📍ᴛᴀɪ ᴡᴀɪ, ʜᴏɴɢ ᴋᴏɴɢ 🇭🇰
<大圍人氣文青Café|DearCoffee&Bakery>
唔經唔覺原來已經好耐冇去大圍度食嘢,小編每次去親大圍都一定會去Dear度睇吓有冇嘢啱食。雖然今次去到見啲麵包就唔係太吸引,不過就比佢哋嘅定食同蛋糕吸引咗,所以都排咗一陣隊入去試。
Dear Coffee & Bakery喺一間主力售賣意式精品咖啡同自家製麵包🤗,而店主亦會因應當日時令的食材,製作不同口味的麵包。另外,亦會喺週六日烤焗不同款式的蛋糕😜。
-
🍴朝·定食
評分:8.5/10
朝·定食裏面就有齊玉子、香草腸、獅子狗、芝麻醬菠菜、迷你貝果同香橙,絕對係一份均衡飲食嘅早餐。
All-day Breakfast食就食得多,日式嘅All-day Breakfast小編今次都係第一次試。朝·定食即叫即整,而且熱辣辣香噴噴咁,真係超吸吸引啦!定食嘅份量望落好似就唔係好多咁,但對於一個女仔來講呢個份量應該啱啱好。玉子嘅蛋香味都幾重,而且一件細細舊咁一啖一舊啱啱好,玉子入口食落亦唔會太油膩。香腸草入口嘅表面非常香脆,而且入口食落有好重嘅香草香味,雖然略帶有少少油膩,但小編覺得係屬於可接受範圍之內。獅子狗選用左香煎嘅方法製作,入口食落有少少外脆內軟嘅感覺,亦唔會太乾太硬,都有少少驚喜,而且滿足咗小編想食熱氣嘢嘅願望。芝麻醬菠菜嘅份量唔算太多,不過啲菠菜味唔會有浸草青味,而且配上芝麻醬感覺亦都好清爽。迷你貝果方面,貝果細細個咁真係好可愛,亦都彌補左定食份量偏小嘅問題。貝果入口食落帶有淡淡可可香味,而且貝果嘅質感亦保持店舖一貫嘅水準做到表面香脆內裏煙韌嘅感覺。整體來講,朝·定食嘅味道雖然唔算太特別,反而帶有一種平實嘅感覺,整體食物嘅水準都只係不過不失。
價格:HKD $88
-
🍴抹茶戚風蛋糕
評分:7/10
戚風蛋糕入口口感鬆軟,但就比較乾身,不過蛋糕就帶有淡淡的抹茶香味,配上香濃嘅豆乳味,令蛋糕嘅香氣都變得比較特別。而且蛋糕表面亦都放上左抹茶忌廉,忌廉入口質感輕盈,雖然忌廉本身嘅抹茶味就唔算太突出,但就帶有淡淡椰子香味,所以當抹茶忌廉配搭抹茶戚風蛋糕一齊食用時,成件蛋糕嘅味道都會更加豐富,亦都會令蛋糕變得較為濕潤少少。
價格:HKD $40
-
🍴摩卡咖啡Mocha
評分:7.5/10
Mocha嘅拉花雖然比較一般,賣相都唔係超靚嗰種,只係平平實實嘅感覺。不過比小編嘅感覺就好似好Rich咁,因為Dear嘅Mocha真係特別深色。Mocha入口飲落嘅味道唔會特別甜,但有香濃嘅可可香味,但又不失應有嘅咖啡味,咖啡入口有淡淡的堅果香味,配埋香濃可可成個味道真係超夾。值得一讚嘅係原本以為Mocha入口嘅味道會好甜,點知甜度適中不特止,可可香味都好突出。題外話,小編覺得佢哋呢一套咖啡杯真係超靚呀,飲杯Mocha都有開心咗嘅感覺。
價格:HKD $40
——————————
店舖名稱:Dear Coffee & Bakery
環境:4.5/5
服務:5/5
地址:大圍積運街2-8號海福花園地下22號舖
交通:港鐵大圍站E出口,步行約3分鐘
——————————
#hkfoodie_life_大圍
附近鐵路沿線仲有咩食👇
#hkfoodie_life_東鐵綫
#hkfoodie_life_屯馬綫
同類型食物嘅介紹👇
#hkfoodie_life_蛋糕
#hkfoodie_life_Café
#hkfoodie_life_Coffee
#hkfoodie_life_Brunch
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...
