【突然有感 - 不茶煲的2歲】
澄兄30個月大。
如果所謂 trouble 2 發生在18-36個月大，澄兄差不多準備所謂 terrible 3 了。
回顧澄兄近一年嘅性格轉變，只係有時情緒比較敏感，有時比較有主見，大部分時間仍然可以同爸媽婆婆商量，明白事理，了解規則，所以，好感恩其實佢一啲都唔 trouble。
未生澄兄前已經上過 #正向管教 嘅課堂，大部分內容其實已經忘記😅，唯獨幾句係我成日提醒自己嘅：
#溫柔而堅定嘅溝通
#簡單而直接嘅指令
#誠懇而實在嘅鼓勵
📺📺 舉個例子：
澄兄有個習慣，每日沖完涼都要睇 YouTube 車車片。佢而家每日都會先問准婆婆/爸媽，我地每日都會問佢睇幾多，佢就每日答睇一個，幫佢set好喺電視就會坐定定睇，有時會跟口up up 跟住講，睇完一段就 #會自己熄電話、電視，再去玩玩具。
其實最初澄兄係會要求不斷播放一段又一段，到而家會說到做到，其實都經歷咗一段時間。最初，就算傾好睇一段，但一睇就會唔想停，我地見到佢喊住話要睇多段，都好少心軟，大部分時間會堅持唔俾，唔係就咁講「唔可以/no」，而係 #不斷重覆 講「 #我地講好咗 睇一段，而家睇完一段啦，眼睛/手機/車車要休息啦」，再用 #一齊玩車車/ #一齊睇書書黎吸引佢，大部分時間都 work 架。如果果日佢主動睇完熄電視收拾電話、搖控，我地梗係 #大大力讚 佢「睇完一段自己熄機，做到答應嘅事，好孩子」之類。到咗一段時間後，佢已經自行做到睇完就收拾。
下一步希望佢會9成時間自己食飯🙈
#我知咁細睇電視唔好
#選擇一段最多10分鐘嘅片
#停止自動播放好重要
#project去電視唔會太近睇螢光幕
#有時會陪佢睇
#真心唔明有乜好睇
#但佢鍾意就睇啦
#都係一段啫
#唔洗每時每刻都學習嘅
#堅持食飯時唔會睇
#圖文不符
#原本純粹想曬囝唔係想寫字
#唔係專家
#可能你覺得我講廢話
#謝謝你睇到呢句
