#foodiejobie #foodiejobie中環 #foodiejobie藍色線 #foodiejobie日本菜 .
味道：🌕🌕🌕🌖🌑
環境：🌕🌕🌕🌑🌑
服務：🌕🌕🌕🌕🌕
衛生：🌕🌕🌕🌖🌑
抵食：🌕🌕🌗🌑🌑
.
《日本🇯🇵名古屋空運新鮮活鰻》
疫情下冇得飛去日本食我嘅最愛關西鰻魚飯，食好多香港嘅鰻魚飯都冇一個比得上，難得呢到竟然有由名古屋空運過嚟嘅活鰻魚燒嚟做鰻魚飯，緊係點都要試吓啦！佢其實係附近間座銀同鯛魚拉麵同一個group，價錢係最高，但裝修睇落最平價。（因為我琴晚post咗story係personal ig acc，太多人問攪到我忍唔住出返個post係呢到比大家參考下）
.
🍴鰻魚膳（$950）二人份量
呢個價錢包咗啲咩呢？一份鰻魚飯、一碗柚子汁嘅沙律、一碗溫泉蛋海膽鰻魚、一份茶漬湯（可作鰻魚三食）、兩份甜品（柚子雪芭）。
鰻魚可以選擇一條蒲燒或者白燒，聽店員講，兩者嘅分別在於蒲燒會落四轉自家製嘅鰻魚汁喺燒鰻魚嘅過程中，由於水份比較多，所以做出嚟就冇白燒鰻魚咁脆身。
我本身鍾意食鰻魚汁，所以一定係揀蒲燒先。
鰻魚肉唔算厚身，燒得唔夠焦脆，關東同關西之間嘅口感。佢地自家製嘅鰻魚汁唔會太甜或太鹹，味道好適中，甜甜地撈飯好好。不過白飯唔夠米香味，而茶漬湯正常，同日本差唔多。溫泉蛋、海膽正常無咩特別。
我明白香港食日本空運食材就一定貴過日本當地食，成本實在大好多。依家呢個價錢同質素有d唔上唔落，如果佢可以有多個級別嘅鰻魚去比客人揀就好啦，大條d，咁個肉就厚身啲，燒出嚟效果更正，咁樣賣貴啲仲好，更滿足到想食到高質地道日本🇯🇵生燒活鰻嘅客人！
全程店員都好好服務，用心介紹食材。
佢詢問完我哋意見後，話可以下次order時盡量滿足返我哋需求，例如我話想條鰻魚燒香脆d。
整體而言，比我再揀我都會再食，佢雖然未做到日本🇯🇵好食嘅高質素鰻魚飯，但已經好過好多間香港食鰻魚飯嘅地方。😆👍
.
📍餐廳：
炭家 (中環)
中環歌賦街24號地舖
foodiejobie日本菜 在 Foodie.jobie 的推薦與評價
伴菜仲有木耳，一次過食到兩款爽口開胃小食，$27都 ... 慮買呢款日本 名店金澤萬久出品嘅「金箔蜂蜜蛋糕」 ... #foodiejobie日本菜 . 味道： ... <看更多>