃 #水餃 #五色水餃 #五色餃子 #餃子 · · · ... <看更多>
xitangflower 在 三鮮水餃2023-精選在Instagram/IG照片/Dcard上的焦點新聞和熱門 ... 的推薦與評價
同類型食物嘅介紹 #hkfoodie_life_雲吞餃子 . . . . . #XiTangFlower #西塘花記 #花色水餃 #雨花石水餃 #水餃 #五色水餃 #五色餃子 #餃子. ... <看更多>