#著舊衫系列 # #jensonashley 由於不捨得妹妹經常作中性打扮，所以哥哥的舊衫最後也沒留太多給妹妹，剛好執衣櫃找到這件......差成年喎！到底是某人太細粒還是件衫洗得太鬆？
妹妹：「件衫係哥哥架、留俾妹妹喎」
妹妹：「紅色 abc 果啲囉」
媽媽：「黃色呀，上面係數字3 同 6......」
妹妹：「五六七八九十、五六七八九十......」
這階段好攪笑，成日跟人口水尾，説話時好多「咋喎」、「架喎」。問佢叫咩名，佢會答哥哥個全名；哥哥同朋友正在video call，佢入鏡被我拉走之後我話：「哥哥同朋友傾計呀」
妹妹：「係我朋友嚟喎。」
成日偷聽我哋講嘢，我同爸爸細細聲講暗示、隱喻的對話，佢都知我地講緊乜；我靜雞雞入廚房開包薯片、開個玻璃盒偷食零食，佢又會發現到：「妳妳妳......妳食緊咩嚟既？」有段時間明明好合作臨訓一叫就去刷牙，而家......
媽媽：「妹妹，去刷牙喇！」
妹妹：「我唔刷呀，我要訓覺呀。」
媽媽：「唔刷牙 d germs 喺你啲牙齒度開party 架」
妹妹：「唔係真架，假架！牙齒無germs 架！」
特此記錄，可愛又勞氣的妳。
#jensonbb #ashleybb #支鏡靚咗 #男女大不同 #再次欠文十萬九千七 #拖延症發作
jensonashley 在 #男生女相#女生男相#jensonashley... - Duckie SIUCHI is ALL ... 的推薦與評價
男生女相#女生男相#jensonashley 大概每個生兩個小孩的媽媽都會做的事。就係留返幾件衫俾第二個小朋友著留念，哥哥歲半前基本上出街個個都話係女仔嚟，妹妹就一半一半 ... ... <看更多>