暑期STEAM烘焙班
小朋友有得玩有得食仲學到嘢！
大細B又有好嘢介紹呀！喺K11 MUSEA嘅「Harry’s Kitchen哈里小屋」喺暑假期間推出「STEAM x Baking」夏日烘焙科技興趣班，以「STEM」（科學丶科技丶工程丶數學）為基礎，加入「藝術 」（Arts）元素以組成「STEAM」教育方案。呢個夏日烘焙課程以海洋為主題，而且可以揀以廣東話、英語或者普通話授課，大細B就上咗Yuki老師嘅廣東話忌廉杯子蛋糕班。佢哋完全投入仲話要學埋其他呀！
我見到老師除咗教佢哋打蛋、打忌廉、拌勻folding on呢D整蛋糕必要技巧之外，亦會講解背後原理，從中了解唔同烘焙用具嘅使用方法、唔同食材處理帶來嘅化學及物理反應等知識——例如糖及酵母如何影響麵糰的質量、為何雞蛋被視為天然乳化劑、調味及調色劑的魔法應用等。睇我page或上過我堂嘅朋友都知，我成日講，烘焙其實係chemistry。今次見到高手呀！係教小朋友嘅高手呀！Yuki老師叫大細B思考，點解打忌廉同蛋白會發起？打過龍點解會變水？Y老師有個我呢個烘焙控都冇諗過嘅解釋，就係打發呢個動作好似吹氣球加入空氣，所以會脹大，但吹得太多會點呀？個波會爆所以就會塌番落嚟。嘩，所以小朋友真係要比人教呀！
仲有呀呢個烘焙課程勁在係由本身具有五星級酒店培訓經驗嘅糕點師負責教學，比小朋友透過味覺、嗅覺、觸覺、顏色及視覺呢五大方向，以互動形式學習烘焙嘅基本概念，啟發小朋友從課程學習中學到嘅烘焙及食材處理知識融會貫通，為作品用心注入獨一無二嘅藝術氣息，同埋將自己嘅製成品同人分享。大細B真係有分享㗎！一人攞8個cupcakes返來，即刻分享比工人姐姐、救生員哥哥同學校班主任！
另外仲有等出爐時，佢哋都了解到小朋友心急怕等，所以有D填色活動、小書仔等比佢哋出發時間。小朋友完成課程後，「Harry’s Kitchen哈里小屋」會提供成就證書，以證明參加者已通過由導師喺課堂期間進行嘅一系列互動遊戲及小測驗。
「Harry’s Kitchen哈里小屋」的「STEAM x Baking」夏日烘焙課程將喺2021年7月1日至8月31日期間舉辦，以二至三人為一組小班形式授課。由即日起報名參加由2021年7月1日起至31日期間進行嘅課程，更可享夏日推廣八折優惠。
課程詳情：
以海洋為主題的「Basic基礎課程（四堂）」（每堂1至1.5小時）專為三歲或以上、毫無烘焙經驗的人士而設，由簡單的甜點如「創意冬甩」、「糖霜蛋糕」、「忌廉杯子蛋糕」及「手繪瑞士卷」入手，認識烘焙的基本原理及技巧。現凡報名及預留2021年7月1日起至31日的課程，即可以優惠價港幣1,868元（原價港幣2,328元）參加四堂的「基礎課程」。
在「Basic基礎課程」中，參加者可以透過學習使用麵粉轆，在揉麵糰的過程中進行手部運動，訓練雙手的協調能力，探索要將麵糰揉至厚度均勻所需的力度及速度等。
而「Advanced進階課程（四堂）」（每堂1.5至2.5小時）則為對烘焙有基本認識及經驗的人士而設，讓大家進一步巧手挑戰難度較高的美點，以海洋為主題的「馬卡龍」、「六吋創意蛋糕」、「薄餅」及「糖皮杯子蛋糕」定能在學習之餘，為夏日倍添繽紛。現凡報名及預留2021年7月1日至31日的課程，即可以優惠價港幣2,268元（原價港幣2,828元）參加「進階課程（四堂）。
想參加或查詢課程，可以去佢哋網站 www.harryskitchenhk.com，或電郵至 hk@harrys-kitchen.com 或致電（852）5645-1365。
Facebook： Harry's Kitchen
Instagram： www.instagram.com/harryskitchen_hk
Harry's Kitchen
K11 MUSEA
#harryskitchen #k11musea #kidsbaking #bakingclass #steam #stem #learning #英式主婦 #BakingStudio #STEAMxBaking #SummerWorkshop #STEAM暑期烘焙班 #SummerCooking
乳化劑原理 在 可可推薦dcard - 2023 的推薦與評價
... 怎麼挑選對身體有益的可可粉，本篇將帶你了解可可粉的原理、可可粉和 ... 的奶蓋是推薦的這款85%黑巧克力不使用乳化劑等化學添加物，整塊巧克力的 ... ... <看更多>