上次被差人搜身，佢見到我個袋裡面有幾包藥，然後好似發現寶物咁款，問我嗰啲係乜藥。你查就查啦，但係做乜個語氣要咁興奮，以為搵到啲嘢可以叉輪住人哋咁。
我好順口咁答 paracetamol, loperamide, ibuprofen, acetazolamide，可能我好似唸經咁講晒出嚟，個差人嘅表情顯得好迷茫，但又唔好意思問落去。
呀～～～～～
呢啲其實只係居家旅行常見藥（注），我唔係專登講藥丸嘅英文名，但啲中文名真係好難記——对乙酰氨基酚、洛哌丁胺、布洛芬、乙酰唑胺。
呀～～～～～
注：最後嗰隻係高山藥 acetazolamide，有時會用牌子名，即 diamox 或海拔適之類，雖然屬於 P1S1S3，即係第一類毒藥附表三嘅藥物，但我嗰幾粒高山藥，本身係由香港衛生署開藥，而我亦有親自去過胡忠大廈嘅旅遊健康中心睇過，完全符合法例要求。
至於 ibuprofen，係屬於 P1 藥，去任何有藥劑師嘅藥房都可以買（即係有紅色十字標誌嗰啲藥房）。
同埋提醒各位，而家無差別濫捕時有發生，香港公安隨便話一句，懷疑你管有毒藥，都可以拉你。雖然最終未必告你，但會好阻時間，所以如果真係要帶藥出街，最好係連同原包裝。如果係散裝藥，最好連埋開藥個袋，有你個名，有藥名，有診所名字等等。對於 P1 類嘅藥物，你係可以完全合法地自己購買自己擁有，但因為 P stands for poison，有時啲公安真係會看圖識字咁去拉人，所以如果管有 P1 藥物，有收據嘅話，最好都保留收據。無收據嘅話，咁佢可以捉咗你番差館，但都無法落案嘅，阻時間囉。對於 P1S1S3 類別嘅藥物，例如啲血壓有關嘅藥，即使攞出街，都最好要帶有醫生紙（或副本）。
loperamide中文 在 陳鋭溢隨筆。分享- ［ Imodium 用於洗腎病人］... | Facebook 的推薦與評價
［ Imodium 用於洗腎病人］ 美國FDA建議，使用loperamide，必須注意下列事項： ... 中文(简体) · English (US) · Español · Português (Brasil) · Français (France). ... <看更多>