"真正推動匯率變動的，是從事實際貿易買賣的商人及旅客" - 當真? 唔係丫嘛.
前半抽水兼講金融市場資料, 後半講stochastic calculus, 完全唔同口味, 任你揀邊樣. 我話兩樣食晒最爽.
非對人, 所以唔貼作者名, 唔貼link, 當然你要搵好易搵到, 但反正我亦唔識佢, 亦冇乜咩恩怨, 亦唔見得覺得佢唔掂.
甚至非對事, 篇文好多地方我都好同意, 包括我 highlight 之上果段既地方.
有人以為 "美國加息 美金就會升", 現實世界永遠唔係咁, 投資永遠係炒未來. 樓就郁得慢啲, 股票郁得快啲, 外匯更快.
永遠最影響呢一刻既係, "到底反映左未". 但市場唔會答你. 所以先成日見到咩 好消息出貨, 反高潮. 好合理
你用傳統啲咩 CFA (我都讀過)理論, 啱架, 經濟好貨幣咪好似會強啲, 高息咪會強啲 - 問題係人地唔係到聯儲局加息果日先"知"嘛
聽日要升既, 今日就會升啦. (自己諗下句野點解).
不過作者在highlight 果段講既, 我就絶對唔同意. 亦唔係只為找碴, 係同大家一齊思考下, 練習下
外匯市場已經成為一個大賭場, 比股市更加好賭. 外匯市場係最大既市場, 遠超過股市. 而家一日成交講緊係 5 trillion 美金, 一日呀下.
即係幾多? 美股, 紐約一日應該 千億美金成交 左右, 100 billion. 你計晒 Nasdaq 倫敦 東京 A股 香港, 常識都話你知冇 5 trillion
借問聲呀作者, 閣下啲旅客 住幾多晚 總統套房 叫幾多條女 先有 1 trillion US? 又或者, 你做乜貿易可以做到 一日 1 trillion US? 走粉賣軍火都唔得啦大佬
事實上, 全世界既貿易總和, 就差唔多 15 trillion, 不過係全年. 外匯市場三日成交, 等於"從事實際貿易買賣的商人" 一年既金額.
仲唔信? 咁我地睇下, 外匯市場果 一日既 5 trillion 成交黎自乜
基本上, 大約係 1.7 trillion 係黎自 現貨spot, 咁有幾多係同"貿易"有關? 唔知. 十份一? 唔知. 豪比你, 當全部都係, 當冇人炒外匯冇人套戥, 又如何?
剩番既, 主要就係 外匯掉期, FX swap. 仲有各式既 遠期合約呀, 期權呀之類, 明顯係同你啲咩 貿易無關, 係炒家既野.
所謂 "從事實際貿易買賣的商人" 佔咁少, 點"真正推動匯率變動" 呢又?
----------------------------------------------------
讀Master時讀火箭數學, 計衍生工具價格, 學 Stochastic Calculus (聽到都知惡頂), 好多都記唔得左
唯獨係一本書最開頭有一個例子, 講你 點點點計 discounted cash flow呀, 機會率呀, 頂多只能 suggest a price, but not enforce it (原文太好, 唔識譯)
實際既合理價格只有一個, 就係 arbitrage price. 只要有 arbitrage price, 任何其他價格都係 too dangerous to quote. Arbitrage 者, 套利是也, 街口間鋪頭唱YEN 係 6算 街尾係7算 咁既情況咯. 現實當然冇咁簡單, 話唔定你在街中間比人開槍打死呢. 話唔定你行到一半人地改價呢.
我粗淺咁比喻, 當你做莊開場 足球博彩咁. 你可以用你既偏好, 經驗各種去開. 但最後如果有其他套戥機會, 啲友一定賣底褲都訓身家煲爆你, 一定將個價迫到去 "合理" 為止.
咁同上面講既有乜關係? 正因為有 有想法既trader(此定義下 投資投機都係 trader, 因為你唔係 user), 有套利既 arbitrager, 你先有成交比啲 user 用
亦因為頭先講既原因, trader arbitrageur 既 成交, 差不多一定大過 "真正用家" . 所以 "用家決定價格"? 你搞清楚邊個係 "用家"先啦.
有得套利, 佢必然煲到你爆莊, 就係咁簡單.
寫到呢度, 居然比我搵得番本書.
http://bit.ly/2qcVPlz Financial Calculus
開頭唔太難, 不過都要有純數底. 睇 1.1 expecation pricing 同 1.2 arbitrage pricing 得了. "因為我都好似只係睇左呢個chapter都pass"
另外留意下作者既文采
fx swap例子 在 掉期介紹和計算例子Swap introduction and calculation examples 的推薦與評價
... <看更多>