「hkfoodie_life_coffee」的推薦目錄:
- 關於hkfoodie_life_coffee 在 HK Foodie Life Facebook 的最讚貼文
- 關於hkfoodie_life_coffee 在 HK Foodie Life Facebook 的最佳貼文
- 關於hkfoodie_life_coffee 在 HK Foodie Life Facebook 的最讚貼文
- 關於hkfoodie_life_coffee 在 コバにゃんチャンネル Youtube 的最讚貼文
- 關於hkfoodie_life_coffee 在 大象中醫 Youtube 的精選貼文
- 關於hkfoodie_life_coffee 在 大象中醫 Youtube 的精選貼文
- 關於hkfoodie_life_coffee 在 HK Foodie Life - Facebook 的評價
- 關於hkfoodie_life_coffee 在 2022香草蛋糕舖-假日節慶活動情報,精選在PTT/Mobile01的 ... 的評價
- 關於hkfoodie_life_coffee 在 2022香草蛋糕舖-假日節慶活動情報,精選在PTT/Mobile01的 ... 的評價
hkfoodie_life_coffee 在 HK Foodie Life Facebook 的最佳貼文
📍ᴄᴀᴜsᴇᴡᴀʏ ʙᴀʏ, ʜᴏɴɢ ᴋᴏɴɢ 🇭🇰
<銅鑼灣新開玩味美食實驗室 EatDarlingEat>
係上個月尾銅鑼灣新開左呢一間重新演繹中式糖水嘅餐廳,玩味十足😎而且全部甜品都非常IG-able🥰就連店舖嘅裝修都非常科幻。咁所以都當然亦都即刻吸引左小編嘅眼球要去試吓啦🤤
Eat Darling Eat以藝術甜品做主打,賣相似西式甜點,但入口係中式甜品的味道🤔玩味十足。不過店舖本身亦都有提供少量嘅鹹食,配搭同樣非常創新😋
-
🍴酥炸豆卜釀香草芝士
評分:7/10
呢一款前菜以忌廉芝士🧀配搭炸豆卜,佐以傳統甜醬,絕對係一款中西合璧嘅小食😳
酥炸豆卜嘅外型有啲似迷你臭豆腐咁,的的骰骰非常可愛😁入口嘅質感亦都有幾分似臭豆腐,不過中間就由滑溜嘅豆腐變咗做口感幼滑滑嘅Cream Cheese😆味道方面,由於酥炸豆卜表面均勻咁塗上左甜醬,所以豆卜一入口先會食到甜甜地嘅味道😜其後就會帶出有少少香草味,最後就可以食到有淡淡的芝士香味,味道非常豐富😉
價格:HKD $58
-
🍴磨豉醬雞頸肉飯
評分:7.5/10
師傅會將雞頸🐓去骨,並以磨豉醬醃味,佐以脆香惹味的炸雞皮🤤絕對係又惹味又邪惡啊!
