《我最喜愛同事獎》
年尾好多公司都會為員工設立一啲獎項，例如全年最佳員工、最佳團隊之類。而有一種同事雖然工作表現未必最出色，但就受盡同事愛戴。所以我哋應該要自設一個「我最喜愛同事獎」，鼓勵下呢啲咁重要嘅同事。要得到呢個獎嘅同事，一定要有呢啲條件：
1.夠玩得
要受同事愛戴，首先一定唔可以小氣，就算畀人整蠱都唔會嬲。公司做嘢氣氛太凝重會攪到個個都唔想返工，有個玩得嘅同事喺左近，得閒可以幫佢轉老細張相做電腦Wallpaper，大家互相玩下，工作氣氛都輕鬆啲。
2.夠好笑
身邊總會有啲同事鍾意講超爛嘅爛gag，例如USA個細佬係邊個？⋯⋯⋯USB呀；小熊維尼剃咗頭變咩？⋯⋯⋯削髮維尼呀。
咁爛嘅gag都講得出，雖然冇人識笑，但暗啞底已經令大家工作氣氛輕鬆咗好多。
3.信得過
做同事要講長期合作，所以一定要信得過。講好一齊去廁所就一齊去廁所，一定唔會掉低你一個。你嘅秘密就係佢嘅秘密，就算知你multi-task online shopping緊都唔會出賣你。
4.同甘共苦
佢見到你OT一定唔會掉低你，實行有T齊齊O，要走一齊走。畀老細捽會聽你訴苦，畀人鬧會安慰你。無論順境逆境，佢都會喺你身邊支持你。就好似嘉頓時時食咁，幾時食都咁啱食，無論係面對失落定壓力，時時都會陪住你～
#好同事可遇不可求 #tag一個你最喜愛同事 #時時想起時時食 #嘉頓有限公司
tag一個你最喜愛同事 在 蝦皮購物(Shopee) - #Tag身邊的同事讓他請你吃肉乾#抽999 ... 的推薦與評價
掌握人生中每一個值得紀念的美好時光，EZTABLE 簡單桌APP 讓你瀏覽台灣、泰國、印尼、香港 3000+ 優質好餐廳，精選每一次聚餐的好去處，為你【預訂美好 ... ... <看更多>