https://www.patreon.com/posts/47385146
究竟沈旭暉Share嘅文章，佢自己同班傻粉有無認真睇過？Doug Bandow支持美國出賣香港烏克蘭然後有1600隻黃屍狗Like？
我從來唔會吝嗇對於沈國師嘅讚許，不過唔係佢啲所謂「國際分析視野」，而係點樣呃LIKE、自我形象塑造，同埋君尻啲深黃傻尻走去課金。
好似之前無啦啦走去尻吹35+「奪權計劃」，呃倒一眾黃標KOL諸如無敵神駒走去搖旗吶喊高呼「選贏特首成功奪權可以救手足」；然後當見勢色唔對就立刻走頭，再將成個爛攤子推去戴妖身上，話「只有佢先能夠動員群眾推行計劃」，講到同自己完全無關，跟住繼續印印腳收近百萬課金一個月響台灣嘆世界。
班深黃傻尻對沈國師嘅學養如痴如醉，凡親佢Share乜Post都走去尻like尻share，但究竟呢班友、甚至沈國師自己知唔知自己睇緊乜嘢呢？我就拎咗呢一個Post作為Case Study。
話說沈國師響Facebook Share一篇由《Foreign Policy》刊登嘅文章〈Hong Kong Can’t Be Saved. Hong Kongers Can〉，好撚感性咁話「這兩年說過很多次，雖然對香港悲觀，但香港人充滿希望」，然後再撻埋個朵「這位作者是列根時代的總統特別助理，文章值得一讀」。
究竟篇文有幾值得一讀？沈國師一句評論都無，但對超過1600個走去Like & Share嘅傻尻黎講，根本唔撚重要。因為「香港不能被拯救，但香港人可以」呢句嘢，再加埋一幅「光復香港」字樣嘅抗爭相，響呢班黃屍心目中，不特止啱哂佢地嘅矯情口味，而且文句暗示「外國人救唔倒香港，至少可以放寬移民制度救香港人丫」呢句潛台詞，就更加係合哂呢班趕住移民拋棄香港嘅冚家中剷何車。
可惜我唔係深黃傻尻，既然沈國師話值得一讀，我就真係會走去讀一下，然後就發覺成篇文係非常有問題：
首先作者Doug Bandow話香港示威者唔應該將民主期望放響華盛頓身上，響示威現場舉美國旗只會令到中共政府利用作為阻截美國干涉香港民主進程嘅藉口；然後佢又暗串羅冠聰打國際線，走去爭取歐盟經濟制裁中共無撚用，「因為除咗戰爭，美國係無辦法令香港回復到過去」。
唔單止咁，Doug Bandow仲強調歐美對中國官員同林鄭嘅制裁只係會令香港人產生精神上嘅愉悅感（即係話你班黃屍只係響度打飛機呀），但對中共維持國家主權嘅決心難動分毫；而國家層級嘅經濟制裁，更只會令香港人民響經濟民生上面蒙受鉅大損失而受苦。
到最後佢嘅總結係，香港人只能夠等中共政府內部轉變，例如習近平瓜柴先可能有機會得到民主，而美國呢個時候係更加應該同中共保持政經各層面嘅關係，因為被孤立嘅中共政權只會更加危險──然後就去到成篇文嘅呃Like部份：Doug Bandow鼓勵外國政府應多加收容香港移民，「即使香港經已沒救，但香港人仍然可以」
Doug Bandow呢種論調其實並無乜嘢獨到之處，但就係最符合背後操縱政府嘅Deep State利益；而日後敗登上台後，必然會切實遵從嘅「叩頭外交」路線。Deep State之所以對特朗普恨之入骨，就係因為特朗普持續對中共施加嘅經濟制裁政策，令美國金融大鱷同科技鉅頭錯失大量經濟利益，學術界亦因此失去中共大量捐助，學棍亦無咗吹捧大陸或者作為科技間諜協助中共發展科研嘅資金，所以就要依賴Doug Bandow呢啲美奸尋找向中共求和路線。
甚至乎當好多人見倒Doug Bandow果個「列根時代的總統特別助理」，就覺得佢同列根一樣係戰勝邪惡共產主義嘅盟友，卻完全唔知Doug Bandow響過去十幾廿年一直以「國際孤立主義者」聞名，簡單黎講，就係不停鼓吹美國政府唔好再干涉海外事務，默許中俄挑戰美國霸權，危害世界民主。
除咗呼籲美國唔好制裁中國，Doug Bandow過往嘅「輝煌戰績」仲包括有：
一、反對美國政府再對伊朗同北韓進行外交威嚇同封鎖，認為咁樣無助解決第三世界核擴散問題；
二、反對美國支援烏克蘭民主政府對抗俄羅斯，認為美國響烏克蘭並無利益，烏克蘭只係一個「Fake State」，無必要為咗佢得罪俄羅斯
然後我響度就係要質問沈旭暉同佢下面果班黃屍狗，你地係咪認同Doug Bandow嘅「美國不干預政策」？係咪認為打國際線要求歐美制裁對香港民主無用？係咪認為美歐姑息中共打壓香港民主對香港人最好？係咪認同美國應該出賣烏克蘭手足當佢地係Condom（人地右翼組織直頭派人黎香港，絕對配得上手足二字），《Winter on fire》只係一套垃圾悲情戲，俄羅斯響烏克蘭同中國響香港一樣，有行駛主權嘅權利？你認咗佢就得勒！
掉番轉，我唔係要響度誇大特朗普同龐佩奧響香港議題上面嘅影響力，但至少有兩點你係不能否認：
一係響2019年8月31日，解放軍準備南下香港，就係憑特朗普之力一手阻止；
二係自從特朗普陷入總統大選漩渦、分心國內議題後，中共對香港嘅打壓係愈加猖厥──試諗下如果連任嘅係特朗普而唔係拜登，成個世界會變成點？
如果沈旭暉唔係暗共，同中共裡應外合吹捧「美國叩頭外交」，放棄干涉香港路線，咁就只有一個可能──就係呢條撚樣根本連篇文都未睇清楚就急急腳貼出黎呃Like（最大證據就係貼完篇文佢連一句內文都無提），甚至可能個貼文只係佢個助理尻貼，佢自己本身都無睇過；而呢班傻尻黃屍見係沈國師Share，就連些微獨立思考嘅能力都無，腦都唔撚用就立刻Like & Share？
黃屍成撚日吹捧自己比藍屍更有獨立思考、更有道義同良心，但從沈旭暉呢啲撚人都可以有幾千人課金比叫尻嗡，然後下面班深黃傻尻連篇文都唔知講乜，剩係見Share果個係「學者」、寫文果個係「總統特別助理」，再加一兩句矯情Soundbite或高深Jargon就無腦怒Share，呢啲何嘗唔係一種另類洗腦？