雞頸飯一上枱就已經香氣四溢😋有好香嘅磨豉醬香味。雞頸肉入口肉質非常有彈性,亦富有嚼勁😉而且雞頸肉入口亦都帶有少少焦香嘅味道。另外雞嘅飯表面亦都配上左一塊炸雞皮☺️雞皮嘅口感非常香脆,而且質感亦都唔會覺得好油膩😝個白飯底質感軟硬適中,而且白飯本身亦有沾染上磨豉醬,所以入口同樣會有啲焦香嘅味道😊整體來講雞頸飯嘅份量都充足,可以夠兩個人食,而且雞頸飯亦都非常惹味😚
價格:HKD $98
-
🍴蕃薯糖水
評分:8/10
蕃薯糖水🍠以朱古力蛋糕🍰、薑汁蛋白脆餅同香芋雪糕🍨配搭而成,旁邊再以番薯粒、蜜瓜粒🍈同食用花瓣🌼砌成一個小圈,可以喺中間倒入薑汁番薯糖水。
其實小編個人來講真係幾鍾意呢一款甜品,因為除咗影相打卡靚之外🤫個糖水入口辣辣地咁亦非常美味🤗不過底部嘅朱古力蛋糕會吸左少少啲糖水變淋咗,質感變得有啲怪🤔但個薑汁蛋白脆餅同香芋雪糕都挽回左唔少分數,因為個蛋白脆餅入口真係有淡淡的辣薑味,而且質感亦都唔會太硬😚至於個香芋雪糕方面,入口有好重嘅香芋味,質感亦都比較幼滑😌
價格:HKD $68
-
🍴木瓜雪耳糖水
評分:8/10
甜品以糖漬木瓜、雪耳配上意大利軟芝士🧀,喺軟芝士表面插上片片香脆嘅木瓜脆片同放上食用花瓣🌼,再灑上少少薑餅🍪碎作裝飾,而且碟上面更加預留左空位俾客人淋上糖水。
講真呢一個配搭望落實在有啲奇怪,不過原來入口個味道有幾夾個喎😯甜品入口嘅木瓜冰糖味比較突出,配上有淡淡芝士香味嘅意式軟芝士,入口味道出奇地夾😚而且係軟芝士表面嘅木瓜脆薄片雖然一片薄薄地咁,但原來入口有超級重嘅木瓜味😎所以入口成個甜品都毫無遺和感😝另外半碟的都真係放上左木瓜同雪耳,而且仲加入左啲薑餅碎,所以甜品入口亦都有少少辣辣地嘅感覺😜
價格:HKD $68
-
🍴雪葩菠蘿包
評分:8.5/10
師傅會喺自家烘焙嘅菠蘿包中間切一刀,放上左一球菠蘿雪葩🍨同吉士醬,碟邊再放上蜂蜜焦糖脆脆🍯同菠蘿粒🍍作點綴。
菠蘿包嘅表面焗得好鬆脆,而入口就有啲似食緊泡芙咁😉配合埋質感幼滑&帶有少少奶香味嘅吉士醬一齊食,不論質感定係味道都非常豐富☺️再者,菠蘿包裏面嘅雪葩入口有好重嘅新鮮菠蘿味😍連埋伴碟上面嘅菠蘿粒一齊食絕對係「真菠蘿包」丫😘而焦糖脆脆方面,入口味道唔會太甜帶有淡淡蜂蜜香味,質感亦非常香脆,絕對係錦上添花😆整體來講菠蘿包嘅味道真係好有驚喜,因為入口真係有好重嘅菠蘿味,而且味道亦偏向比較清新唔會太甜😎
價格:HKD $68
-
🍴短笛鮮奶咖啡
評分:8/10
咖啡中嘅Espresso☕️係以意大利既Astoria咖啡機萃取,按咖啡豆既特質調整沖泡同打泡嘅力度,再加入一份鮮奶🥛,製成呢一杯Piccolo Latte。
Piccolo Latte落嘅鮮奶份量雖然冇咁多,不過入口口感仍然都算幼滑😋而隻咖啡味亦相對比較易入口,個人來講係幾鍾意嘅😳再者,Piccolo Latte入口亦會比較重咖啡香味,相對奶香味會比較少🤗
價格:HKD $36
-
🍴甜心
評分:8.5/10
Mocktail🍸以血橙果泥🍊、酸橙柚子汁、檸檬汁🍋同薑汁糖漿調配而成,製成呢一款味道清爽嘅非酒精飲料😜
Mocktail入口有比較重血橙橙香味同清新嘅檸檬香味,不過每一啖嘅最尾都會飲到有辣辣地嘅薑汁味😆但味道就比較似係薑汁汽水嗰種🤔所以Mocktail入口嘅味道會偏酸,而且感覺上亦都比較清新,因此亦都會越飲越開胃😚
價格:HKD $48
——————————
店舖名稱:Eat Darling Eat
環境:5/5
服務:4.5/5
地址:銅鑼灣百德新街27-47號及記利佐治街11-19號Fashion Walk地下17號舖
交通:港鐵銅鑼灣站E出口,步行約5分鐘
——————————
#hkfoodie_life_銅鑼灣
附近鐵路沿線仲有咩食👇
#hkfoodie_life_港島綫
同類型食物嘅介紹👇
#hkfoodie_life_Café
#hkfoodie_life_Coffee
.
