🚫嚴禁劇透🚫粗口自行過濾🚫
🚫免批評外表人身攻擊🚫
[1230隔夜超短劇評][ViuTV][暖男爸爸][EP05]
✅ 張可頤繼續出色 余香凝夠暖意
❎ 煮食個段太長 阿E網吧一段調位更好
經過咗琴日嗰集全能強尼演嘅Lantau貫穿全集，今集去返兩個主角阿榮同埋芷明身上。
余香凝每次出現都散發住無限嘅暖意，好鬼正。不過佢喺人後都似乎會孤單寂寞凍，至少喺等阿榮返嚟時佢唔係咁正能量。劇本都畀咗個stand point畀鯨魚呢個角色，付出維持住段關係或者因為佢係孤兒，所以佢心底渴望有個溫暖嘅家？唔知呢個近乎神人嘅設定會唔會喺劇裡面有破滅嘅一日呢，如果冇都合符劇情，但如果有嘅話就期待吓佢點鋪排（但我希望唔會破滅）。
張可頤今集繼續強勁，佢食嘢鯁親睇書自救嗰段好精彩，亦都好在有呢段，先可以沖淡返佢同阿榮各自煮嘢食嘅沉悶，暴龍哥嘅演出都有幫到手加分，但成段煮嘢食真係長得離譜，如果剪短啲就好。
另外張可頤喺糖水舖明明串緊Roger，然後突然嚟料自己喊，都好正。芷明喺以住片段好多時都好開心活潑，但去到依家就多咗份老練，唔知係咪淨係因為被背叛失婚？定有其他原因呢？
長崎蛋糕嘅味道由鯨魚傳到去芷明手上，睇嚟好快就會開始講阿榮同芷明關係嘅變化。到底芷明會揀人哋整落依家自己又有份整嘅長崎蛋糕，好似變返好但都未信得過佢嘅紅豆沙，定係繼續自己食可能鯁死都冇人知嘅桑寄生蓮子茶加蛋呢？
如果阿E去網吧度日同埋仲掛住阿Chok嗰段，安排喺芷明就嚟鯁死嗰段之後，用孤獨感去扣住，或者呢段個效果會強啲，會諗吓阿E一個人都好慘。又或者放喺阿榮畀女玩畀女飛嗰幕前後，都可以扣住阿E畀阿Chok玩。但依家呢段孤獨的E放咗喺阿榮同鯨魚便利店嗰段之後，然後就去廣告，有啲浪費。
btw，我鍾意睇張同祖做戲呀。
學《悠長假期》喺窗口玩彈彈波好咩？我睇唔到有咩關係…
📺 99台 逢周一至五 2130~2230
[演員表] 鄭中基 飾 林世榮 / 張可頤 飾 羅芷明 / Jasper Ho 飾 暴龍哥 / 賴柏綸 飾 暴龍哥 / 文凱玲 飾 Ling / 章尾而 飾 阿E / 強尼 飾 Lantau / 陳俞希 飾 Bianca / Crisel Consunji 飾 Leah / 余香凝 飾 余超瓊 / 駱振偉 飾 Ted / 陳子豐 飾 Jesse / 岑樂怡 飾 Carmen / 李建邦 飾 阿V / 葉千浿 飾 小英 / 李昭南 飾 Nami / 張同祖 飾 糖水店老闆 / 劉家儀 飾 糖水舖老闆娘
#ViuTV #戚家基 #鄭中基 #張可頤 #賴柏綸 #文凱玲 #章尾而 #強尼 #陳俞希 #余香凝 #CriselConsunji #駱振偉 #陳子豐 #岑樂怡 #李建邦 #葉子浿 #李昭南 #張同祖 #劉家儀
viutv去廣告 在 ViuTV App有得下載啦！認住呢隻藍色！ 終於有機會等大家搞返 ... 的推薦與評價
https://itunes.apple.com/hk/app/viutv-free-tv-channel-99/id1091178201?mt=8 ... expedia 廣告好搞笑,揾多d 廣告商拍viu tv 獨有廣告,好睇的廣告有興趣睇, ... ... <看更多>