.
.
.
.
#EatDarlingEat #MingFatHouse #PineappleBun #親愛吃 #真菠蘿包
hkfoodie_life_coffee 在 HK Foodie Life Facebook 的最讚貼文
📍Hong Kong 🇭🇰
<上環靚靚拉花Café SteamCafe>
店舖係一間樓上舖,人流比較少。個格局就比較似係家庭式經營。環境比較寧靜,嘆杯靚咖啡簡直一流呀!
🍴黑松露炒蛋窩夫伴薯餅
評分:7/10
一大朝早食個咁豐富嘅早餐真係超級爽。雖然聽落就普通咗啲,但都有驚喜。佢哋個黑松露炒蛋真係超足料,黑松露味好香,而且亦都好蛋香味,個炒蛋亦都炒得好大份。窩夫方面,個size就比較細,而且比較乾身,但都算係不過不失。至於個薯餅方面就應該係最失望嘅一part,一「吉」落去就全部散晒,不過薯餅嘅口感就有啲似麥記個款。
價格:HKD $32
🍴椰子鮮奶咖啡
評分:8.5/10
平時Latte就飲得多,不過椰子味嘅鮮奶咖啡都係第一次見。估唔到Latte入口真係有好香嘅椰子味,而且亦都有好重嘅咖啡味,兩者嘅味道比例做得啱啱好。而且Latte入口亦都好順滑。Latte份量屬於比較大杯,以呢個價錢來講都幾抵飲。另外佢哋依度嘅拉花真係超級可愛,賞心悅目啊!
價格:HKD $40
——————————
店舖名稱:Steam Cafe
環境:4.5/5
服務:5/5
地址:上環皇后街62-63號時代商業大廈4樓
交通:港鐵西營盤站A2出口,步行約6分鐘
——————————
#hkfoodie_life_上環
想睇翻同類型既食評👇
#hkfoodie_life_Coffee
#hkfoodie_life_Café
.
.
.
.
.
#breakfast #steamcafe #latte #coffee #coffeeshop #cafe ##waffles #blacktruffle #coconutlatte #鮮奶咖啡 #黑松露 #黑松露炒蛋 #薯餅 #炒蛋 #窩夫 #早餐 #咖啡 #咖啡店 #拿鐵 #牛奶咖啡 #コーヒー
hkfoodie_life_coffee 在 2022香草蛋糕舖-假日節慶活動情報,精選在PTT/Mobile01的 ... 的推薦與評價
#hkfoodie_life_屯馬綫同類型食物嘅介紹 #hkfoodie_life_蛋糕 #hkfoodie_life_Café #hkfoodie_life_Coffee #hkfoodie_life_Brunch. ... <看更多>
hkfoodie_life_coffee 在 2022香草蛋糕舖-假日節慶活動情報,精選在PTT/Mobile01的 ... 的推薦與評價
#hkfoodie_life_屯馬綫同類型食物嘅介紹 #hkfoodie_life_蛋糕 #hkfoodie_life_Café #hkfoodie_life_Coffee #hkfoodie_life_Brunch. ... <看更多>
hkfoodie_life_coffee 在 HK Foodie Life - Facebook 的推薦與評價
... 鐵路沿線仲有咩食 #hkfoodie_life_觀塘綫同類型食物嘅介紹 #hkfoodie_life_蛋糕#hkfoodie_life_麵包#hkfoodie_life_Café #hkfoodie_life_Coffee | Facebook ... ... <看更多>